شوفو النخله وفايدتها عقب الرطب والتمر

محروم.كوم · #1 04-30-2016, 05:21 PM

بسم الله صلى الله على محمد
الابذكرالله تطمئن القلوب لااله الا الله وحده لاشريك له
يالله تحييهم جميع كبيركم وصغيركم وليا حيا كثر هلا بالغالين ومرحبا ومسهلا ولوكم ماتردون

منول يالغالين ماننطل شي من النخله ابد ابد
عسبانها او جريدها نستخدمه لعده اشياء اول شي مكنسه نكنس بكسره العسيب
والييف نغسل فيه المواعين ولا نحطه في ثعبه الدله يمسك الهيل ولا فيه مانع نستخدمه نفرك فيه اجسامنا وحنا نتروش وعساها تنضف بعد :d
والكرب والصنوخ والعسبان بعد نستخدمهن في شبه النار ويصير عند الوجار عقب ماتطورنا طاحونه نطحن فيها القهوه عقب مانحمسها ونطحنه فيها ولا قبل مهنا الا بالنجر ويصير فيه بيت الحطب ورا الي جالس يصلح القهوه نحط فيه الحطب

وخوص العسبان نصلح فيه زبيل الخوص ويصير له عروتين للشيل ونحط تحت زبيل الخوص من برا قطعه جلد ونخيطها فيه علشان يتحمل الشيل ولا ينخبق علينا وكلمه ينخبق :dيعني لا ينشق اسفل الزبيل
ونسوي من الخوص بعد الحصيرالي مثل هلحين الفرشات ونجلس عليه ونرقد عليه بعد وبعد :d
وجذوع النخل تصير قويه وتتحمل نحطها مثل السواري او العمدان الي تشيل البيت وكثرمانحطها للمساجد الصغيره الي تجي بين النخيل
ولا نحطها بين الزرانيق حقه القليب ونعلق عليها المحال او السواني

تدرون منهو الي يركب الرشاء على المحال الا انفصخ منه ونتم تخبرون العمليه خطيره اي خلل يحدث يطيح وسط القليب والموت لا محاله لا قدر الله
الي يركب الرشا رجال اعما مايشوف صدق او لا تصدق هذا الي حاصل يتلمس الين ياصل الرشاء ويركبه على السواني عاد اهل النخل يعطونه قاسمه الله ياتمر ولا عيش ولا الي يجي مهمب يخالفون
بس هاه ترانا في سعاده من ربنا مهيب عند غيرنا لله الحمد والشكر
وبس ابا اروح اصلي هلحين ولا حقين على الباقي بخير انشاء الله سبحانه وتعالى

ودعتكم الله وفي حفض الله

وفي الاخير مانقول الا
سبحان الله وبي حمده سبحان الله العظيم
عدد خلقه وزنه عرشه ومداد كلماته ورضى نفسه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Traidnt.Net : الفوائد العظيمة لنواة البلح والتمر	محروم.كوم	منتدى أخبار المواقع والمنتديات العربية والأجنبية	0	10-13-2014 12:10 AM
[ مقالة ] الحكمة من الافطار على الماء والتمر	محروم.كوم	منتدى أخبار المواقع والمنتديات العربية والأجنبية	1	07-11-2012 02:21 AM
لماذا يا ترى يكره الجن والشياطين العجوة والتمر بأنواعه؟	محروم.كوم	منتدى أخبار المواقع والمنتديات العربية والأجنبية	0	09-26-2011 12:30 PM
[ مقالة ] الحكمة من الافطار على الماء والتمر	محروم.كوم	منتدى أخبار المواقع والمنتديات العربية والأجنبية	0	08-15-2010 05:50 AM
الرطب يأهل الرطب تصوير >>>>>> الغزال الشارد	محروم.كوم	منتدى أخبار المواقع والمنتديات العربية والأجنبية	0	06-22-2009 11:10 PM