ياعماد قم يابوك دن المعاميل=واحكر لنا فنجال زاهي شقاره
باقي ليالي بعدها يطلع سهيل=من عقبها يابوك زيح الستاره
وانقل لنا عراك نبغي ليا قيل=ياهيه يالي تدفعون البشاره
ابشر بجرتها مع الطفل وقبيل=نور(ن) من المشرق يجينا حماره
ونقصها ياحي شوف المداهيل=ويطلع عليها نادر(ن) من حراره
ابيض نحر كاسي كفوفه سراويل=احمر ظهر صافي وبين غتاره
افجح قصير كراع شبعان تدهيل=لكن على صيده يجي له نزاره
راسه تحلا به بياض الفناجيل=وسواد عينه مع قحوفه مغاره
وريشه دقاق ان كان تبغى التفاصيل=كدرية (ن) لاشلعت مستذاره
وروس المناكب واذكر الله بتهليل =حربة صبي (ن)قام يجهد لثاره

ومخالبه من فوق وكره شناكيل=والا مجادير اهل السمك والبحاره
ان كوبرت فالقاع شفت البهاذيل=جزار ساطوره يقص الفقاره
اليا مسح يرقى صعود(ن)على الذيل=وان شلعت شفت الغير في طياره
يرقى على صدره بسرع التحاويل=من خلقتي ماشفت مثله شطاره
ما احتاج اذا قفا لمد الدرابيل=دايم يعلقها بجو الغماره
واليوم كم يابوك باقي على سهيل=حتى تقوم تزيح عنه الستاره