سحاب-عالم من صغره بس مااكتشفه احد الا هلحين

محروم.كوم · #1 05-29-2016, 04:00 PM

السلام عليكم ايها الصامتون
انا كنت عالم من صغري بس الا هلحين مااكتشفني احد هههههههههههه
اذكر ونا صغير كان عندنا حياله نخل مهجوره وكنت اروح لها ومعي صطل فيه ماء ولقا فيها بيوت العقارب وقوم وحجر بالتراب على البيت ثمن اصب من الماء الين يمتلي ثمن احفر عليهن وتبع الرطوبه الين القا العقرب وحطها في قوطي معي وكرر العمليه عشر وعشرين الين تشوف العلبه تخترش بالعقارب مليانه
ثمن طال عمركم اروح وجلس عند بيت النمل الاسود يصير فيه نثيله بالتراب مرتفعه عن الارض في بيوتهن
ثمن تبدا العمليه العلميه
وقوم اخذ العقارب على وحده ورميهن على بيت النمل ثمن تعال شف النمل وش يسوي فيها يقطعنها تقطيع ويدخلن بها في بيوتهن وسبحانك ربي لااله غيرك الا جدعت عليهن عقرب كبيره يروحن النمل الصغار بسرعه داخل بيوتهن ثمن يجن ومعهن نمل كبر ابليس من كبرهن كبار مررررره ويمسكن العقرب ويفصلنا تفصيل كل عضو بالحاله ويدخلن بها في مستودعاتهن سبحانك ربي ماخلقتا هذا باطل فقنا عذاب النار والله العظيم اني مره ايام الفقع رحت افقع تحت طويق وذا الكلام من 7سنين تصدقون اني لاقي فقع كبر راس البزروزبيدي مهوب خلاسي بعد في وسط بيت النمل سبحانك ربي النمل مايحب الفقع ابد موتك من القوبعه هي الي تنقزه ثمن تنقره مرتين وتروح وتخليه يخيس انا معلمكم بسالفه قوبع حرامي ههههههه هذي سالفه واحد عنده مزرعه وزارع عيش وكل ماجايلقا العمال جالسين في غرفتهم والعيش على حد الحصاد ومليان من طيور القوبع الي كنها عصفور بس على راسها قبع ريش واقف وهذا سبب تسميتها بالقوبع المهم يجيهم الرجال يالي فيكم ملا فيكم تشوفون القوبع ياكل في العيش ونتم متبطحين فيذا لانهم كانو ياخذون راتب شهري قالو يابابا هذا قوبئ مسكين يعطي بشا يعني صغاره بس ماعرف اكتبها هذا يابابا مسكين اكل شوي مافي مشكله المهم يوم جت السنه الثانيه قالهم ترا مافيه ذا السنه رواتب وكانو 7 عمال مافيه الا تزرعون والنص بالنص يعني الا باعو العيش ياخذون نص المبلغ وراعي المزرعه النص الثاني وافقوذا العمال لانهم يبي يكسبون اكثر من رواتبهم والمزرعه كبيره وفيها عشره رشاشات محوريه المهم يوم سنبل العيش وحول الحصاد ويجي راعي المزرعه عز القوايل شمس تحمس ويلقا العمال وسط العيش ومعهم تنك ويطوقونا بالعصا علشان يطردون القوبع قالهم راعي المزرعه ليش كذا هذاحرام هذا قوبع مسكين ياكل ويودي اكل حق صغير هو ليش ياصديق انتا تطردهاقالو لا يابابا هذا قوبئ يعني قوبع حراااامي لازم موت قال توه يجي حرامي يالحمير ولا منول يوم الراتب ماشي وهوقوبع مسكين
تعلمني خالتي جعلها للفردوس وميمتي وبيي وخيي وجدي ونا معهم بعد وكل من يقراء وكل مسلم

تقولي تعال اعلمك ياسحاب ايام الجوع وش نسوي
تقول الا جانا مطر ذيك الليله وصبحنا وصارت الشمس طالعه نروح لبيوت النمل ونلقاهن مطلعات كل العيش الي عندهن في الشمس علشان ييبس لان المطر جايهن
تقول نقوم وناخذ العيش حقهن تقول ماعندنا مانحطه في بطونا من الجوع
تقول نجمعه مايجي جمعين في اليد ونضفه من التراب والحصا ثمن نجرشه بالرحى ثمن نطبخه وناكله

شوفو النعمه الي انحن فيها يالتوالي الله يكفينا شر الدنيا وميلاتها

وبس هذا الي عندي اليوم ونتم بصركم لا تردون علي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(خبر) أغلى هاتف فى العالم يصل سعره الى سعره 16.5 مليون دولار	محروم.كوم	منتدى أخبار المواقع والمنتديات العربية والأجنبية	0	02-12-2014 10:40 PM
سحاب x سحاب رحلتي الى الطائف والباحة وابلجرشي الموافق 18\19\20\\6\1433ه	محروم.كوم	منتدى أخبار المواقع والمنتديات العربية والأجنبية	0	05-18-2012 01:10 AM
4صور لي سحاب عام 1429ه بروضة سدير سحاب قوي قوي الله يجيب الخير لي جميع المسلمين	محروم.كوم	منتدى أخبار المواقع والمنتديات العربية والأجنبية	0	10-15-2011 11:10 PM
صورة سحاب على الرياض عجيبه !!!.... إحترافية ...من مسلهم في سحاب	محروم.كوم	منتدى أخبار المواقع والمنتديات العربية والأجنبية	0	12-17-2009 01:00 PM