السلام عليكم ورحمة الله وبركاته

اخواني انا بعت سيارة لواحد بالمعارض وسجلو مكاتبه وقلت ابي صورة من المكاتبة
قال مانعطيك الا السيارة تكون مجددة قلت ماشي رحت سويت تجديد للاستمارة
ورحت يمهم وقلت ترى السيارة اللحين تمام ابي صورة من المبايعه قال خلاص لما يجي

المشتري نتصل عليك وقبل المغرب تكون منقوله عن اسمك طبعا اتصلت على اللي شرى
مني السيارة قال خلاص ابي اقابلك اتصل عليه مايرد علي وارجع اتصل عليه رد وقال عندي ظرف
ورجع اتصل علي قال ماعليك انا ابي انقلها عنك بس عطني يوم قلت ماشي
المهم اشيك على حسابي بموقع وزارة الداخلية الا السيارة على اسمي اتصل عليه
يقول ابشر بكره قلت ماشي راح يومين وارجع اشيك الا السيارة باسمي ا
وارجع اتصل عليه مايرد وعلى كذا اكثر من من 10 ايام
رحت لوحدة المعارض ابي ابلغ عدم نقل ملكية قال معك صورة من ورقة المبايعة
قلت لا على اساس انه يجي ونسوي المبايعه وااخذ صورة قال روح يم المعرض
اللي سجلت السيارة فيه واروح يمهم قلت ابي صورة من المبايعة
قالو السيارة نقلت لمعرض ثاني وانكرو المبايعة
رجعت اتصل عليه مايرد واتصل عليه يعطيني مشغول
اتصلت على واحد من الشباب وقلت له السالفه قال بسيطه بلغ انها مسروقة
ورحت يم الشرطة وابلغ انها مسروقة

وانا والله متردد اخاف يسوي فيها مصيبه انا اروح فيها وانا ماودي بالحرام الله يكفينا شره ولا بودي اتبلى على احد

اللحين البلاغ يعتبر بلاغ كاذب ولاا لا لان مافيه حل الا هذي الطريقة
وهل فيها مسئولية ؟

والمكاتبة الي صارت هل هي رسمية ولا لا ؟