السلام عليكم ورحمة الله وبركاتة،،،
لدي سيارة من نوع فوردكراون فيكتوريا-موديل(1998م)مشكلة السيارة باختصارانهااذادقيت سلف ماتشتغل ابداً-وباعطيكم نبذة عن تاريخ السيارة.وهي ماقدصارحادث لي بالسيارة ولله الحمد.انماكانت توجدعدد(ثلاثة اسلاك مقطوعة اسفل علبة الفيوزات في الكبوت.ورحت لكهربائي وشبكهاببعض وكل سلك في محله الطبيعي.والأسلاك طبعاًمرتبطة بعلبة الفيوزات اللي في الكبوت.جنب البطارية.اسفل الرفرف حق الراكب.وحتى لماكانت الأسلاك مقطوعة كانت السيارة تشتغل..وبعدفترة صرت اعاني من صعوبة التشغيل-وكنت اسحب الأسلاك واخلي واحديشغل وتشتغل السيارة وبعدفترة السيارة ماصارت تستجيب..وقمت شيك على اسلاك الظفيرة من جهة الكمبيوتربالتحديدوحصلت ان الظفيرة اغلب اسلاكهامكشوفة ورحت شريت ظفيرة حقت الكمبيوترمن التشليح حقت فوردموديل(2002م)حسب كلام صاحب التشليح.وكل الأفياش ركبت ولله الحمد-وحصلت فيش واحد(زايد)في الظفيرة اللي اشتريتها.وبالرغم من هذااشتغلت السيارة في البداية)واليوم الثاني شغلت الأنوارحصلتهاشغالة تمام والبوري والأنوارالداخية.والسلف شغال والسيارة تدق سلف.وتدورالمكينة.لكن السيارة ماتشتغل وبعدمحاولتين اشتغلت السيارة ورحت مشوارمعهالمسافة20كيلوارجعت ومافيهااي مشكلة.وفي اليوم الثاني شغلت السيارة.لكن عيت تشتغل..وطلعت الظفيرة من جديدحقت الكمبيوتروركبتهاونفس المشكلة وكل شيء شغال السيارة تدق سلف وتدورالمكينة لكن ماتشتغل.ورحت غيرت حساس الكرنك ولااشتغلت السيارة.نفس الشيء.وحصلت كذالك ان الطرمبة ماتوصلهاكهربة.وقمت فحصت اسلاك الطرمبة وحصلت انه واحدخط شغال فقط في فيش الطرمبة.مع العلم ان زرالحماية الموجودفي الشنطة اللي لونه احمرمضغوط للأسفل ومافيه اي مشكلة.وفصلت الفيش من جهازالحماية اللي في الشنطة.وحصلت فيه خطين واحداحمروالثاني اخضر.وسويت لهم فحص وحصلت السلك الأخضريشتغل مع دقة السوتش وتشتغيل السيارة لمبة الفحص تولع وتختفي.وهكذاوالسلك الأحمرمافيه كهربة ابداًوطرمبة البنزين ماتشتغل.وقمت وصلت سلك من فيش زرالحماية من الأخضرللأحمر-ورحت شغلت السيارة وحصلت ان السلك اللي وصلته للأحمروالسلك الأخضرلمبة الفحص تولع وتختفي وصوت الطرمبة ماطلع.وشغلت السيارة ولااشتغلت السيارة.وشيكت على جميع فيوزات السيارة الداخلية والخارجية.وحصلتهاشغالة تمام.وشيكت على علبة كتاوت اللي تجي عندعلبة الفرامل.وفيهاثلاث كتاوت او(ريلاي)فيهم واحداللي في النص حق طرمبة البنزين غيرته ولااشتغلت السيارة.وقمت طلعت الطرمبة لخارج التانكي وفصلت السلك.الواصل لقلب الطرمبة.وفيه خطين وماحصلت فيه كهرباء..ورجعت الطرمبة لداخل التانكي.وبالنسبة للمبة السيكورتي اذاشغلت السوتش اشوفهاتومض بسرعة.وجربت عدة مفاتيح للسيارة.ولااشتغلت السيارة..وكذالك اخذتهالكهربائي وغيرناكمبيوترالسيارة ونفس المشكلة وقال احتمال من الظفيرة.واخذتهالكهربائي ثاني وشيك على الظفيرة.وجيته في اليوم الثاني وشغل السيارة واشتغلت.مباشرة ولمارجعت البيت وجلست لليوم الثاني وجيت اشغل السيارة وحصلتهاماتشتغل ونفس المشكلة.ونزلت تحت السيارة وحصلته رابط فيش حساس الكرنك ومثبته.علشان مايطلع من مكانه مع العلم ان حساس الكرنك.ماقدفصل ولاقدطلع من مكانه طوال استخدامي للسيارة.وكذالك رحت ونظفت اسلاك البطارية من الكربون بالكامل..وصنفرتهاوحصلت كربون اخضر.على العموم نظفتهاتنظيف تمام من خلال جرح كامل اسلاك البطارية.وتنظيفهابالنزين.وصارت مثل الجديدة ولانفع الحل..و وكذالك نظفت علبة الفيوزات اللي في الكبوت.خلعت كل الفيوزات من مكانهاونظفت مكانهابرش البنزين.وفتحت العلبة من تحت وشيكت عليها.وماحصلت اي قطع للأسلاك اوماشابه.وكذالك غيرت كتاوت اوريلاي التشغيل اللي جنب الفيوزات وغيرت كذالك كتاوت اوريلاي المروحة.ولااشتغلت السيارة.مع العلم اني فحصت كتاوت اوريلاي الشتغيل وحصلت فيه واحدخط شغال فقط.وباقي الخطوط ماتشغل..مع العلم اني سبق وزرت كهربائي.وقام بتوصيل سلك من كتاوت التشغيل اوالريلاي..لسلك البطارية السالب..واشتغلت السيارة.وجلست معي حدود10اشهروبعدين رجعت المشكلة من جديد..ورحت للكهربائي وحصلته مسافرلمدينة اخرى..
والآن المشكلة المبدائية التي اعاني منهاهي عدم عمل طرمبة البنزين لأنهاماتوصلهاكهرباء.وثانياًعدم تشغيل السيارة.هذه هي المشكلة.بالتفصيل واي اضافات تطراء راح اضيفهاهنا.عليه ارجوامن مرت عليه مثل هذي المشكلة الأشارة الي بالحل.ولكم دعوة في ظهرالغيب..وهذي قصة حياتي كاملة..
__DEFINE_LIKE_SHARE__
01-30-2016, 12:10 AM
العرض العادي
المواضيع المتشابهه 
