من طرائف السفر في حياتي

محروم.كوم · #1 02-25-2014, 11:10 AM

بسم الله الرحمن الرحيم

السلام عليكم ورحمة الله وبركاته :-
اسعد الله صباكم / مساكم
من طرائف السفر في حياتي:-

في عام 1413هـ كنت عائد من مكة المكرمة إلى الرياض وعند كبري السيل الكبير وجدت شاب يأشر قلت خلني اخذه معاي يسليني في الطريق ركب معي حتى السلام ما سلم ... اشرلي طوالي .. قلت طوالي قلت في نفسي يالله يسليني ويمكن أنه يبغى قريب المهم المكان اللي يبغاه تقاطع البديعه بجنب صيدلية السقاف في الرياض .الشاب اطرم وطول الطريق اسولف معاه بالإشارة وصلت الرياض حسيتا ني نسيت الكلام وجنوبي متكسره .

الحادثة الثانية عام 1429هـ كنت مسافر من الرياض لجده وكان موعد الرحلة 6.45 صباحا ذهب قبل الموعد صليت الفجر وبعد محاولة الانصراف اكتشفت أن أحد الركاب اخذ واحده من حذائي – اكرمكم الله – وترك لي واحده من حذائه وش السوات لبستها وجلست بعيد عن الناس وانا في خجل المشكله فيها اختلاف واجد في اللون والشكل حسافه على الكشخة وما تمنيت يكون ثوبي طويل مثل ذاك اليوم .

الحادثة الثالثة ايضاً في نفس المطار جلس بجنبي رجل أقشر اشوفه من تعامله مع ابنته الصغيرة احضر لها وجبه فطور واحنا في صالة المغادرة وأجلسها وراح يجيب امها اللي كانت تصلي البنت تحركت وكبت العصير وجاء والدها وهو يهاوشها قلت هذا الرجال هو الكبه سحب الكرسي ... ابوها نظر لي لكن ما دريت وش اسوي رحت جبت عصير لها واعطيتها ... وقلت لا تبليني . ورانا سفر .

لما الحادثة الاخيرة فهي في قلبت الراس وهي تحدث لكثير من الناي تحس ان الجهات متساويه عندك وتلقى نفسك تدور في نفس المكان ودائم ما تحدث معي في مكه تلقناني الف لفه وارجع لنفس المكان ماادري وش يسموها في علم النفس مره كنت ابغى جيزان وانا في ابها ما ردني إلا مخرج نجران وارجع ونفس الحكايه اخرتها نزلت من السيارة وخليت واحد يسوق

في انتظار ما عندكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لأصحاب الفتك عندي 4 تواير 900 مع رنقات 16 + جمبينات الصفر مع الطيات الصفر	محروم.كوم	منتدى أخبار المواقع والمنتديات العربية والأجنبية	0	04-12-2013 12:10 PM
السفر لدبي ضروري جواز السفر للعائلة وإلا كرت العائلة الجديد يكفي	محروم.كوم	منتدى أخبار المواقع والمنتديات العربية والأجنبية	0	06-28-2012 01:10 PM
دعاء السفر - اذكار السفر - دعاء الرجوع من السفر - دعاء ركوب السيارة او وسيلة السفر	محروم.كوم	منتدى أخبار المواقع والمنتديات العربية والأجنبية	0	04-12-2012 05:20 PM
طرائف من العالم	5rbo0osh	الإستراحه العامة	5	09-02-2008 01:49 AM