السلام عليكم ورحمه الله وبركاته

قلت باكر اليوم الوطني وبا اسولف عليكم اوسع صدوركم جعلها ما تظيق

ترانا منول الا جت الساعه 7 المغرب تلقانا في سابع نومه وخص في الصيف يازين ذيك الايام وبس
هههههه ايه نرقد من يوم يقول الله اكبر المغرب ويمكن قبل بشوي نرقد قبل الدجاج ونقوم قبل العصافير

اجل مثل ذا الوقت الي معاد ندري وشوالمغرب من الفجر هذا بلانا وهذا شقانا
وتلقانا مفرشين في الطايه او السطح فرشنا من مسيان او عقب العصر يمكن بعد يالتوالي تقولون وشو مسيان ههههههههه ويازين بعد الا صرتو في العطله الطويله هذا اسمها منول مدري عنكم هلحين وش تسمونها المهم الا صرنا في العطله وجو عندنا احد من القرايب من الرياض نجلس نسولف في الطايه وكل واحد يقول له قصه او سبحونه وذكر مره من المرات جلست اسبحن عليهم عن الجن وكان فيه بزور ومادريت الا بالي يصيحون قلت وش فيكم وش فيكم هلحين تصيحون قالو خايفين من الجن وثر ابوي جعله للجنه يوحيني ونا اسبحن عليهم وكان السطح مقسم بجدران ومادريت الا ببوي يقولي سحاااااب ونا قلت سم ونا اتنافض ثمن قالي ورا ماتاكل تبن وتسكت روعتهم لياني اجيك واطا في بطنك قلت طيب طيب ابا اسكت وخيط اثمي بس يامصل واحد راقد جنبي كل شوي يضحكني وكل شوي يضحكني ونا مغير كركركركر ونتم خابرين عاد الواحد الا صار ماوده يضحك يضحك غصب عليه ومادريت الا ببوي قايم وجاي يمي وهو يقولي انت ماخليتنا نرقد انت وكركرتك ويلخني لختين مع وجهي ويردحني بيده يوم شنقلت من قو الردحه حتا يومنه يردحني وهو يقولي حه حه ثانيه وخمد الين الصبح ياحيله الله اسبحن عليهم وونسهم والنهايه كفوف ولخلخه هههههههههههههههههههه

هذا الي جنيناه من سهر الليول ومن اكل البرقر ونا اعاني عيال ذا الوقت صار يتنفخ في الناس شي من كل اتجاه المفروض ماينتفخن لوهم يرقدون المغرب ولا ياكلون البرقرويستبدلونه بقرصان وبجريش وبسليق وبمرقوق وبمخامير ومراصيع ولا صلينا الفجر ودي اسويلهم جدول لو شهر بالسنه احلا لاه ونا الي متوليهم ومعي كلبين حراسه ولا يبي ياطون في بطني من الي ابا اسوي لهم ههههههه كان من يوم نصلي الفجر وكلن يصليها في المسجد ماعندي دلع ولا محطته محطه بعصا عندي تخليه يناقز من الوجع ثمن اروحبهم للحميضيه وهذي مزرعه قديمه في شقراء وقضب او اعطي كل واحد منهم مسحات وقولهم يالله لا يذن المغرب وفيه شرب ما حرثتوه وجلس اراقبهم وكل شوي اتنحنح بقوه علشان الي يهوجس ما يهوجس ههههههههههههه ولا جت الساعه وحده جبت لهم ذيك المطبخيه الي وش كبرها وفيها قاسمه الله يا مرقوق ياجريش يا مطازيز يا مخامير هذا بعد ان طاعت وحده من العجيزات تصلحهن ولا جبنا لهم رز عطي الرحمن مع لحم بعارين ما نبيهم ياكلون دجاج ابد ابد صارو فيذا الوقت بعض المرات الا كلمك واحد منهم يقول سحححااابب قو قو قو ل شي شفتو بغو يقوقون مثل الدجاج من كثر ماياكلونهن ماعندنا الا لحم بعارين علشان يتعلمون الحراشه والمرجله ولا سلمتا على الواحد منهم كنك مسلم على كربه حقه نخل من الحراشه ولا اذن المغرب عاد جبنا قاسمه الله ولا باقي الرز الي الظهر هماه نعمه ياكلونه ولا يقعدون الين يصبحون ومن يصلون الاخير نومه وجوالات مافيه جوالات بعد يتصل على امه ويقول لها شي وتجي يمي تهوش ثمن امسطها بالعصا وخليها تنحاش منيب العب الا صار فيه كلبين بوليسيات حارساتني ولا بدونهن ما يخسا الا ابليس هههههههههه
لا لا ماعندي لعب ابا اخليهم يفزفزون في الليل مني ابا اصير شرس جدا مدام معي كلاب بوليسيه تحرسني ولا بدونهن لا والله مابعت بروحي احارش احد منزيني بعد اقل حركه تجيني اطيح في الارض لوهو يهوز علي بس
ولا صارمعي ذا الكلاب الي اذانهن مشنترات البوليسيات لا بالله ابا اسوطهم سوط هههههههههههههه ومن اليوم مافيه الا قرصان يابسه ويشرب عليهن من قليب الحميضيه جغمه ماء وبس ثمن شوفو وش يطلعون
الله ياالدنيا يابعض الناس العجيزات منول كل يوم وهن رايحات للحميضيه يجيبن ماء على روسهن الله وكبر يالدنيا سبحان الي يغير ولا يتغير من عقب الحميضيه وشيل الماء على الراس صار مايردنا الا حديقه الهيدبارك في لندن الله يكفينا شرك يالدنيا هههههههههههههههه يروحن يتبردن فيذاك بس ماهبل بهن الا كلش غالي ههههههههههههههههههههههه الله وكبر يالدنيا اجل خبرتو فيه عجوز منول تحلب البقره وتخض اللبن في صميل معلقته في قناره من ثلاث خشب ومن يصلون العصر وهي تخض بيديها الين يجي حول المغرب قبل لا يجي الكهرب طبعن وهلحين مايردنا الا لندن وسويسرا لا اله الا الله سبحان من هذا بمره

اجل منول مغير منبخه يدياتها من المقرصه وتشب تحتها تكرمون بخثيه بقره وهلحين تاكل برقر ماعاد بقاش من علامات الساعه هههههههههههههههه

تصدقون عاد ان فيه عجوز قبلي اشوفها راكبه على حمار عندهم ولا قلت لها وين تبين تروحين يم فلان قالت ابا اروح للبلاد يسمون الديره و البيوت منول والي حولها يسمونها البلاد
وهلحين مصيفه في سويسرا امنت بالله وعليه التكلان من على ظهر حمار الا جبال سويسرا وهنا موقه بعد الا جيتا تكلمها وتقولك انا في سريسرا ولا قلت لها وشذا الشغل يم فلان ماخفتي يخفس بك ربي من على ظهر حمار وقبلي اشوفها عليه الا طائرات جامبو مدري وش فيني اليوم على العجيزات ونا عاد احبهن ههههههههههههههههههههه وبس قظت سواليفي الله يجعل قلوبكم جميع ما يجيها لا هم ولا حزن ويجعلكم من اسعد خلقه هذا حقكم علي اللهم امين بس عساها جازن لكم ولا يازيني ساكت هههههه

وفي النهايه اقول
سبحان الله والحمد لله ولا اله الا الله والله اكبر عدد خلق ربي