#poem_549391eb115c6 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} يالله ياللي ما اعتلى فوقك الجاه الواحد المطلوب عن كل وافي أطلبك عفوك بالجهر والمناجاه والستر بين الناس من كل خافي ودوم النعم للعبد لو كثرة خطاه بفضلك وجودك لو يرد بتجافي العلم غير العلم لو كان مبداه ومحوى كلامه وفهرسه قيل شافي وهيضني الطاروق وغنيت بغناه وسريت في ليلٍ عتيمٍ وخافي مشيت لين الدرب ما عاد ممشاه من عسر دربه كني بالدرب حافي مع العسيس اللي يسامرك بعواه ومع الوحوش الطايره بالفيافي وحفرت لين القاع ما بان لي ماه والنو مقفي وأصبح الصبح صافي الشايب اللي جاب لك علم بأقصاه أنا أشهد انه مبينٍ للخوافي احفظ كلامه وعلمه وامش بخطاه ممشى طروقٍ ناظمٍ للقوافي إقامة الدين الحنيف بس لله تقوى ليومٍ نرتجي فيه كافي وقولة هلا وأبشر ومشفعك بالجاه والسمح ومخاوى رفيقٍ سنافي وساير صويب القول من حيث مبداه لو هو بدى ما كن هالعلم يافي وان كان تبغى الغانمه واحلالاه عليك بأمك قسمها لك دوافي حضن وحليب وعالشقى ما طرت آه يا كيف..؟ نبدل وصلها بالتجافي هذي وصايا قلتها قول يعزاه انك فهيم ولانت للطيب خافي وختامها صلوا على اللي برجواه يامنك في يوم به الخل جافي