رحلة مصورة الى قمم جبال سلمى ( عمار ياديرتي )

محروم.كوم · #1 06-08-2009, 03:20 AM

بسم الله الرحمن الرحيم

صباح الخير جميعا وش حالكم عساكم طيبين
بعد غياب عام كامل عن حائل وردني اتصال من احد الزقرت بحائل المهم قال عندي تمايم لبنت وضروري تجي قلت برد لك خبر المهم بعد تفكير طويل فكرت للزيارة لان بصراحه ذبحنا الحر بالرياض درجة الحرارة خيالية اطلع قدر الضغط فوق كبوت السيارة واحط الرز والدجاجه فيها ووصل للبيت واكل على طول لان الحرارة تقريبا الاسبوع الماضي فوق 55 وينصبون حقين الاحوال الجوية يقولون 49 لان القانون العالمي اذا وصلت 50 اجازة على طول
المهم مسكت الخادمة بقرونها قلت تضبطين لنا فنجال حائلي لا والله اقرب رحلة على ديرتك
وخلال ربع ساعه القهوه جاهزه وهذه لقطه لها لان ماني فاضي كل طعس نوقف ونصلح القهوه ههههه

وانا بالطريق قلت للي معي انت تستلم القيادة ابي اجهز اعدادت الكاميرا وانت استلم موتري بس تسرع افقع وجهك هههههههههه
وهذه لقطه للوحة اللي قدامنا بس الى الان ماضبطت معي

المهم قلت خلني اوقف شوي واقهوي خويي لايزعل علي وانا اصب له فنجال داخ يوم ذاقه ههههههههههه لانه متعود على الباور هورس ( اغلب الشباب يسمونه باور هوس ) ههههههههه فرق بينهم لان المصطلح الاول قوة الحصان والمصلح الثاني قوة البيت عاد دور على معناه باي قامووووس
يوم ذاق القهوه وهو يكبس على السيارة وانا اقول هد ياتعبان وبعد مشاجرة استمرة نصف ساعه رضخ للامر الواقع لان مصالحه عندي وانا اهدد وارمي بكل الاتجاهات
قلت خلنا ادخل على المنتدى لان مكشات حاط لنا توقيع حضور وانصراف وقلت صح ماوقعت اليوم وهذه لقطه للدخول

وهذه صورة خويي اللي من مشينا الين وصلنا نار وملح

والشاعر يقول
الله نشد ياحمود عن معرفة يوم **** وحنا ثمان سنين ياحمود جيران
لكن هو ناكر للمعروف ( تروني امون عليه لا احد يجي ويقول ليش تقول كذا)

المهم مسك بي خط خويي سوالف وقال كيف الزوم معك
وقلت خلنا نجرب وهذه لقطه نقطه اللي رايح للقصيم

لقطه سريعه لسكة القطار والقريبة من الشنان

مازالت المعدات تعمل ليل نهار

امامك لوحه انتبه ياملا السيل

الشمس غابت وكل دور سراجه **** والشوق جمر ماحر الشوق لاجمر

الى هنا سوف نتوقف على ان نكمل الاجزاء المتبقية قريبا على قناة مكشات عفوا قصدي منتديات مكشات
احلام وردية للجميع
مع ملاحظة الصور المسموح بها 20 فقط حاولت لكن القانون يقول لك بس 20 اكثر غير مسموح

فمان الله
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أفرش حصاها واتوسد سهلها وأرقد بحضن جبال سلمى ولا أخاف (شلالات)	محروم.كوم	منتدى أخبار المواقع والمنتديات العربية والأجنبية	0	04-10-2010 05:40 PM
من أعلى قمم جبال السروات رحلة رائعة	محروم.كوم	منتدى أخبار المواقع والمنتديات العربية والأجنبية	0	04-07-2010 09:10 PM
صور لراس انسان باعلى الجبل في جبال سلمى	محروم.كوم	منتدى أخبار المواقع والمنتديات العربية والأجنبية	0	10-28-2009 08:00 PM
صور لراس انسان باعلى الجبل في جبال سلمى	محروم.كوم	منتدى أخبار المواقع والمنتديات العربية والأجنبية	0	10-28-2009 07:50 PM
~exclusive - .· ' ·. .· ' ·. الشيخة رحمة بنت عمار النعيمي	أحساس قلبي	المواضيع المكرره	2	02-27-2009 01:50 PM