الكربريتر جابلي الهم !!! فزعتكم ياوجيه الخير ,,,

محروم.كوم · #1 06-05-2015, 10:40 PM

السلام عليكم
-
-
-
-
يالله أن تحيي الجميع كلن باسمه ,,

أخواني موضوعي الله يسلمكم لي موضوع من حوالي عام (الله ماسرع الدنيا ,,,,,) هنا في المنتدى
وهو اني شريت كربريتر وكاله لموتري هايلكس 2001 وكتبت موضوع عن طلب ورشة شغلهم نظيف وامينين في الشغل , عشان يركبون الكربريتر بدون التعبث بأي جزء فيه سوواء االليات او الوزنيه

وطبعا وغير مستغرب على أعضاء هذا المنتدى الفعال قاموا بالرد على الموضوع مشكورين وادلو بدلوهم
واشارا لي بأن أركبه بنفسي

ولكن لوجود جزيئات اخرى تحتاج صيانه (صفاية بنزين + بواجي واسلاكها +تنظيف خزان الوقود ) اضطريت ان اذهب للورشة لتركيبه
وللاسف كانت غلطه ,,,, المهندسين العباقره تفلسفوا ولعبو في الوزنيه مع اني متعهدهم بانهم مايلمسون الوزنيه وبرضو كاتب عليهم ورقه وطبعا الموتر قام يكربن ولايشتغل علطول
وكالعاده راح يبررون موقفهم ويقولون عادي طبيعي سيارتك قديمه طبعا انا شخص بطبعي هادي لكن نرفزوني ووصل الموضوع الى تشابك لكن ستر الله وهددتهم بالورقه وقلت والله تعطوني قيمته ولا اوصل الموضوع للشرطه وبعد مناوشات اخذت 1200 ريال (مع انه مكلفني حدود 2000 لكن العوض ولا القطيعه)

المهم بعد هالسالفه الطويله مثل مانتو شايفين

خلاص حررمت الورش للاسف ماعاد فيه ورش امينيين يعني الى ماقبل 3 سنوات كان فيه كم ورشه موثوقين ومعروفين بشغلهم لكن للاسسف الان اغلبهم نصابيين وغشمان يجربون في مواتر الناس حسبي الله عليهم

بصراحه ماأدري وش اقول أنا حاليا شريت كربريتر جديد ولا ركبته (عندي في البيت له شهر في كرتونه ,,,, والله مايطاوعني قلبي اوديه لورشه يقعد يبربس فيه زي الغشمان الى قبل ,,,,)

فـــ طلبي الله يرضا عليكم / وش السواة هل اركبه بنفسي ... (ودي والله اركبه افضل واضمن ) لكن كيييف ما عرف ؟؟ يعني

اولا/ الكربريتر نفسه له 4 مسامير يثبت عليها بس ,,, فيه يكون القازقيت (وجه ) بين الكربريتر والقاعده الي يركب عليها ؟؟ هذا كيف اركبه ؟؟

ثانيا / الليات واماكنها (تقريبا اكثر من 10 ليات ) يعني لو يحصل يكون صورة هايلكس 98-99-2000-2001 شد بلد اشوف توصيلاته كيف جايه

وبس .....

او اذا هناك ورشة تشيرون فيها مايتفلسفون يركبون علطول بدون مشاكل ....

وجزاكم الله خيرا
وشكرا لكم مقدما ع المساعدة

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار ياوجيه الخير.	محروم.كوم	منتدى أخبار المواقع والمنتديات العربية والأجنبية	0	07-27-2014 11:00 AM
طلب مساعده ياوجيه الخير	محروم.كوم	منتدى أخبار المواقع والمنتديات العربية والأجنبية	0	01-23-2014 01:11 PM
فزعتكم ياوجيه الخير	محروم.كوم	منتدى أخبار المواقع والمنتديات العربية والأجنبية	0	04-01-2012 11:40 PM
طلب مساعدة ياوجيه الخير	محروم.كوم	منتدى أخبار المواقع والمنتديات العربية والأجنبية	0	03-22-2012 04:20 AM
اصوات مزعجه في الكامري وتبي فزعتكم ياوجيه الخير	محروم.كوم	منتدى أخبار المواقع والمنتديات العربية والأجنبية	0	05-17-2010 03:10 AM