السلام عليكم و رحمة الله و بركاتة
مبارك عليكم شهر رمضان اعاننا الله على صيامة و قيامة..
اخواني انا عندي جمس 454 موديل 80 حوض
الحمدلله اشتغلت عليه و ضبطته و جددته
بس بقى لي كم شغلة ياليت تساعدوني فيها خصوصا اني والله ما سالت الا بعد ما دخت و انهد حيلي..
1- العازل اللي يجي بالارضية يقولون يجي منه شي معه تبن (و انتم بكرامة ) و طين للعزل الحراري ؟
هل هو موجود فعلا.. و وين احصلة (انا بالرياض) او اذا فيه بدائل او الاصلي بس من وين اجيبة و بكم لو تكرمتوا
2-توماتيك المروحة (شد البلد) خربان و يبيلي توماتيك جديد بس للاسف ما حصلت.وين احصل و اذا قلبتها كهرباء وين احصل كهربائي متمكن بالشغلة هذي ؟ياليت تزكون لي كم واحد الله لا يهينكم
3-الموتر بحاجة الى تنجيد ارضية و طبلون و مرتبة برضو الله لا يهينكم ياليت تزكون لي كم واحد و ما نستغني عن اقتراحاتكم بهذا الموضوع .. (فكرت اجيب موكيت للارضية وش رايكم , و الطبلون جهه متقشرة شوي وش رايكم و اسوي )

4-النيكل اللي بالديكور و الخارجي تحتاج الى تجديد...وين اقدر اصبغها و بكم الاسعار
اسف على الاطالة يا شباب.. بس وربي حفرت الصناعية و ما جاورها من احياء و مناطق مؤهولة و خالية من السكان
بإنتظار مشاركاتكم و ردودكم...
اخوكم zZzZzIDAaAaAN