عاجل جدا النترا2014 ماشيه30 الف فقط خبطت المكينة الوكاله رفضت تغيير المكينة بجديده

محروم.كوم · #1 08-14-2014, 04:21 AM

اخوواني
السلام عليكم ورحمة الله وبركاته

عاجل جدا
سيارة قريبي النترا 2014 ماخذها من الوعلان عن طريق الراجحي
ماشيه30 الف فقط
محافظ عليها اكثر من عيونه
خبطت المكينة قبل امس
ورحنا لوكالة الوعلان التعبانه في عنيزه طبعا كان فيها طقطقه اثناء التعشيق وداسو بنزين وطلع دخان ابيض من قوة اشتغل جرس انذار الحريق
قالو لازم نفك المكينة مافيه شي بين لأن الزيت ممتاز
المهم
طلبو منها دفع 1600 ريال قيمة صيانة المره الثانيه والثالثه حتى تدخل الضمان وقلنا دخلوها وندفع بعدين

جيتهم انا قبل امس وحصلت المكينة مفكوكه قالو تخبيط لازم توظيب
و فادوني ان المشكلة الزيت يطلع مع البلوف ويسبب دخان ولازم يتوظب
طلبت منهم تغير المكينة وكالة ،،،، مانبي توظيب
وكان مسؤول الصيانه باكستاني مايدري عن شي كأنك تكلم عامل مفروشات
حسبي الله عليهم قال اللي عندي اوظب لك واحمد ربك
لانك ماجيت الصيانه الثانيه والثالثه فقط جينا الاولى

قلت قريبي مغير الزيت خارج الوكاله وليس مطلوب عليه ان يغير عندكم و نظام وزارة التجاره يقول انكم ملزمون بتحمل الضمان والصيانه تكون برى
ومشكلة المكينة عيب مصنعي كما افادوني المهندس الميكانيكي ،، ونطالب بتغير المكنية
قالي هذا اللي عندي ،،،،
كان تعاملهم سيء جدا جدا جدا مايعرفون شي ،،
ذهبت لقسم الصاله حصلت سعودي
واستغرب انها تخبط
قالي اذهب لموظب الراجحي عندهم لانك ماخذها منهم
وكان عنده اجنبي على ماضن انه مصري ،قال حنا اخذنا لك السياره كاش مالنا دخل
و حلف بالله العلي العظيم انه جاه واحد وطلع من عنده اكسنت مدري النترا
المغرب ومن بكره الصباح عنده بالصيانه فيها دخان
انتهى الدوام ماستفدت شي كل واحد يحذفني على الثاني

&&&&&
امس طلعت انا وقريبي لفرع الوعلان في بريده لانه الكبير
وحصلنا اردني وكان تعامله اكثر من سيء ومزحومين قال اللي عندي توظيب وطلع لنا كتيب صيانه مكتوب فيه اي عطل ييتم اصلاحه وليس تغييره
قلنا هذا عيب مصنعي مامشت إلا 30 الف وخبطت

طلبنا منه فقط مكينة جديده
قال لا تغيير ماعندي
وهددنا بشكوى بوزارة التجاره
قال يدك وماتعطيك رح اشتك
واتصلنا على وزراة التجاره وقدمنا شكوى عليهم
بالمطالبه بتغير المكنية على الاقل وكان تعاملهم ممتاز قالو بنرسل لهم خطاب اذا ماردو بعد اسبوع نطلع لهم

حسبي الله عليهم ونعم الوكيل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تهريب صوفة المكينة + تغيير سير التيمن	محروم.كوم	منتدى أخبار المواقع والمنتديات العربية والأجنبية	3	07-04-2016 09:08 PM
تغيير زيت المكينة	محروم.كوم	منتدى أخبار المواقع والمنتديات العربية والأجنبية	0	05-14-2014 03:00 PM
شكل المكينة خبطت؟؟	محروم.كوم	منتدى أخبار المواقع والمنتديات العربية والأجنبية	0	04-09-2013 06:50 PM
افيدونا يا أخوان... سلف المكينة يدق تمام .. لكن المكينة ما تشتغل ...	محروم.كوم	منتدى أخبار المواقع والمنتديات العربية والأجنبية	0	09-22-2012 01:30 PM
غيرت طرمبة المكينة لليوكن 2002 وبعدها اصبح ضغط المكينة مرتفع جدا فهل ذلك طبيعي	محروم.كوم	منتدى أخبار المواقع والمنتديات العربية والأجنبية	0	06-07-2012 05:40 PM