ولبست عباتها وظهرت .. عسب اتقوم رشود .. وجافت بطريجها ام احمد ..
ام احمد : ماشاء الله عليج ..
شواخ: استحت : بس خالوه
ام احمد : باستها عقبالج حبيبتي ..
شواخ : احمرت .. وشردت
ام احمد : ههه
وراحت شواخ ودخلت على رشود .. وجافته محد ..
دقت له ..
وراحوا البنات يجوف وجافوها ..
جواهر : شوااااااااااااااااااااااااااااااااااااااخ فديتج حمدالله عالسلامه .. متى ييتي وليش ما خبرتينا
شواخ : هههههههه شوي شوي علي الله يسلمج .. عقب بقولج .. وخري ضيعتي ميكبي
جواهر : ماالت ..
ويو شيوم وميروه .. وخدوي يسلمون عليها ..
وعقب راحت سلكت على كل اهلها ..
بس باجي ابوها واخوها ..
وربشوا بالعرس وكان احلى مما يكون ..
وهاه كله بفضل الثنائي المرح .. جوجو وميروه
شيوم : فونها كان يرن بس ما تسمعه
ميره : اتفكر بذياااب
جوجو داقه سوالف ويا شواخ ..
والحين يا وقت ينزول ساروه الدبه ..
نزلت على انغام .. اغنيه حمد العامري ..
مساء الحب يا اجمل ليالينا واحلاها ..
مساء السعد يا ليلن يزف السعد بأنواه ..
مساء النور يا نجومن ..
تغني ليله اضيااها ..
مساء الشمس يا بدرن ..
عجز يطلع مع ساره ..
نزلت ساروه .. وماشاء الله عليها كانت ملااك .. فستانها كان ابيض ويابيج .. وكان خطير .. الورود اللي عالفستان كانت بيج والفستان ابيض .. والمسكة كانت ازرق على لون الكوشخه وابيض مع بيج على لو الفستان ..
الكل كان يقول ما شاء الله عليها ..
والكل استانس لجوفتها عروس ..
والكل كان يقول معقوله ساروه اتعرس ..
كنا صج مستانسين لها وايد ..
وفي كل خطوه ندعي لها ..
كانت مستحيه حيل .. وخدوي كانت اتساعدها واتشل ورايها ذيل الفستان ..
وكانت خدوي نموذج بسيط من ساروه ..
رقيقه وحلوه ..
جوجو : ياويلي عليها .. عجييييبه
شواخ : قولي ماشاء الله عن تحسديها
جوجو : ههه ماشاء الله ولا تزعلين .. وغمرت لها عقبالج
شوااخ : ههه بس عيب لاه انتي مينونه شو فيج اليوم اكيد اخويه مسوي بج شي ..
جوجو : ههه لا انتي اللي مسويين لج شي .. هوى ماليزيا غير ..
شواخ : جب جب ..
وعقب ما يلست العروس .. قاموا يتصورون وياها ..
ويرقصون ومرتبشين وحاله ..