الولد وان طاب طيبه من خواله ....

السـ BECKHAM ـــميان · #1 07-09-2009, 04:01 PM

هذيي قصه هالبيتين اقروها وتمتعوا ....

الولد وان طاب طيبه من خوالهوان تردى فعلم انهم خايبينـي
أشرب الفنجال واكب البيالـةطيبٍ واحـب سلـم الطيبينـي

من لا يعرف .. هذين البيتين .. بيتين اشهر من نار على علم ..
قد يجهل البعض قائلهما ... ولكن اكيد سمع بالبيتين من قبل ...
حتى اصبح مضرب مثل يتداوله كثير من الناس ..
قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب )...
وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..

راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا )..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان ... لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه …ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) ... كان مشغول ومتأخر على الدوام شوي ..
وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز
يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب )..
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وصل العجوز إلى منصاها والمكان اللي تبيه ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وقال هذى القصيده .

قالها ابن الذيب من هاجوس باله كلمةٍ يلعـب بهـا والبـال زينـي

قالهـا يومـه طرالـه ماطـرالـه من هواجيسٍ تشيـب المرضعينـي

حالفٍ ماخذ علـى الطرقـي ريالـه وبالثـلاث محـرم أنـه مايجينـي

لالقيت اللي على ( السكه ) لحالـه يلتفت ويقـول ويـن المستحينـي

أوقف الموتر حيا وأبـي الجمالـه يوم ولد الـلاش وجهـه مايلينـي

الطمع في كـروة الرجلـي رذالـ ة خص وان جابه مجـال الغانمينـي

والردي في حالـةٍ ماهـي بحالـه واعوينـه مـن كـلام الطيبيـنـي

الردي لـو بـان مايذكـر عمالـه مايعـد الـلاش مقصـور اليمينـي

أركبـه لعيـون مـن زيـنٍ دلالـه ماتحاكـوا فـي قفـاه الرامسينـي

مابغى غيري وانـا مابغـى بدالـه قاعدٍ لـي بالرجـا مـدة سنينـي

الصبي وان طاب طيبه من خوالـه بالخـوال يسـال قبـل الوالدينـي

أشـرب الفنجـال واكـب البيالـة تابـعٍ سلمـي سلـوم الأوليـنـي

ولاقعدنـا بالعمـل بنـا الـرزالـة ناخـذ العليـا طريـق الفايزينـي

غرني بعض الرجـال بكثـر مالـه مادرى ان الموت في حبل الوتينـي

كيف ينفعني وابا(..........) خاله مايقوم البيت دام السـاس طينـي

ماش وين اللي عوايـده الجمالـة مثل ابن ظافر حمـد ليتـه يجينـي

الثنـا والجـود دايـم فـي خيالـه علمـه ظافـر سلـوم الطيبيـنـي

جـوّد العليـا ولزمّـهـا عيـالـه وادركوا من علمتـه دنيـا ودينـي

واهني من باع حظه واشتـرى لـه وسار في درب النبي وأخزى اللعيني

موقفـه ماكـل رجــال ينـالـه من بغـى ممشـاه يقعـد مرتينـي

كم ذبح من حايلٍ مـن حـر مالـه وعادته لطمـة خشـوم العايلينـي

و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..

مــــــــــــلاحظه
الشاعر راشد بن الذيب هو والد الشاعر المعروف حاليأ

محمد ابن الذيب

منقول

__DEFINE_LIKE_SHARE__

الرهيب القطراوي · 07-09-2009, 10:01 PM

الولد وان طاب طيبه من خوالهوان تردى فعلم انهم خايبينـي

أشرب الفنجال واكب البيـالـةطيبٍ واحـب ســلـم الطيبينـي

يسلموووووو يااخييييييي السـ BECKHAM ـــميان على اختيارك للقصيدة الرائعة وتستحق التقييييم وصح لسان الشاعر الله يرحمه وتسلم ايادي الناقل وتقبل مروري........

& الودعاني عاشق الريان &
__DEFINE_LIKE_SHARE__

السـ BECKHAM ـــميان · 07-11-2009, 04:03 PM

المشاركة الأصلية كتبت بواسطة الرهيب القطراوي

الولد وان طاب طيبه من خوالهوان تردى فعلم انهم خايبينـي

أشرب الفنجال واكب البيـالـةطيبٍ واحـب ســلـم الطيبينـي

يسلموووووو يااخييييييي السـ beckham ـــميان على اختيارك للقصيدة الرائعة وتستحق التقييييم وصح لسان الشاعر الله يرحمه وتسلم ايادي الناقل وتقبل مروري........

& الودعاني عاشق الريان &

مشكور اخوي عاشق الريان

وتقييمك يشرفني ولا يزيدني الا حضور واصرار على الرقي

اخوك ...
__DEFINE_LIKE_SHARE__

(km) · 07-14-2009, 07:50 AM

يعطيكـــ العااافيهــ

ونترياا منكــ كل يديد.. __DEFINE_LIKE_SHARE__

( همس الليالي ) · 07-15-2009, 05:40 AM

السلام عليكم

:؛

والله قصائد جميله ..

وموضوع جميل ..

:؛

يعطيك العافيه

ولاتحرمنا من جديدكـ

:؛

همس الليالي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عجوز تزعج شاب في جواله	داعمة دورية	قصص و روايات	9	01-11-2012 02:29 AM
دق جواله فجااائه .. هذه النغمه اعرفها ...	نزيف المشــاعر	الإستراحه العامة	16	04-13-2010 03:23 AM
أتصل على أي شخص حتى ولو من رقم جواله !!!! Vip Only	محروم.كوم	منتدى أخبار المواقع والمنتديات العربية والأجنبية	0	03-29-2010 02:40 AM
مطلوب فروخ مثايل طيبه او شيهانه طيبه بالحيل	محروم.كوم	منتدى أخبار المواقع والمنتديات العربية والأجنبية	0	08-26-2009 10:30 AM
لكل من نغمة جواله\ ها ,, اغنيـــة ,,	الفلاسي	اناشيد وصوتيات ومحاظرات ومقاطع دينيه وصوتيات ويوتويب اسلامي,	23	07-23-2009 06:00 PM