#poem_54282f2a328ff td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} ألف أولف من جوابٍِ نظيفي ودموع عيني فوق خدي ذريفي من لام في حب الحبيب وليفي دقاق رمش العين سيد الخوندات خوندات الذي ما بعد عاشرنه قله تراهن بالهوى يذبحنه قلبي وقلبك من عروقه خذنه عزي لمن مثلي تعرض للاّفات البا بليت بحب خلي على ماش ولا حصل لي منه ما يبرد الجاش غديت أنا وإياه طاسه ومنقاش بالوصف كنه يالمعزي سلامات سلامات الذي يذكرونه يبغي المعزة منه وهي المهونه يقول طيب مير غارت عيونه سبب ولدكم واحد صابه ومات التاء تبعت الزين والزين مقفي أمشي وحتفي شايله فوق كتفي لا شفت مجدول وكتف وردفي ما أقوى ألتفت لو طوحوا لي بالأصوات أصوات قالوا يا هبيل وسايح طرد المقفي يالشقاوي فضايح قلت ما أريد أشواركم والنصايح مثل المطر فوق الطياس المكفات الثاء ثمانه حب رمان طايف أو قحويان ٍ في رياض ٍ عطايف متنقلٍ بالزين سيد العفايف عمهوجة ٍ فيها من الحور شارات شارات فيها من ظبي الحمادي هي لذة الدنيا وغاية مرادي وإن كان راح صويحبي من بلادي عليه جاوبت الحمامة بالأصوات الجيم جاني من عشيري سلامي ولا لقينا من يرد الكلامي عليه زرع القلب هايف وظامي مالي جدا كود البكاء والتنهات أبكي على ما فاتني من زماني يوم الحبيّب زارني في مكاني وراي ما أخذت القضاء يوم جاني توي دريت البيض فيهن غرٌات الحا حليه في الوطن مالقيته عذلت قلبي عنه ولا قويته لو هو يذكر يم مكه نصيته أنصاه لو بيني وبينه مسافات مسافات في وسط البحور الظلامي في وسط بتيلٍ حداه الولامي وإلى حصل لي بلوغ المرامي أصبر ولو دشيت بحر الظلمات الخاء خليلي صار مني قريبي جعلي نصيبٍ له وهو من نصيبي ودي أواجه نور عيني حبيبي مار الوحيد لهيد ما فيه نوهات ما فيه نوهات ٍ ولو من غثا البال دب الليال مسِيم عمال بطال وإلى استراح البال عن ذيك الأحوال دنياك هذي يا أريش العين نشبات الدال دامي ما قضبت الذوايب لو قيل طيب قلت ما نيب طايب دنوا استاد القبر ودنوا النصايب ودنوا دواة الحبر نكتب سجلات سجلات أريد أكتب لي وصيه عمري غدا يا وجد أهيلي عليه قولوا لصافي اللون ياقف عليه يا كود يرجع ويتحسف بما فات الذال ذالي عنه مدة ليالي لو قيل طيب فأنا أبخص بحالي والله ما يطري علي شف بالى إلا انت يا راعي الثمان الرهيفات رهيفات فيها للمشقى طرابه مجمول مدلول ٍ ولا به طنابه هني من يدخل معه في ثيابه وأسج أنا وإياه في العمر سجات الراء ردوف صويحبي ثقلنه مثومنٍ ما أحلى بياضه ودنه ونهوده الثوب الحمر شلعنه والساق فيها مثل عرق الإرطات إرطاة غرمولٍ ذرته الذواري والله يالولاي من الناس أداري لأضوي عليها مثل ذيب الغداري جايع وبالغابه عياله مجيعات الزاء زماني شفت منه الهوايل لا عاد حظي في الغنادير مايل وراي ما أترك قصير ٍ وطايل مار العقل يا ذيب هيهات هيهات هيهات لو إن العقل فيه لبه ما كان يتبع واحد ما يحبه لي صار هرجه لك خريطٍ بدبه وش لك بشوفه يالعيون المشقات السين سقنا من الدراهم وعيا واللي نبي من صاحبي ما تهيا يقول والله لو تحب الثريا خذني على السنة تشوف الطرابات طرابات ينسنك جميع الدروبي يا كود في باقي حياتك تتوبي اجعل مقرك بين جلدي وثوبي حتى تشوف البيض فيهن جنات الشين شاب الرأس يا عذب الأنياب واللي برجوى توبته ذاك قد تاب مار إن بدالي عازة فافتح الباب الله غفورٍ عالم ٍ بالخفيات خفيات أنا فيك يا زين مفتون من حبك أسهر والخلايق ينامون ألهيتني عن مذهب اللي يصلون ما عاد أميز لو قرآن التحيات الصاد صيدي يوم ألاوي غريمي شفق ٍ علي الحبه وشد البريمي مهوب صيدي قلة في الحريمي لا شك كل ٍ له مع الناس مشهاة مشهاة فيك يا ظبي الفريدي حب الملا ينقص وحبك يزيدي لا شفت زولك ذاك هو يوم عيدي تصبح بساتين الضماير مريفات الضاد ضد ٍ حال بيني وبينه يقول هذا صانعٍ ٍ لا تبينه عسى الولي يبلاه في صبي عينه عساه يسهر من الليل ساعات ساعات فيها ما يشوف الجدارا ولا يعرف الليل هو والنهارا وعساه يوم البعث يحشر حمارا محمل من حمل الإسراف سيئات الطاء طويت اليأس والسد باحي وما عاد لي شف ٍ بظبي البياحي لعلها هفت خفوق الجناحي اللي سبوقه فوق رجله مطوات إمطوات وطار في يوم هبه راعيه لو رز اللواء ما ينبه شاف الحباري رابضات بخبه يبي العشاء من بين فخذ ٍ وفندات الظاء ظمانه لا تعاشر لك اثنين لازم تخلي عشرتك يا مسيكين ولا يجتمع وسط المرابط حصانين يجي لهن هز ٍ ولزٍ وصقلات صقلات يصقل كل ماجاء طعامه يجري لهن مع المعيشه بحامه افهم كلامي يالهبيل الفدامه إلى جمعت الحصن فالحصن خطرات العين عن من ينقل الهرج حذرا كتراك كنك شايلٍ داك برداك إلى سمع له هرجةٍ من حكاياك يحطها مثل القصور المبنات يبني عليها كبر راس الغرابه ويكدر المشروب عقب الطرابه وهو يشابه بومة ٍ في خرابه لا ينّقل هرجه ولا كفو هرجات الغين غاب العقل بأول شبابي وأدميت من تلعات الأرقاب نابي واليوم شاب الرأس والكيف طابي ماني على الفايت كثير الحسوفات حسوفات لا تفرح على اللي يجي فيك أيضا ولا تندم على اللي مضى منك ما أدراك لو هو خيرة صدته عنك ناهيه والي العرش رب السموات الفاء فؤادك لا توليه حساد واحذر يجي لك مع هل الغي مقعاد اضحك وكنك عن جميع العرب صاد ثم اعتبر بالذيب يضوي بغرات يضوي بغرات وهم ما دروا به واللي يوقف في المحاري حكوا به كم واحد وقف ولا قضى نوبه يكسر إلى شاف اللحم كنه حدات القاف قل للي يريد النواميس واللي شقى بالهوى يرخي الكيس إلى بذلت النفس والكيس وإبليس يطيح ناس ٍ يدعون الديانات طاحوا وصاروا للخلايق علاجه يلقى بهم راعي الهوى قضي حاجه وإلا نثرت الحب جتك الدجاجه حاضت وباضت لو تبي عشر بيضات الكاف كن السد في كل الأحوال واحذر لسانك لا يقولون ذا قال حتى تجي عند العرب خوش رجال لا صرت بالمجلس نواظرك صقلات صقلات لا تجلس مع اللي يشاكيك هو علتك ودواك هاللي يشانيك يا ذيب كان الله على الرشد هاديك اكتم كلامك بالضلوع المحنات اللام ليت العمر ينكس لحله قيمة ثلاثين السنه هي محله الرجل قبل الشيب يا حلو دله وإن لاح فيه الشيب ما فيه لذات ما فيه لذات ٍ ولا يقبلونه لو حط له رده وكحل عيونه أهل الهوى عقب الغلا ينكرونه لو هو مصافيهم على فايتٍ فات الميم ما غيري من الناس جرب وما غيري أحد في حياته تطرب لاويت صافي اللون فوق المضرب كن العدو عني عيونه مداوات مداوات جعله ما يجي لك عباره واللي بصد ٍ عنك وش لك بكاره الحذر ما ياطا بوسط الخباره لازم يجي فيها عقارب وحيات النون نام الحظ ولا فيه حيله عيا يباريني وأنا أزريت أشيله من يوم خلاني عريض الجديله دليت أكسر في حشا الصدر عبرات عبرات أكسرها بداخل ا ضلوعي عليك يا خلي حسين الطبوعي عليك ما جفت محاجر دموعي دايم عيوني في مهاواك سهرات الهاء هواي الخافية يالفطيني والعاشرة ياللي تعرف الرطيني مخفية ما ودي لضدي يبيني والتاسعة تحصاه باعداد الإميات إميات مات القلب من كثر همي وأشكي عليك الحال يا ولد عمي أنته عضيدي وأنت لحمي ودمي ترضاه يجفاني ولاني بمجفات الواو ويل أهل الهوى من هواهم إن كان هاللي سم حالي وطاهم كم ليلة ٍ يصبح جفيفٍ عشاهم إلا لقيمات ٍ مع الحلق مرات مرات لين أقضي من الترف شفي وأوسده عضدي وزندي وكفي واكشف عن اللي غابي ٍ وامتخفي حتى يجي للأكل والشرب لذات اللي يحبه صلف ومراقده كلف لو هو يتمم مطلبي كان أقول ألف حيثه يقرر لي على الحب بالعرف بيزات ما أفلها لغيره بلاشي من جنس رأس الظبي مابي عراشي إلا لمن مايه على ماه ماشي هذاك من يمه فلوسي رخيّات