#poem_51da16758d156 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} بنيت عزي فوق روس المراقيب ولا همني باللي يبون الدنايا من ساسنا وحنا لنا الفخر والطيب نبذل سخا ماقد مننا العطايا وسبحانه اللي عالم الجهر والغيب يبسط لنا رزقه بجود وسخايا كلام للي يقدرون المواجيب اللي لهم راي (ن) صويب ودرايا يصلون نار المرجله واللواهيب وافعالهم ماهي كذوب وحكايا وبالجود اياديهم تقال المخاضيب فيهم جميل وفيهم اجمل سجايا وبعيد عنهم زلة لسان بالعيب ولا حديث(ن) ينقلون الروايا يوثقون الهرج مصدر وتصويب قدامهم مايعكسون النوايا وماكل من جر العوى قالو الذيب كثير من يطنب بوسط الخلايا ولا كل من يرمي هدف دايم يصيب راع القنص معروف بين البرايا