" k e e k " و " الضّـو مبْ طــايْع يلبَـق "

Miss Rumithia · #1 04-05-2013, 03:35 PM

Keek , هو أحد شبكات التواصل الاجتماعي ،
مثل تويتر و فيس بوك ، بس المشاركه تكون بـ فيديو من تصوير الشخص ،

طبعـاً كل شي له سلبيات و ايجابيات ،
بس مرات سلبيات الشي تطغى عـ ايجابياته ،

لاني اشوف انه الناس ياخذون الفيديوات منه و تكون فقط
لـ الطنازه و يمصخرون الاشخاص اللي منزلين هـ الفيديوات ،
والصراحه هم فتحو المجال لـ الناس انه يعايبون عليهم ،

صح انه في بعض الاشياء تضحك ،
بس احس الموضوع يكون حساس اذا يخص بنيه
وبذات اذا الناس ماكتفو بنشر الفيديو ، ولكنهم نشرو معلومات خاصه ،

مثل سالفة " الضو مب طايع يلبق " بدايتها من keek
البنت حطت الفيديو ، وتم تداوله واكيد الاغلبيه سمعَو عن هالسالفه ،
المهم و ظهرو اسم البنت ، ومعلومات عنها ، وين تدرس و وين ساكنه و و و و !!
وطبعاً البنت اشتكت ، بس شوه الفايده ؟ هيه اللي حاطه الفيديو !

لا واللي صدمني انه ربيعتيه اليوم راوتني فيديو ،
لـ بنيه خليجيه ، متنقبه ، وانصدمت الصراحه ،
لها عدة فيديوات ، تصور وترمس ،
فيديو تصور ريولها ! وتقول شوفو ريولي صغيره > انزين وبعدين !
و فيديو تصور الدلاغ اللي لابستنه وتعبر عن رايها فيه انه عايبنها ،
ولها فيديو بعد انها تصور كوب الحليب ،وانه يوم دقو عليها باب الحجره عفدت و وقفت التصوير انزين ،
هل هذا له معنى ؟
بنقول لو مصوره الكوب صوره عاديه هب فيديو ،
يمكن عايبنها الكوب او الصوره الها معنى بـ النسبه لها !

الخلاصه ، شوه رايكم بـ keek ، !
تحسون انه له فايده ؟ ولا بس لـ تضييع الوقت بـ اشياء غالباً ماتكون تافهه ،
وبرايكم شوه سلبياته و ايجابياته ؟
وهل تؤيدون المشاركه فيه ؟ الحينه حتى اليهال ينزلون فيديوات فيه ،
اممم تحسون انه ممكن يؤثر بشكل سلبي عـ المجتمع ؟ وتنتج عنه مشكلات !

طبعاً هدفيه من هالموضوع ،

التوعيه ، و تنبيه الاشخاص بـ سلبيات Keek
و ايضاً عشان يكونون مُلمين بالموضوع و يعرفون انه قد تنتج عنه مشكلات ،

بإنتظار آرائكم و مناقشاتكم ،
اعتبروها مناقشه حُرّه ، هب لازم تتقيدون بـ الاسئله ،

__DEFINE_LIKE_SHARE__

شموخ اجتبيه · 04-07-2013, 12:24 AM

يسلمووو على الموضووع الحلووو..ؤشكرآ لج على طرحج للموضووع
برنامج keek ماله فايدة اساسا..بس تضيعت وقت..
..صصراحهه في الناس سسوت من نفسها مصصخره .... ف هذا البرنامج ولي يظحك وبنفس الوقت يحزن هالبنات اول يخافن على عمارهن واالحين هن الي ينشرن نفسهم بايدهن الله يهديهن ..>>مش الكل<< وفي الناس استخدمونها بطريقه صحيحه لاكن قله ..

__DEFINE_LIKE_SHARE__

Miss Rumithia · 04-07-2013, 01:55 PM

المشاركة الأصلية كتبت بواسطة شموخ اجتبيه

يسلمووو على الموضووع الحلووو..ؤشكرآ لج على طرحج للموضووع
برنامج keek ماله فايدة اساسا..بس تضيعت وقت..
..صصراحهه في الناس سسوت من نفسها مصصخره .... ف هذا البرنامج ولي يظحك وبنفس الوقت يحزن هالبنات اول يخافن على عمارهن واالحين هن الي ينشرن نفسهم بايدهن الله يهديهن ..>>مش الكل<< وفي الناس استخدمونها بطريقه صحيحه لاكن قله ..

اول شي تسلمييين ومنوره الموضوع
ثاني شي صح كلامج ولا تحرمينا من مرورج السنع
__DEFINE_LIKE_SHARE__

راعـــ الــحــب ـــي · 05-27-2013, 05:38 PM

موقع حلوو مع ان ما عندي حسااب فييه

بس عييييييب ان البنت ترممس و اتصووور عمممرها ..!

الشااب : ترى حلوو لما تكوون واقعي ومحترم عممرك ! __DEFINE_LIKE_SHARE__

Miss Rumithia · 06-01-2013, 02:17 PM

المشاركة الأصلية كتبت بواسطة راعـــ الــحــب ـــي

موقع حلوو مع ان ما عندي حسااب فييه

بس عييييييب ان البنت ترممس و اتصووور عمممرها ..!

الشااب : ترى حلوو لما تكوون واقعي ومحترم عممرك !

تسلم اخوي على المروور الطيب ولا هنت
ولا تحرمنا منه ابد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM