السلام عليكم ورحمة الله وبركاته



بعدما شريت النوريكا منذ ٣ اشهر تقريبا رميت بها اكثر من ٤٠٠٠ رصاصة "صجمه"


وبعد التجربة وجدت أن السبرنق "السسته" تضعف بعد ٣٠٠٠ رميه قد تزيد أو تنقص قليلا
ووجدت ايضا أن يبدأ الحديد يحك في بعضه بعد ١٠٠٠ رمية إذا كانت جديدة


وطبعا السبرنق يضعف ويتقلص طوله ويصبح ملتوي مثل هذا اللي كان راكب في النوريكا




أما الجديد فهو طبيعي وهذا الفرق بينه وبين القديم
الفرق واضح

1. القديم
2. الجديد



طول السبرنق داخل ماصورة البندقية بالزيادة حتى يكون الدفع قوي




طبعا مقاس هذا السبرنق ماني عارف كم ولكن قلت للعامل في المحل عطني سبرنق للنوريكا ٩٠ وأعطاني هذا وسعره ٣٥ ريال

ولا سألت عن سعر التركيب ولا جاء اصلا في بالي هذا السؤال لأني معزم على التركيب بنفسي


ماهي أول مره افك البندق بنفسي وقبل كذا فككتها عشان اشحم السبرنق لأنها إذا جديدة ما يكون الشحم كثير وتحس أن الحديد يحك ببعضه

وعلى طاري الشحم هذا أفضل شحم جربته واستخدمت فرشاة رسم اسهل وأفضل




بس والله اني تورطت ما قدرت أرجعه إلا بعد جهد جهيد ومعاونة شخص آخر

وهنا زبدة الموضوع

أما هذي المرة جت في بالي اني اشتري الحديده اللي تكبس السبرنق من أمازون أو ايباي ولكن كنسلت الفكرة
لأنها بتطول وفيها دفع فلوس على الفاضي
ولكن جت فكرة أني اعمل هذا المكبس عند الحداد وفعلا اخذت المقاسات حقت البندق على السريع
ورحت لم الحداد وشرحت له الفكرة وفهمها وقلت سويها وبدأ يشتغلها


وهذي النتيجة



طبعاً عدلت عليها لأن في أخطاء في التنفيذ وأنكسرت الحديدة من الزاوية بسبب الضغط الشديد عليها

الدائرة الحمراء




ولكن مثل ما قلت لكم مع التجربة أكتشفت أخطاء التنفيذ وهذا التعديل





دعمت الزوايا عشان مع الضغط لا تنكسر والسبرنق مو سهل وفيه قوة موطبيعية






أما الخابور فوضعت له حديدة دائرية عشان يتوزع الضغط على الحديدة إللي في نهاية السيرنق المسرولة عن ضغط السبرنق وإللي يمسكها طرف الزناد




بعد لف الخابور راح تنضغط السسته إلى الداخل كما في الصورة






ولو رجعتم لهذه الصورة راح تلاحظون شكل المكينه وهي ضاغطة السبرنق





وبعد كل الفلم هذا عشان تقدر تركب مكينة الإطلاق إللي خارج منها الزناد
لأن مافي شيء يمنع السبرنق من الخروج من الماصورة إلا هذه المكينة وهي تمسكه
وعند الضغط على الزناد تتحرر السسته وتطلق الرصاصة


---------------------

بالنسبة للمكينة هذي وإلا مدري وش أسمها بسوي عليها تعديلات كثيرة عشان تعطي نتيجة أفضل وأريح في عملية الإستخدام

---------------------

وعلى فكرة هذي الطرمبة "مدري وش أسمها الصحيح" إذا كانت سليمة فما له داعي تغيرونها لأن سعرها 120 ريال -صاب-




وفي الختام أتمنى إن شرحي وافي وبسيط
وأي استفسار أنا بالخدمة

ودمتم بخير