همْساتْ *! بلَمسَـة الأَيامْ .. ♪

همس المشاإعر · #1 07-10-2013, 12:46 AM

همْساتْ *! بلَمسَـة الأَيامْ .. ♪

السلام عليكم ورحمه الله وبركاته .*!
أعجبت بالقراءه والكتابه وها أنا أبدأ بخط كلمات
وأحداث من وحي الخيال ممزوج بالحقيقه لتتكامل
جميعها في قصه قصيره من تأليفي الشخصي الممزوجه

أيضاً باللغه الفصحى واللغه العاميه ولا أسمح لأحد
بنقل قصتي دون ذكر اسمي ..*!

الكـآتبه : همس المشاإعر ..

__DEFINE_LIKE_SHARE__

همس المشاإعر · 07-10-2013, 12:48 AM

الهمسة الأولى .♪

عمر : آآآآهـ يابويه رحلت عن الدنيا وتركتني وحيد عايش بين جدرآن وأسقف بيت يعمه الهدوء والسكون

من بعد غيابك و مابقالي في هالدنيا غير انسانه وحدهـ تذكرني بتفاصيلكم يابويه وأمايه ..

تمضي الأيام بما لا تشتهيه الأنفس وتبقى النفوس حزينه بعد الرحيل !! دخلت البيت أناظر الحديقه ووجهت

نظري لزاويه من الحديقه كان موجود فيها بيت مصنوع من الزجاج صغير بس رغم صغر حجمه الى أنه يحمل

من الذكريات والمواقف العدييد .. أبعدت نظري عنه وأكملت طريقي لداخل البيت وأنا أتأمل كل مكان فيه

وأحس بوخز من الألم في قلبي !! كل ركن من البيت يذكرني بأمي اللي توفت من بعد ما أتعبها المرض

ربي يبعد الأمراض عنا جميعاً وبعدهـا بسنه رحل أبويه وفارق الدنيا وبقيت أنا وأختي الصغيره مهرهـ وحيدين

بليا أب وأم !! قعدت أستغفر وأطرد كل الأفكار الحزينه اللي اجتاحت عقلي فجأهـ ورحت ادور على مهرهـ أختي

و أطمن عليها ..

مهرهـ : عمووووور أخي العزييز تدري اني أحبببك واايد ..

عمر : ههههـ عزيز وأحبك هالحركات مب علي يا أختي العزيزهـ من الآخر شو تبين ..؟!

مهرهـ : عمر من وفاة المرحومه أمي والبيت الزجاجي محد قرب صوبه والحين أبوي راح لها وبقينا أنا وأنت ( دمعت عين مهرهـ ) خاطري أدخله وأذكر كل مواقفنا وذكرياتنا الله يخليييك ..

عمر : مهرهـ الوقت مب مناسب وأنت تدرين انه البيت الزجاجي محد قرب صوبه ولا تجرأ انه يفتحه من بعد وفاهـ الغاليه .

مهرهـ : أنا وأنت بقينا وحيدين و بنقدر نفتح هالبيت الزجاجي ونعرف كل التفاصيل اللي فيه .

عمر مسك ايدها وبدوا يمشون باتجاهـ البيت الزجاجي اللي من سنه محد تجرأ يقرب صوبه .. وقفت مهرهـ عند وصولهم

لباب البيت الزجاجي وناظرت عمر بنظرهـ يملؤها الخوف والاشتياق لأمها وأبوها ورد لها عمر بنظرهـ تشجيع و طمأنينه ..

Stoooop !!

نروح لجهة ثانيه موجود فيها ناس يجتاح قلبهم الحقد والطمع وعمت قلوبهم الفلوس وهالشيء خلاهم

ينسون أهلهم ويقطعون صلتهم بأي ناس يعرفوهم ويكونون حياهـ يديدهـ عنوانها ( الفلوس والبيزات ) !!

بو حمدان : يا اخواني أنا مليت من هالحياهـ مقاطعين الناس والأهل بسبت فلوس ما تفيدنا بالآخرهـ .

بو سلطان : يا حمد اترك عنك هالكلام بعد ما حصلنا الملايين وأرباح هائله تقول هالكلام !! واسمنا مشهور بين

الكل في الدوله وخارجها !!

بو محمد يأيد كلام اخوهـ بو سلطان : صحيح كلامك يا بو سلطان هالأرباح راح تخلينا نعيش بالحياهـ اللي نتمنى

نعيشها من فترهـ طويله ..

بو حمدان : يا اخواني اسمعوا كلامي ترى البيزات ما بتنفعها خل نصفي النيه مع الكل ونستسمح من الجميع وأولهم

أختنا الوحيدهـ أم عمر ونطلب رضاها وبعد ما نصفي النيه نكمل بتاجرتنا , أنا مب مرتاح الى اذا صفيت النيه والكل سامحني ومحد شال بخاطرهـ علي ..

بو سلطان وبو محمد ما عيبهم كلام أخوهم العود واعترضوا بالتالي بوحمدان تأكد انه ما بيقدر يقنعهم وما فيه فايدهـ

من قعدته معاهم فطلع من ميلس بو سلطان اللي مجتمعين فيه !! وقعد على أحد كراسي الحديقه وهو يفكر بحياتهم قبل لا تعمي قلوبهم وعيونهم الفلوس , ذكرياته مع اخوانه واخته وامه وابوهـ وهو يردد الله يسامحك يالغالي زرعت في قلوب اخواني الطمع والحقد من هم وصغار وكبرت الافكار معاهم ووصلنا لـ هالحال !!

Stoop !!

ونمشي لواجهة أخرى لبيت موجود بزاويه يحتوي البيت على عائله بسيطه يسودها الأمان والحب والمحبه والتعاون وكانت العائله مجتمعه في صاله البيت .*!

نهيان : أبويه وأمايه عندي اقتراح بما انه الكل اجازهـ ومحد دوام شو رايكم نروح نخيم في البر ونستانس لمدهـ أسبوع

دام الحين الشتاء والجو حلو ..؟!

بو نهيان : أنا ما عندي مشكله حدد أي يوم تبون تروحون وتناقش مع خواتك وأنا بجهز الخيم وكل شيء .

أم نهيان : وأنا ما عندي اعتراض وخواتك واخوانك بيستانسون ولا تنسون تخبرون راشد ومرته .

نهيان : ان شاء الله أبويه برد عليك خبر باليوم اللي بنروح فيه وأمايه بخبر راشد أخوي .

وراح نهيان يخلص أشغاله , ويمضي الوقت سريعاً لتراكم الأشغال على نهيان بعدها رجع البيت

قعد مع خواته ( خلود , أسماء , فاطمه ) .. خلود : أنا أنتظر حد يقترح هالفكره منها نغير جو ونستانس .

أسماء : أكيييد بنرووح أصلن نحن ما نرد اخونا العود .

نهيان : متأكدهـ ما تردين أخوج العود ..؟! أنتي آخر وحدهـ تتكلمين ما تصدقين حد يقترح فكرهـ حواطه حتى بدون

تفكير بتوافقين .

أسماء : ههههـ مشكله انك عارفني .

نهيان : فطامي ليش ما تناقشينا وتقولين رايج .؟!

فاطمه : اللي يريحكم يريحني وأنا مب معترضه على الرحله .. ( وببطئ انسحبت عنهم وراحت غرفتها )

خلود : أحسسن رااحت لسجنها المؤبد اللي ما تظهر منه .

نهيان : خلوووووود شو هالكلام مهما يكون ترى هذي أختج منج وفيج واذا هي انطوائيه ليش ما تحاولون تقتربون

منها تعرفون شو سبب انطوائها ..؟!

أسماء : أخوويه لا تهتم لكلام خلود وان شاء الله بنتقرب منها وبمرور فترهـ بتشوف فاطمه يديدهـ تختلف نهائياً عن فاطمه اللي تعرفها .

وراح نهيان وباس راس خواته وكمل مشيته لغرفته يرتاح بعد يوم متعب بالنسبه له ..

[ أفراد من العائله ما تطرقنا لتفاصيلهم وكيف تمشي الحياهـ معهم وهم عائله راشد اخو نهيان ]

راشد قاعد يلعب مع بنته الصغيره واسمها سلامه وأم سلامه تناظرهم وترتسم على شفايفها الابتسامه وتتمنى !!

أم سلامه : ربي يحفظكم لي و يدوم السعادهـ بينا ويبعد عنا كل شر باذن الله .

راشد : آآميينن ويحفظكم لي يا أحلى عائله .

أم سلامه : شو تبون ع العشى اليوم ..؟!

سلامه : ماماتي أنا أبا ثوربه a & b ..

راشد و علياء يضحكون على وصف بنتهم لشوربه الحروف , وراحت علياء للمطبخ لتبدأ بمشوار الطبخ

وتتفنن بتقديم الطعام لعائلتها المكونه من راشد وعلياء وبنتهم سلامه ..

Stoop !!

توقعاتكم ..؟!
# ما هو المرض الذي أتعب أم عمر الى أن فارقت الحياهـ .؟!
# ماهو السبب اللي أدى لوفاهـ بو عمر ..؟!
# ماهي الذكريات الموجوده في البيت الزجاجي اللي من سنه محد دخله ..؟!
# بو سلطان وبو محمد يا ترى بيتم الحقد والطمع عامي عينهم وقلبهم ..؟!
وهل بيقدر بو حمدان يقنعهم انه المال مب كل شيء في الحياهـ ..؟!
ومنو السبب في تعليم بو سلطان وبو محمد الطمع والحقد من غمر صغير ..؟!

# هل بتصير أحداث وآكشنات في رحله عائله بو نهيان للبر ..؟!
# هل الشخصيات واضحه للقراء أم الهمسه الأولى لازالت غامضه لدى البعض ..؟! __DEFINE_LIKE_SHARE__

همس المشاإعر · 07-11-2013, 03:01 PM

35 مشااهدهـ - 0 ردود

احباااط !! __DEFINE_LIKE_SHARE__

مسـ دفاشه · 08-05-2013, 08:23 AM

الروااااية طرررر نترقب البارت 2 __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♪♪ حيآتي أنا .. نسـاها الهنا ، للمنشد [ محمد السلمان ] ♪♪	♕ وليد الجسمي ♕	اناشيد وصوتيات ومحاظرات ومقاطع دينيه وصوتيات ويوتويب اسلامي,	0	10-06-2011 03:43 PM
♪♪♪♪( ( رررررررن الجــــــــرس ) )♪♪♪♪	همس العشق	الإستراحه العامة	6	05-05-2011 11:35 AM
♪♪♬♡__ مقاطع . { بَشِيِل حُبَك مَعِي } _♪♪♬™	Esma7eli Yal'3ram	قسم المقاطع	13	11-25-2009 06:20 PM
خبــر مواااال ♪♪♪▓▒░ نايف البدر ╒╢ المٌيجاُناِ ▄█▌▐	محروم.كوم	منتدى أخبار المواقع والمنتديات العربية والأجنبية	0	10-14-2009 12:50 PM
خبــر مواااال ♪♪♪▓▒░ نايف البدر ╒╢ المٌيجاُناِ ▄█▌▐	محروم.كوم	منتدى أخبار المواقع والمنتديات العربية والأجنبية	0	10-14-2009 12:40 PM