نصيحة بخصوص مشكلة قير fj

محروم.كوم · #1 09-20-2015, 02:10 PM

السلام عليكم ورحمة الله وبركاته

هذا اول موضوع لي في مكشات

وحبيت اشارككم تجربتي مع مشكلة قير الاف جي ( قير اوتوماتيك )

حصلت كثير ناس واجهوا مثل مشكلتي والي هي

كنت داخل النفود وفاصل مانع الانزلاق ولا نسمت كفرات سيارتي بعد نص ساعه من المراقا ولعت لمبة القير
وقفت السيارة وطفيتها ( وهذا كان خطأ ) المفروض اوقف السيارة واتركها شغالة واشبك مانع الانزلاق

المهم المشكلة الي حصلت بعد كذا يوم مشيت صار فيه طقة قوية اثناء التعشيق من الثاني للثالث لدرجة ان السيارة ممكن تفحط

المهم رجعت الرياض

وصبحت على الوكالة قالو لي انت ما غيرت زيت القير ف ضرب القير عندك ويحتاج تغيير بالكامل

رحت العضيب وقالو لي نفس الكلام

رحت ورشة ثالثة ونفس الكلام

القير قيمته من التشليح اكثر من 7000 ريال
رجعت وقريت في المنتديات واحصل واحد كاتب موضوع عن تلاعب الورش والوكالة في القيرات وانهم ما يعرفون الا يحتاج توظيب او تغيير
المهم في موضوعه انه قال قبل ما تغير القير او توظبه رح ( غير زيت القير والفلتر في اي ورشة)
ما راح يضرك شي ممكن تكلفك 400 بالكثير
والله واخذ بنصيحة الرجال واروح اغير زيت القير وانا يائس جداً .

وخلال 24 ساعه من تغيير زيت القير اختفت المشكلة الحمدلله ورجع طبيعي 100%

الفائدة من الموضوع

1- احرص على تغيير زيت القير للسيارة قبل ما يتعدا 80 الف
2- قير الاف جي يسخن اذا فصلت مانع الانزلاق عنه ( اذا انت راعي نفود ركب مبرد قير )
3- تنسيم الكفرات له دور كبير في راحة القير والماكينة والسيارة بشكل عام
4- لا تتسرع في توظيب القير او تغييرة ( اول شي غير زيت القير والفلتر )
5- اذا ولعت لمبة القير عندك وقف السيارة واشبك مانع الازلاق واتركها شغاله الين يبرد القير

اتمنى ان الفائدة صلت بصورة واضحة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصيحة بخصوص أمتداد .company	محروم.كوم	منتدى أخبار المواقع والمنتديات العربية والأجنبية	0	08-30-2015 07:00 PM
نصيحة بخصوص جنزير دبل الباترول	محروم.كوم	منتدى أخبار المواقع والمنتديات العربية والأجنبية	0	05-31-2012 01:30 AM
احتاج نصيحة للنوت بخصوص GPS & Navigation	محروم.كوم	منتدى أخبار المواقع والمنتديات العربية والأجنبية	0	04-15-2012 10:30 PM
اذا ممكن نصيحة بخصوص x7	محروم.كوم	منتدى أخبار المواقع والمنتديات العربية والأجنبية	0	10-30-2011 08:40 PM
نصيحة بخصوص الراينو و البولاريس	محروم.كوم	منتدى أخبار المواقع والمنتديات العربية والأجنبية	0	07-05-2010 09:20 AM