مقناص الارنب في طويق يوم الخميس9/7/1430 000000 من عاشق الغلبا

محروم.كوم · #1 07-05-2009, 05:30 PM

بسم الله الرحمن الرحيم
اسعد الله جميع اوقاتكم بالخير والمسرات

الجوال يدق يوم الاربعاء العصر8/7/1430 من ابو ابراهيم كيف حالك ابوفهد

حياك ربي فيك شدة نظهر اليوم لطويق مقناص ارنب ووبر وحمام سوادي

والله يابو ابراهيم الجو تشره عليه شوي واخوك صدره تعبان بعد لكن

الجو بكرة ان شاء الله بيكون افضل نمشي بكرة طيب وش رايك طيب

اليوم الخميس بعد الظهر ابو ابراهيم يعاود الاتصال نمشي ابو فهد

قلت والله انك ملزم يابو ابراهيم عطني نصف ساعة اجهز العزبه والاغراض

ونمشي انا بعد والله مشتاق لطويق جعله السيل وجميع ديار المسلمين

وصلنا قبل المغرب بساعة الاربع للمكان المقصود لقينا جرة ارنب و دمنها

اكرمكم الله قبل يومين تقريباً تعدينا ورحنا لبعض العجام ندربل لعل الله يرزقنا

بوبر ولكن ما شفنا شيء امسانا الليل وقفنا تقهوينا وتعشينا وعينا من الله خير

لكن عليان ( القمر) مرتفع قلت يابو ابراهيم والله مايغيب الا بعد الساعة اثنعش

ونصف وش الراي قال النوم والساعة ثنتين لا غاب قمنا ندورها قلت والله اخوك

صافطها اليوم نوم لين الساعة عشر الصبح ما فيني نوم طيب وش رايك قلت

اركب والرزق عند رب العالمين والله اني قد ذبحتها كم مرة وهي قمراء الدعوى

حظ ورزق من الله ان كان الله كاتبها لنا الليله فوالله ان تاكلها قال قدام يابوفهد 0

تحركنا الساعة الحادية عشر و يوم قربت الساعة للثانية عشر والله يروقنا بها

ابو ابراهيم الارنب الارنب قدامك ويرميها جعله مايرمى ويذبحها

بعدها قلنا مساء وهدى خلاص تكفينا ما رحنا للجره اللي لقيناها قبل
المغرب 0

الصبح قمنا وتوجهنا لعجمه شفنا فيها السنه اللي راحت وبر عمره يمكن سنه

وعليها قلنا خله لين يكبر شوي ان الله كتبه لنا والا لغيرنا ( والله العظيم

ويحاسبني الله على هالكلام ان حنا رايحين وانه منبطح على ركبه تحتنا ) المهم

دربلنا ما حصلنا شيء ورحنا لكذا عجمه ما شفنا بعد شيء قلت لابو ابراهيم ردها

في الحمام السوادي اقرب قلته رحنا لها وصدنا حق شخصين وبعدها صلحنا غدانا

و سفهلينا و بعدها شدينا رحالنا منكفين هذا بالتفصيل

رحلتنا يوم الخميس 9/7/1430 واسف على الاطاله لكن حبيت انكم تكونون معنا

في الصورةلان صيد طويق غير عن كل صيد في اي منطقة اخرى000

والان اتركم مع الصور

هذا عليان يتوسط كبد السماء ( شاهد اثبات )

هذي المزيونه بعد صيدها

وهذي صورة اخرى مع قناصكم

http://file14.9q9q.net/preview/59372495/IMG_2287.j pg.html

وهذي بعد وهي في يد ابو ابراهيم الله يسلمه

http://file14.9q9q.net/preview/64745333/IMG_2285.j pg.html

ياجعل ها لشكل ما ينقطع من طويق وديارها

http://file14.9q9q.net/preview/18778412/IMG_2288.j pg.html

هذا القمر بعد ان تم صيدها لايزال يشع بنوره

شاكراً لكم حسن المتابع والمرور على الموضوع

واذكر نفسي والاخوان بأخذ قدر الحاجة في الصيد فقط

وترك الاسراف فوالله لوكنا نرغب في صيد اكثر لصدنا

بأذن الله لكن الصيد كيف وليسى كم ،،،،،

والله يحفظكم ويرعاكم ،،،،،

كرماً من مشرفنا العزيز رحال نقل الموضوع الى خيمة الصيد البري وكذلك تحميل

الصور عن طريق مكشات بصراحة انا ما ادري وش سبب ظهور الصوربهذا

الشكل مركز التحميل لخبطني والله ياجماعة

وكذلك لانه تم انزاله هنا بالخطأ مع الاعتذار للاخوه في خيمة الرحلات

وعلى دروب الخير نلتقي ،،،،،،

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحمد لله على كل حال 00خرج والدي من المستشفى00شكر خاص لهؤلاء الاعضاء من عاشق الغلبا	محروم.كوم	منتدى أخبار المواقع والمنتديات العربية والأجنبية	0	08-20-2009 04:20 PM
عاجل جدا 0000 والد اخونا عاشق الغلبا في حالة حرجه ( بعد اذن الاشراف)	محروم.كوم	منتدى أخبار المواقع والمنتديات العربية والأجنبية	0	08-02-2009 07:10 PM
مقناص الارنب في طويق يوم الخميس9/7/1430 000000 من عاشق الغلبا	محروم.كوم	منتدى أخبار المواقع والمنتديات العربية والأجنبية	0	07-05-2009 05:10 PM
مقناص الارنب في طويق يوم الخميس9/7/1430 000000 من عاشق الغلبا	محروم.كوم	منتدى أخبار المواقع والمنتديات العربية والأجنبية	0	07-05-2009 05:00 PM
طولنا الغيبة00 لكن لعيونكم جبنا صور تعجبكم للوبران000 من عاشق الغلبا	محروم.كوم	منتدى أخبار المواقع والمنتديات العربية والأجنبية	0	06-06-2009 01:40 PM