#poem_5412b808906e8 td {font-family: Arial, Helvetica, sans-serif;font-size: x-large;font-weight: bold;} ياخيمةٍ شوقي لها دوم يزداد كل يوم أجيها ماقويت أبتِعِد يوم سلام لأعضائك قديمين وجداد الكل منهم ياعسى عِزِّه يدوم واستاذ ناصر بين الأخوان صيّاد والكل يشاركنا ضروري وملزوم وياناشدٍ عن لغزنا يابن الأجواد اللغز متخفِّي عن الناس بهدوم ماصاده إلا اللي معه فِكِرْ وَقّاد وإذا عجز عنّه فلا يلحقه لوم ويش الذي يلفِي على النّاس بِإِعْداد شيٍ يجي للقوم مِن سَيِّد القوم ساعات يلفي بالبشاير والإسعاد وساعات بأمر الله جلى هم مهموم وساعات يملا مجتمعنا بالأنكاد ومِن عقبه يزيد المظاليم مظلوم ما رَدِّه اللي قال أنا اليوم ردّاد ولا طَالَه اللي قال أنا طايل نجوم واللي يِعَرْف الرسم وِيْعَرْف الأبعاد أكيد يسمع به ولو كان مزحوم له يوم مثل النّاس له يوم ميلاد ويبقى على صفحات الأيام مرسوم