السلام عليكم ورحمه الله وبركاته

بعد توفيق الله سبحانه وبفضل منه اشتريت الباترول الشكل الجديد 320 حصان قير عادي 6 تغيرات بصراحه موتر جبار رغم انه كبير بالحجم ولكن خفيف بالحركه

قبل الباترول الجديد كان معي هدد 2013 واستخدمته لمده شهرين وقطعت عليه 7500 كيلو متر وبعته ،، طبعا الفرق شاسع بالمواصفات والقيمه والقوه

لن ادخل في تفاصيل الفرق ولكن سوف اتكلم عن الباترول فقط ،، اشتريته قبل اسبوعين من الان بالبدايه موتر ممتع في القياده عزم خورافي وقوه جباره

غير ممل في القياده داخل المدينه وخفيف جدا وصرفيته اقل من المعقوله في البنزين داخل المدينه داخل المدينه عبيته فل مرتين وقطعت عليه مسافه 1600 كيلو


داخل المدينه وحينما اردت السفر سافرت عليه وعلى سرعه 120 - 130 قطعت بالتانكي مسافه 870 كيلو لاني ذهبت الى المنطقه الشرقيه ثم البحرين

وفي طريق العوده للرياض قبل الرياض بحوالي 250 كيلو عبيته من جديد

ملاحظه هذه الصرفيه على كفرات البالون مقاس 18 ولو كانت كفرات البلد كان اقل صرفيه

صوره للطبلون




ونلاحظ ان ضغط المكينه مريح على الاخير فوق ال 2 بشرطه


والفضل بعد الله سبحانه يعود الى هذا القير





لان من يوم تعطيه 6 بالخط وهو مريح


اعجبني فيه تبديلات القير سلسله وشبه رياضيه القير يتحمل الشد يعني ممكن توصل لسرعه 90 او 100 وانت معشق 2 عكس الموديلات السابقه


هذا مالدي حاليا وسوف اوافيكم بالمزيد