بسم الله الرحمن والله واكبر .+. احمده ربي عالم(ن) السريره

محروم.كوم · #1 09-02-2015, 11:50 AM

بسم الله الرحمن الرحيم
القصيدة المسنده على اخي الشاعر/ ابوالبر،بعد رده هنا(http://www.mekshat.com/vb/showthread.php?t=693609 ) وبعد اكتمالها :

بسم الله الرحمن والله واكبر
................... احمده ربي عالم(ن) السريره

واعوذ بالرحمن للشين والشر
.................... وابدا بذكره ما توكلت غيره

رب(ن) عليم(ن) سامع(ن) دبية الذر
...................... واللي توكل به يسهّل مسيره

ومن بعد ذا يا صاحب(ن) لي تخيّر
............ باوفى سلام(ن) وافي(ن) من ضميره

سلام ممزوج(ن) بمسك(ن) وعنبر
................... واحلى تحيه من خشير لخشيره

فاض النهر مني وبحرك تفجر
................... وابديت مما فيك بعض المريره

وبدا لي انك راعي البر والبر
......................... والبر للهاوين كله بريره

والى فتحت البا غدا البال مستر
................وان جت مع الكسره فهي زود خيره

ياصاحبي مثلك بذا الجيل يندر
..................... في وقتنا الحاضر غدا مثل نيره

انصحك يابوالبر دايم تصبر
.......................الله وعد للي صبر بالمجيره

ومجيرة الرحمن تشفي المكسر
................. واللي لجا له شاف في الامر خيره

ابسط جناحك واترك الفر والكر
................. نصيحة(ن) من عند صافي السريره

ما شفت زولك لكن البوح يخبر
........................ ويقرب المخبور يمت خبيره

والخط عنوانه يبيّن ويظهر
....................... ان كان سهل فيه والا عسيره

وان كان لك قلب(ن) غدا لونه أخضر
.......................... فانا ترى قلبي قديم تخضيره

ارفق على الغصن الخضر لايتكسر
........................ تراه ما يبرى سريع(ن) كسيره

وان كان لك كر(ن) ترى اخوك له كر
......................... وفري مثل فرك ولا رحت ديره

وترى الخلوج اللي على حوارها تجر
.............................. وناتها مثلي ومثلك كسيره

ومن يفقد الغالي مضى الليل يسهر
........................... وياعزتي للي يفارق عشيره

وما بيننا جورية الورد تزهر
............................ له ريحة من شمّها تستثيره

العود والريحان والمسك ينثر
........................... وفيها علامات النقا والستيره

قصدي بها الدنيا وللحر نشّر
....................... والعاذل الملقوف يلقى الضريره

والخلفة العسره على قعودها تدر
........................ ترضخ لحالبها ولو هي عسيره

والحبر صيده سهل يومه لفا غر
.......................... وياكود مقناصه ليا جاه ذيره

ودي اوضح ما بدالي وافسر
......................... لكني اخشى من نتايج خطيره

واخاف من نذل(ن) يجي ويتمسخر
....................... ويظن ظن(ن) ما حسبنا مصيره

والجير يابو البر يفرق عن الحر
........................... الحر يبقى حر والجير جيره

الحر صقاره تنومًس ومستر
..................... ما يغبن اللي ناقل(ن) عنه غيره

والطير للصقار لو ضاع ينحر
...................... انشد مجرب واعتبر من مصيره

والذيب لو ماعاش في خايع البر
................... ما صار ذيب(ن) لو يحط بحضيره

والورع ياتي خير والا يجي شر
........................ دايم صفاته تنعرف من نظيره

والحلو كاسمه حلو والمر هو مر
....................... تبقى المراره فيه لو زيد شيره

وفي وسط فيضتنا مع الخير محضر
...................... ومن بيننا نار (ن) تلظى سعيره

يوقد حطبها صافي(ن) من جنى السمر
.......................... ومن فوقها شقراً تعط بهيره

ريحة عبقها تجذب الضيف لا مر
......................... فنجالها للكيف يطفي السعيره

وخويي المحبوب ذيبان ابا البر
........................ متركي(ن) وحداه قد حط طيره

وجنبي على يمناي قرناس(ن) اشقر
....................... شقران طيري ما تخيّرت غيره

في ليلة قمرا قمرها منوّر
................... يضفي معه من صافي الجو نيره

هذا خيال(ن) من خيال(ن) مصور
....................ياليت يصدق كان في الامر خيره

وكانك تبي نبتل على القاف فاشر
...........,....... وكانك تبي نقصر قصرنا المسيره
آل- بوهلال التميمي(ابوراكان)

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحمد الله . الله واكبر . استغفر الله " توقعات الجوا متجدد كل يوم	محروم.كوم	منتدى أخبار المواقع والمنتديات العربية والأجنبية	0	11-17-2014 12:20 AM
[ مخطوطة ] Traidnt.Net : حر مركب لقوله تعالى (هو الله الذي لا إله إلا هو عالم الغيب والشهادة هو الرحمن )	محروم.كوم	منتدى أخبار المواقع والمنتديات العربية والأجنبية	0	10-07-2014 07:10 PM
مشروع والله باذن الله راح تكسب 5000 واكثر بالشهر ولك الضمان ولجميع الدول	محروم.كوم	منتدى أخبار المواقع والمنتديات العربية والأجنبية	0	10-02-2012 10:40 AM
قصـة الله واكبر .. الله واكبر ( عقب ما شاف المضيفة تغريد عاف خطيبته صيته ) ... غيروا جو	محروم.كوم	منتدى أخبار المواقع والمنتديات العربية والأجنبية	0	03-01-2012 06:40 AM
اضفت حقل لبيان الجنس بس باقي اخليه يظهر بـ postbit_legacy [ ساعدوني جزاكم الله خير ]	محروم.كوم	منتدى أخبار المواقع والمنتديات العربية والأجنبية	0	08-26-2009 10:20 AM