الدرر الماسيه للصيد في الصيفية الحلقه الخامسه ابوحسين

محروم.كوم · #1 06-19-2013, 12:10 AM

السلام عليكم ورحمة الله
اخواني الكرام
اقدم لكم درر ونصائح صيفيه مستعجله وحتكون 10 نقاط جدا مفيده وغير موجوده في المنتدى من اول
لانو عندي ظرف سفر ومستعجل وحغيب عنكم فتره فيا ريت تستفيدو منها

اولا
يجب عليك الاكثار من المواد السائله مثل العصيرات الطازجه خصوصا السوبيا والمنقه عشان تعوض السوايل الناقصه في جسم
لانها مليانه بالعناصر الغذائيه اللي حتفيد جسمك اهم حاجه التلات دي
سوبيا و منقه و مويه صحه

ثانيا
مع الحر الشديد والرطوبه لازم يكون عندك ماده ممتصه للرطوبه تلقاها عند محلات السباكه وتكون وسط شنطه العده عشان تحمي السنارات والمصفرات من الصدأ

ثالثا
كتير من الاخوه يمرضو بسبب مكيف السياره
فيا ريت تبدا تخفض في بروده المكيف تدريجي قبل ما توصل مكان صيدك لانو مع الوقت حيتأثر جسمك من الانتقال المفاجىء لدرجه الحراره

رابعا
احذروا من ملابس السلك وخليكم على القطن لانها مع الرطوبه والحر بتسبب لكم حساسيه وحكات في الجلد

خامسا
في الصيف الواحد يجلس على كرسي احسن من الزوليه لانو الصيف يكثر حشرات في الارض وبعضها يسبب مشاكل في الجلد
والنوم يكون على حاجه مرتفعه او داخل السياره

سادسا
في الصيف فرصه انك تروح المحلات حقت الصيد اللي تكون في طريقها صبخ لانو الصيف تقل الامطار وتكون الارض جافه اكتر من الشتا ولكن خليك حذر مو كل الاماكن طبعا

سابعا
المناطق الشماليه في البحر الاحمر انسب للصيد في الصيف من الجنوبيه

ثامنا
الاخوه اللي يشغلو مكيفات السياره وينامو في البحر احب احذرهم انو هدا الشي يخلي سيارتك تتبوش بسرعه

تاسعا
في الصيف اول 15 يوم من الشهر بيكون فرصه الصيد افضل بكثير من النص الثاني

عاشرا
الايام دي فتره تزاوج الرقيطه وبتكون مليانه في البحر ياريت تنتبهوا شويا

اكتفي من الدرر اللي سطرتها بحروف من الماس في هذا المنتدى العزيز من خلاصه خبره 17 سنه جلب
ان شاء الله حتستفيدو منها
وراح اغيب عنكم لاني حكون في جزر الكاريبي ان شاء الله

ويا ريت الاخوه اللي يتضايقو من خبرتي يهدو اعصابهم لاني قلت خبره يعني ما راح اكذب على نفسي واقول مبتدىء
وكمان ما قلت اني افضل من احد

او من دا الكلام ولو فيها تكبر كان المنتدى ما منح بعض الاعضاء لقب خبير
ومعا انو ما قلت عن نفسي خبير

ولو قلت اني افضل واحد في المنتدى خبره كان يحقلكم تقولو متكبر

لكن

قلت عندي خبره صيد 17 سنه الكلمه دي حقيقه ومافيها تكبر اللي يزعل ما نفسو والله يعينو على نفسه

وان شاء الله الاستاذ جميل جلب حيكون مشارك خلال الايام القادمه وحيواصل مسيره الدرر وحتستفيدو منو ومن خبراتو باذن الله

في امان الله يا حبايبي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحلقه الخامسه عشر 15 من مسلسل دروب المطايا	محروم	مسلسل دروب المطايا	152	07-13-2018 08:16 PM
الحلقه الثالثه لنصايح ابوحسين الذهبيه وفر +فكر+احذر	محروم.كوم	منتدى أخبار المواقع والمنتديات العربية والأجنبية	0	06-09-2013 11:10 PM
الحلقه الخامسه والعشرين 25 من مسلسل أم البنات	محروم	مسلسل أم البنات	756	06-04-2010 09:09 PM
من منغوليا ورحلة عمر (صور)الحلقه الخامسه	محروم.كوم	منتدى أخبار المواقع والمنتديات العربية والأجنبية	0	05-03-2009 12:10 PM
الحلقه الخامسه؟؟	زايد_88	حلقات الميدان للكبار 4	10	12-29-2008 06:56 PM