حراره باللاندكروزر و نقص ماء الراديتر مع وجود تهريب خلف المكينه , توقعاتكم ؟؟

محروم.كوم · #1 09-20-2013, 08:50 AM

السلام عليكم

الموتر جكسار 99 ( تماتيك )

السالفه كنت ماسك خط تقريباً 150 كيلو بعدها وقفت في محطه و خليته يشتغل يوم طلعت مريت جنب الموتر شميت ريحه ماء الرديتر و اسمع صوت تفوير و اناظر الحراره الا هي فوق النص

فتحت الكبوت و لاحظت خروج بخار من جنب عيار زيت القير يعني البخار يطلع من خلف المكينه و فيه تهريب مويه من نفس المكان .. شكيت ان الرديتر خلط زيت قير و الماء رفعت العيار مافيه ماء الحمد لله

ريحت الموتر شوي و فتحت الغطاء يالله مسكته فيه حراره شديده .. بعد ما فتحته لقيته منقص و اعبيه 6 علب مويه مقطر الحمراء و اصك الغطاء و الحمد لله نزلت الحراره و صارت على الربع بالتمام .. طبعاً تأكد من الخرطوش العلوي ماكان متحجر عادي و الخرطوش اللي تحت حار يعني البلف يفتح و الغطاء جديد و مويه الرديتر مغيره و مسيخ الرديتر

طبعاً انا توني شاري الموتر و بالفحص عن البريدي قالو لي افحص راس المكينه سألت الزول الراس مبين فيه شيء قال لا بس شفنا المويه ناقصه كثير سيخ الرديتر و عبه و راقب المويه اذا تنقص احتمال الراس و سألت راعي الموتر قال ما ينقص يمكن اني ما انتبهت له من زمان او الغطاء فيه تنسيم شريته و سيخت الراديتر وحطيت مويه تويوتا اصليه و مقطره و غطاء جديد و بلف جديد و مشيت عليه الى الآن بس 1000 كيلو و سخن علي البارح

و زي ماقلت لكم يوم ارتفعت حرارته الماء يطلع من ورى المكينه

اللي شيكت عليه من النظر :

- الخراطيش سليمه الفوقي ماهو محجر واللي تحت ساخن البلف يفتح و جربت ادعس ولا سفط الخرطوش

- الغطاء جديد

- المويه جديده

- الرديتر مسيخ

- مافيه مويه بعيار زيت القير

- مافيه مويه بعيار زيت المكينه

الاحتمالات اللي جت في بالي

1 - طرمبه المويه

2 - واحد من الطبات فيه تنسيم خفيف لان المويه و مكان خروجها توحي لك انها طبه مكينه

3 - راس المكينه

4 - طبله الراديتر العلويه لكن احتمال ضعيف لأن الماء يهرب لو هو ينقص ولا جاء تهريب يمكن اقول تبخر مع حواف الطبله

وش تتوقعون الأرجح

مانستغني عن مشورتكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حراره عاليه في شكمان الباترول فتك من تحت المكينه ارجو المساعده	محروم.كوم	منتدى أخبار المواقع والمنتديات العربية والأجنبية	0	06-03-2013 11:40 PM
* تهريب زيت المكينه في اليوكن ولكن بدون أثر له *	محروم.كوم	منتدى أخبار المواقع والمنتديات العربية والأجنبية	0	04-04-2013 09:40 PM
[ برنامج مجانى ] برنامج لمراقبه حراره المعالج ودرجات حراره الكمبيوتر	محروم.كوم	منتدى أخبار المواقع والمنتديات العربية والأجنبية	0	11-05-2011 04:30 PM
للموبايل وحوي يا وحوي وكمان وحوي	محروم.كوم	منتدى أخبار المواقع والمنتديات العربية والأجنبية	0	08-18-2011 07:10 PM
بالصور تغيير سير المكينه وشداد سير المكينه ليوكون 2002	محروم.كوم	منتدى أخبار المواقع والمنتديات العربية والأجنبية	0	07-08-2010 10:50 PM