تجربة شراء كاميرا تسجيل للسيارة ـ حياكم فيديو جولة في شوارع المدينة

محروم.كوم · #1 08-23-2014, 02:50 PM

بسم الله الرحمن الرحيم

الموضوع هذا انا اشتغل فيه من ٣ ايام ، تصوير ورفع وجمع واقتصاص

كلنا نشوف مقاطع يوتيوب لحوادث في روسيا

هذي الكاميرا صغيرة ، تُثبت على القزاز الامامي ، وتسجل كل شي يصير قدام السيارة من يوم تشغل السيارة الى ان تطفيها

في روسيا شركة التأمين تسوي خصم لكل من ركبها لان عن طريقها تعرف سبب الحادث بوضوح

فأنا عجبتني وبحثت عن افضل نوع رخيص واشتريته عن طريق موقع امازون

واشوف الكاميرا هذي مفيدة وضرورية ، بعض فوائدها في نظري :-

• لو لاقدر الله صار لك حادث ، تقدر ترجع للكاميرا وتعرف سبب الحادث وتعرف الخطأ على من وبالتالي يكون تقدير الخطأ دقيق اكثر ، وتقدر تعرض الفيديو على العسكري او موظف نجم

• احيانا بعض اللي مايخاف الله يصدمك ويهرب ، لا تلحقه ولاتعرض نفسك وغيرك للخطر ، وارجع للكاميرا وخذ رقم لوحته وبلغ عنه واذا انكر بامكانك عرض الفيديو للعسكري

• لولا قدر الله شخص لف عليك او رجع عليك ريوس واتهمك انت ، قول له طيب صح ، ولما يجي العسكري خليه يشوف الفيديو هههه

• احيانا نسافر للسياحة وتجي مناظر طبيعية في الطرق صعب تمسك الجوال وتصور ، الكاميرا تصور عنك

• احيانا تشك ان ساهر لقطك ولا مالقطك ، ترجع للكاميرا وتتاكد

• احيانا يصير حادث لاقدر الله قدامك تقدر ترجع تشوفه

مواصافات الكاميرا :-
* FULL HD تصوير واضح جدا وصافي ويصور لوحات السيارات
* مخرج HDMI
* مخرج للذاكرة
* مخرج لسلك AV

تدخل في الكاميرا ذاكرة حد اقصى ٣٢ قيقا ، والكاميرا رح تصور واذا امتلئت الذاكرة تفرمت دايركت

طبعا التصوير رح يكون عبارة عن ٣ دقائق للمقطع ، وراح ينشئ مجلدات لكل يوم

الكاميرا لاتحتاج اي تركيب او اسلاك ، مجرد تحطها في مدخل الولاعة كانك تشحن جوال

ولاتخلي السلك نازل ، عشان المنظر ، السلك طويل ، حاول بنفسك تخليه على طرف الديكور مثل مو موضح بالصورة

طبعا تقدر تخفي الكاميرا خلف المرايا ان حبيت

رابط الكاميرا على امازون :-
Black Box G1W Original Quality Real Full HD 1080P 1920x1080 H.264 2.7" LCD Car DVR Camera Recorder Dashboard Dashcam Black Box Video Recorder With G-sensor Night Vision Motion Detection Wide Degree 120° 4X Zoom:Amazon:Electronics

سعر الكاميرا :
(( 194 ريال سعودي )) بدون الشحن .
الشحن = 140 ريال

الافضل تشتري اكثر من حبة لك ولاقاربك واصدقائك يصير يتقسم سعر الشحن

لو اشتريت ٥ كاميرات سعر الشحن نفسه مايزيد

وهذا التصوير امس صليت الفجر وطلعت اصور لكم في شوارع المدينة المنورة

انا حاولت قدر الامكان ان اقتص من الفيديو عشان مايكون طويل عليكم

رفع الفيديو لليوتيوب استغرق معي نصف يوم واللاب توب شغال ^_^ فداكم بس

ملاحظة القزاز ماكان نظيف فيه بعض الاوساخ ^_^
وشي ثاني حط الجودة FULL HD عشان تشوف الفيديو حقيقي

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كاميرا تسجيل فيديو رقمية للسيارات hd dvr-027	محروم.كوم	منتدى أخبار المواقع والمنتديات العربية والأجنبية	0	04-07-2014 11:40 PM
تجربة شراء كاميرا كانون d600 من موقع سعودي كانون	محروم.كوم	منتدى أخبار المواقع والمنتديات العربية والأجنبية	0	10-16-2012 04:10 PM
اصغر كاميرا في العالم تسجيل فيديو صوت وصوره	محروم.كوم	منتدى أخبار المواقع والمنتديات العربية والأجنبية	0	06-13-2009 01:51 AM
اصغر كاميرا في العالم تسجيل فيديو صوت وصوره	محروم.كوم	منتدى أخبار المواقع والمنتديات العربية والأجنبية	0	06-09-2009 03:30 AM
برنامج CamStudio لانشاء مقاطع فيديو وتسجيل مايحدث على جهازك + تسجيل كاميرا الشات	محروم.كوم	منتدى أخبار المواقع والمنتديات العربية والأجنبية	0	06-05-2009 04:10 PM