المسلم الوحيد في العالم‎ ...

محروم.كوم · #1 08-03-2009, 11:40 PM

أبو صالح و أبو راشد قاعدين يطالعون الأخبار في بلدتهم بريدة في القصيم.

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.

- والله أنك صادز (صادق) يا أبو صالح. -

بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن والأحاديث.

- والله أنك صادز يا أبو صالح. -

وبعد ترى موب كل العرب مسلمين صحيحين. عندك هالشوام والمصاروه والمغاربه والله حتى ما يصلون صلاة ربي. ان بغيت المسلمين الصدز تراهم أهل الجزيرة والخليج.

- والله أنك صادز يا أبو صالح.. -

وموب بعد كل الخليج.. ترى كل هالدول تسمح بالخمر وبالكنايس، الدين الصدز هو ديننا حنا يا أهل السعودية.

- والله أنك صادز يا أبو صالح.

- بس عندك بعد أهل الشرقية فيهم شيعة وحريمهم ما يغطون وجيهم، وأهل الغربية حريمهم بعد ما يتغطون ويشيشون، وأهل الشمال حريمهم ما يتغطون عن رجالهم ويجلسون معهم ويضيفوهم. وأهل الجنوب مثل ما انت خابر عندهم بدع واجد.

الدين الصدز هنيه عندنا في الوسطى والقصيم.

- والله أنك صادز يا أبو صالح.. -

بس ترى عندك هنا في الوسطى الناس يتتنون (يدخنون) ويسمعون موسيقى والعياذ بالله. الدين الصدز هنيه ببريدة.

- والله أنك صادز يا أبو صالح.. -

بس بعد في بريدة موب كل حارة زي الثانية! ترى أكثر أهل بريدة مركبين دشوش ويشوفون القنوات الماجنة. ما فيه مثل حارتنا مافيها ولا دش واحد.

- والله أنك صادز يا أبو صالح... -

بس الله يهديهم جيراننا موب دايم تشوف عيالهم في المسجد، ولا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا وانت.

- والله أنك صادز يا أبو صالح..

-بس أشوفك يا بو راشد هالأيام ما تخشع زين في صلاة الفجر

من بريدي ...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج حقيبة المسلم :.الأشمل في عالم الاسلاميات (فيديو,فلاش,محاضرات,أناشيد,بث,..)10م	محروم.كوم	منتدى أخبار المواقع والمنتديات العربية والأجنبية	0	04-09-2010 10:50 AM
برنامج حقيبة المسلم :.الأشمل في عالم الاسلاميات (فيديو,فلاش,محاضرات,أناشيد,بث,..)10م	محروم.كوم	منتدى أخبار المواقع والمنتديات العربية والأجنبية	0	04-09-2010 10:40 AM
المسلم الوحيد في في العالم	محروم.كوم	منتدى أخبار المواقع والمنتديات العربية والأجنبية	0	04-08-2010 06:30 PM
المسلم الوحيد.. على وجه الأرض..!!	محروم.كوم	منتدى أخبار المواقع والمنتديات العربية والأجنبية	0	10-01-2009 10:30 AM
برنامج المسلم لسماع ايات القران الكريم حمله الان اخى المسلم ولن تندم	محروم.كوم	منتدى أخبار المواقع والمنتديات العربية والأجنبية	0	07-09-2009 11:50 PM