روايه :- حيـآتي فلـندن ل bnt.5gaga

بنت الغب 2 · #1 01-17-2013, 06:47 PM

السلام عليكم و رحمة الله ..~

حبيت انقل لكم روايه حيـآتي فلـندن للكاتبه bnt.5gaga

__DEFINE_LIKE_SHARE__

بنت الغب 2 · 01-17-2013, 06:48 PM

تعريف بآلْـشخصيـآت :-

بو حمدان 43 / سيف :- رياال طيب و له سمعته وياا الناس , ضاابط , يحبعيااله و ما يرفض لهم طلب ..

أم حمدان 40 / عاشــه :- بنتعم بوحمداان حرمه طيبه تحب عياالها و تعرف الصح من الغلط , ماا تسكت عن الحقصاارمه بس مع هذا حنوونه و قلبهاا كبير ..
منصوور :- المفرووض عمره 19 بس بقولون ماات يوم كاان عمره 11 سنه

أماني 14 :- بنت حبووبه وملسوونه صف تاسع بيضه بيااض مب طبيعيقصيره و ضعيفه ويهها شراات اليهاال جنها بو 6 سنيين شفايفهاا صغاار و مليانه شوي احلى ما فيهاا غمازاتها المحفوره شعرها ليتركبهاا اسود سوااد الليل ..

حمداان 14 :- توأم أمااني كووبي بست منها بس الفرق انه مسوي تقويملونه اسود شعره ليت فوق رقبته بشوي شرا المدرج خقااق بس وقت السواالف ينسى الخقه و طواايفها ..

شوق 5 :- تاخذ شبه مناخواانها دلوعه و لساانها اطول منها تدرس ف الكيجي ..
أتريااا ردوودكم و تفاعلكم ..
__DEFINE_LIKE_SHARE__

بنت الغب 2 · 01-17-2013, 06:50 PM

[[ 1]]

منسدحه فغرفتي و افكر , "طبعا خلصنا المدرسه و هذا احلى شي و بديناا بالإجازه الطويـله " كنت قااعدهافكر فالصووره اللي جفتهاا فألبووم الصور " كانت صوريتي و صوره امي و ابويه وحمود و شوق و وااحد بس شكلناا نعرفه لأن أكثر من صوره له ويانا و بعد يشبهناا , اممميمكن منصوور اخويه بس بعد و لاا مره سمعتهم يطرونه .. :: قعدت افكر .. افكر ..افكر :: ليت ماا يا فبالي اني اسأل امي ,

طلعت من غرفتي متجهه لغرفه امي ..

فتحت البااب بشويش و بيدي الصوره :- اماايه " بس ما لقيت حد توقعت انها تحتفالصااله و نزلت تحت "

: اماايه .. ماماااا ..

امي :- اهني انا فالمطبخ ..

حدرت المطبخ :- اميي شتسويين ..

امي : قاعده اطبخ , لييش تبيين شي ..

: لاا بس يايه اجوفج وينج ..

أمي :- عيل شفيج تباغمين من الصبح ..

: , الله يسلمج و اناا اجووف الصور اللي فالألبووم الجديم جفت صوورهواحد ويانا ..

أمي :- و منو هذا ؟ " اناا عطيتها الصوره " أ أشو تبيينفييه انتي ..

: اماايه انزيين منو هاا ..

أمي " بقهر و غبنه " :- هذا اخووج منصوور اللي توفى ..

: انزيين اماايا كيف ماات ؟ اناا ماعرف عن..

" امي قاطعتني و بصوت عالي شوي " : ألحين انتي شو تبيبه الله يرحمه ياللهاجووف شلي الصوره و ردي الألبووم ..

: ان شالله ..

" سرت غرفتي و اناا مستغربه من اسلووب امي و نرفزتهاا "

" انسدحت ع الشبريه و فيني فضوول فضييع ابي اعرف كيف ماات و متىو لييش اناا ماذكره بالأصل .. تمييت جي ربع سااعه و غرقت بساابع نومه "

..

اليوم الثااني حدرت علي شووق " قعدت ع طرف الشبريه " :-اموون اموون ..

: همممم ..

شوشو :- قوومي بابا يقوولتعالي الصاله ..

" اناا بصوت فييه رقااد " :- شووقي انجلعي ..

شوشو < كل البيت يزقرونها شوشو بس اناا احيانا اقولهاا شووقي و منطبااعها انهاا تألف و تخرط و تتخيل واايد :- ترىبابا ماقالي ازقرج ..

: عيل ليش ياايه تخربين رقاادي خووزي قبل لااقووم انتف كشتج ..

شوشو :- لاااااا خلااص بقووم, بس كيييييفج ترى بابااا قاعد يقووول وين تبوون تسافرون و انا ييت اقولج ادرييبج تمووتينع السفر و يمكن بابا ما يقوول بنسير لندن ..

: لااا ابوويه هالسنه بيودينا لندن ..

شوشو :- حموود ما يبي لندن و بعد مااماا ما تبي قوومي يلاا اناا بعدابي لندن ..

: انزيين خوزي بعد شوي بلحقج ..

" قمت خذت لي ثيااب و دخلت الحمام و انتوا بكرامه سبحت و لبست سحيت شعري و نزلت "

: بااباا ابوويه ..

بابا :- هلاا ابوويه ..

: هالسنه وين بنساافر ..

بابا :- بعدناا مب متأكدين ..

: ابوويه الله يخليك ودناا لندن ..

بابا :- يمكن احجز ع لندن لأن كلهم يبوون هناااك ..

: حتى امي و حموود ..

بابا :- هييه ..

: شوشو الدبه قالت ليي كلهم ماا يبوون لندن ..

بابا :- ههه يمكن تبااج تقومين ترااج ما تفزين الاا ع هاطاري ..

: ههه , انزيين بابا ما بنسيير مكاان اليووم ..

بابا : اليووم مشغوول بعد بااجر بنسيير دبي و بنجهز للسفر ..

: متى بنساافر ؟ ..

بابا :- ع الأسبووع اليااي لأن عقب رمضاان و مااشي وقت ..

: هيي زيين .. " سرحت شوي أسأل ابوويه و لاا لااء "

بابا :- شفييج اموونه سرحاانه ..

: ولاا شي ابوويه اناا برووح غرفتي شوي , تبي شي ..

بابا :- لا مابي شي بس ازقري امج و انتي طاالعه ..

: انشالله ..

..
[[ صح ان الباارت قصيير بس البارتاات اليايه بتكوون اطول بواايد .. ابي رايكم و ردوودكم & توقعاات ]] __DEFINE_LIKE_SHARE__

بنت الغب 2 · 01-22-2013, 04:46 PM

[[ 2]]

العصر 5:00 كنت ملاااانه و خاطري أطلع بس ابويه مشغوول, فجييت لابي وحدرت المسن بس كلهم اوف لااين ظهرت و بندته ,, نزلت الصاله محد كاان فيها ,, حدرت غرفة حموود شكله طالع جفت اللاب ع الشبريه ,, يااني فضوول اتعبثفييه كاان حاطه سلييب فجيته و قعدت اتعبث فييه حدرت من حساابه فتويتر جااااانأجووف صور...

" انفتح بااب الحماام " عزكم الله " و كاان حموود" : شتسويين ..

: و لاا شي بس ملاانه و ييت اتعبث باللاب ..

حموود :- و ماا حلاالج غير لابي هااه ..

: لاا بس كنت ملاانه ..

حموود :- انزيين شتسويين ..

: حموود بسألك هذا منوو ؟!!!! ..

حموود :- أ أ .. ربيعي لييش شفييه ..

: حموود أكييد ربيعك ..

حموود :- هيي ربيعي يعني منو بكوون ؟ ..

: انزين انا جفت صوره يوم كاان صغير ويانا فالألبووم ..

حموود :- يمكن مشبهه ..

: ويت ويت ألحيين بييب الصوره " و ركضت غرفتي يبت الصوره و ردييت " خذت نفس ".. هذي الصوره ..

حموود :- أمووون بقوولج شي بس أماانه لا تخبرين حد ..

أنا :- أفاا علييك نصك الثاني أنا ..

حموود " يبتسم بحزن" :- هذا أخوونا ..

" ألف فكره و فكره داااارت فباالي !!! كيف هاا اخونا و يقولونانه توفى !! ليش م حد درى عنه !! ليش امي عصبت يوم رويتهاا الصوره !! ألحيين أخوويه اللي مااعرفه ويين عايش !!!!! "قلت " :- حموود ترمس جد ..!!!!

حموود :- أصلاا انا عرفت صدفه و استغربت ..

: كييف عرفت و منووه اللي خبرك ؟

حموود :- يووم كناا سايرين العمره قبل سنتيين ..

\

كنت حاادر حزتهاا بالمصعد و ركب ويااي وااحد ..

الرياال :- مرحباا اخويه ..

أنا :- مرحباا بك زود ..

الرياال :- انت من الإمارات ..

أنا :- هي نعم .. و انت من وين؟؟

الرياال :- أناا بعد منالإمارات ..

أنا :- و النعم و الله ..

" كثرت الصدف بيناا وصرناا نتلاقى و نسوولف وياا بعض .. صح انه أكبر مني بس حسبته شراات اخوي ,, خذتحساابه و يوم ردينا البلااد ,, .. ,, الفلييل كنت بحدر غرفة ابووي و امييه بس شدتني رمستهم ..ما كاان قصدي اسمعهم بس

\

أبويه :- جفت منصوور ولدي فالعمره ..

اميه :- اشووه !! و ويين جفته ..

ابوويه :- أكثر من مره صادفته بس ماعتقد انه عرفني ..

امييه :- هذاا الولد مااتي منه الاا المصايب .. شدرااك انه ولدك يمكنولد حراام ..

أبويه :- عويش لمي ثمج عن هالرمسه و اناا متأكد أنه ولدي ..

" ردييت غرفتي لأني حيييل مستغرب و منصدم ,, ليكوون منصور هوونفسه اخوويه "

\

:و عقب ما سألت أبوويه ؟؟ ..

حموود:- لاا .. بس مره و اناا رمست منصوور سألته ..

\

حموود :- منصوور انت من أي عاايله ..

منصورر :- عايله ال....

اناا بصدمه و متأكد أنه اخوويه :- انزيين منو ابوك ..

منصوور :- سيف بن سعييد ال....

حموود :- و ألحين ويين أبووك ؟؟

منصوور :- أبوويه مطلق امييه من كاان عمرييه 11 سنه و خذتني ويااها قطربس عقب 3 سنين اميه سوت حاادث و توفت فييه..

حموود :- و انت تمييت برووحك ؟؟

منصوور :- أنت شفييك زاايده أسألتك اليوم ؟ !

حموود :- بس جذه ابي اعرف ..

منصوور :- يدي و يدتي متوفيين و اناا بس عندي خاال واحد و ابد ماا يحبني.. بس كاان عندي ربيعي مواطن و اهله هماللي ربووني ..

\

أنااو دمووعي ع خدي ,, غامضني اخوويه كييف عااش لاا ام و لا ابوو .. صح ان اهل ربيعهتكفلوا به .. بس كييف ابووه حي و ماايدري عنه و لاا شي و اصلاا منو هي اممم منصوور!! و متى خذهاا ابووويه ,, قبل امي ولاا بعدهاا .. لا لا اكييد بعدهاا صوررهموجوده ويانا .. ابوويه ليش طلقها و مااسأل عن ولده ..

أناو صووتي فيه بحه :- أ أنزي.ين هو يدري ان انت اخووه ..

حموود:- لاا ماقتله ..

:يااربييه و الله تشتت ابوويه ليش هب ساائل عن ولده ليييش ..

حموود" فيه الغبنه " :- حتىى لو سألناا ابوويه ما بقوولنا ’’ تحمليي تقوليله..

:لاا ما بقووله .. بس هوو ألحيين وين عايش ..

حموود:- اهو الحين عمره 18 يدرس فلندن هو وربيعه ..

: انت خبرته ان بتسير لندن ..

حموود :- لاا ..

: انزيين حموود الله يخلييك بنسأل ابووي ..

حموود :- قتلج لا يعني لااا .. طلعي الساالفه من باالج خلاص ..

: كيف تطلع من باالي كييف الحيين ابووي ليش مب دااري عن ولده ليش ..

حموود :- لأنه ماايدري انهامه توفت و حتى و لوو هو ألحيين كبير و أكيد مب محتاي لابووي ..

:- انزيين خلااص سكر الساالفه انا برووح غرفتي ..

..

..

..

" عقب يوومين سرناا دبي موول , خمييناا المول بكبره عقبهاارديينا بيتنا اللي فدبي عسبت اليووم الثاني يكون الدرب جرييب للمطار "

فليل :- فالصاله اناا + ابويه + اميه + حموود + شوقيي كانت راقده ..

بابا :- ناقصكم شي ..

امييه :- لاا مزهيين كل شي ..

بابا :- زيين ..

انا :- قووم عمي سالم بيوون ويانا ..

بابا :- لاا عمج ماحصل اجاازه و انشالله بسيروون العمره فرمضاان اواجازة الربيع و نحن بعد بنسير ويااهم ..

: و الله زين السنه اللي طاافت ما سرنا

بابا :- هي ..

.......

:- اناا بسير ارقد ..

حموود :- انا بعد ..

أبويه و امي :- نووم العوافي ..

انا و حموود :- الله يعافيكم " و كل واحد ساار غرفته يرقد " ..

...

اليووم اللي بعده 10:30 الصبح كنت رااقده ..

شوشو " حدرت الغرفه " :- انتي ماا بتروحيين ويانا ..

اناا مسطله بالقوو :- لاا ..

شوشو :- كيييفج نحن بنساافر و بنحووط و انتي ارقدي اهني ..

: ممم ..

شوشو :- ايي قوومي كلهم فالسياره يتريوونج ..

" توني استوعب ,, فزييتمن مكااني اجووف السااعه " :- ياا حيوانه الساعه 12 طياارتنا ..

شوشو :- انزين بابا قال اوعييج ..

انا :- اوكك الحيين بقووم ..

" ظهرت عني و اناا قمت اسبح و اتجهز " ..

.

.

" من صووب ثااني ف لندن "

منصوور :- زيوود اناا بظهر بتي ويااي ..

زايد :- لاا ماقدر انا برقد ..

منصوور :- انت من عرفتك رقااد ف رقااد ..

زاايد :- و انت من عرفتك دووم تتحرطم .. خوز شوي خلني ارقد ..

منصوور " رفسه رفسه من خااطره و شرد "

زاايد :- هررم الاا و يخرب رقاادي بس مردووده و الله ..

..

فدبي ..

طلعت من غرفتي و انا اسحب الشنطه ..

حطييت الشنطه حذاال الدري و سرت لأماايه ..

:- ماما متى بنرووح ..

ماما :- السااعه 11:15

:- :- زيين ..

.

.

صووب منصوور " تمييت احووط فشواارع لندن ماادري ويين ارووح ,,من طلعت من الشقه و انا شي قاابض قلبي احس اليووم بصير شي ,, تذكرت امي اللهيرحمها و ترحمت عليها و دعيت لهاا ,,تذكرت ابووي اللي ماعرفه و لاا عندي صوره له و لاا اعرف اخبااره .. عاايش و لااميت ويينه و ويين داره , خوااني اللي من الأبو وينهم كم عمرهم كيف اشكالهم ,,ردييت الشقه بس ماالي بارض اقعد دااخل ابي اغير جو شوي ,, قعدت فالكرسي الليموجوود فالهاايد باارك و قلبي قابضني حييل ماادري شيااني .. قمت و تمييت امشي وامشي و الثلج الأبيض فكل بققعه ,, مشيت و مشييت ليت ماوصلت للبحيره اللي دووم اقعديمهاا

بس بعد قلبي مقبووض و مارتحت .. مسكت فووني و دقيت ع زيوود ماايرد ..اكيد رااقد ..

..

..

تمييت جيي نص سااعه و انا قااعد .. ,, .. جفت السااعه و قمت عسب اردالشقه ..

.

.

فالمطار , , توناا وصلناا ابووي سار يخلص الإجراءت ..

انا و حموود سرنا اناخذ لنا بينك بيري ..

و عقب ركبنا الطيااره و انطلقنا ..
[[ أترياا ردوودكم & توقعااتكم & تفااعلكم ]]
__DEFINE_LIKE_SHARE__

بنت الغب 2 · 01-22-2013, 04:48 PM

[[ 3]]

.

.

وصلت الشقه ,, فجييت الباب و حدرت ,, سرت غرفه زيوود ما جفت حد أكيدفالحماام , ضهرت من الغرفه ,, قعدت ع الكنبه و يلست اجلب فالقنواات من الملل لااشكلي مب ملاان احسني تعباان و ماعرف شسوي ... بصووت عاالي :- زيووود زاااااااايد..

زايد فالغرفه :- يااي يااي .. " ظهر من الغرفه و قعد حذالي" بلااك محتشر ..

منصوور :- قلبي قابضني احس اني تعباان ..

زايد :- من شووه ..

منصوور :- ماادري , من طلعت من الشقه حاالي انجلب ..

زايد :- مااعليك قم صل الضهر و خلااف بنجووف ..

" قااموا ثنيناتهم يصلوون الضهر "

..

..

العصر5:30 يتوقيت لندن الدولي ,,

كانوا واصلين اهل الإمارات " ركبوا تكسي يوصلهم للفندق "

أماني " وصلناا لندن كنت متكسره من قعده الطيااره , ركبنا تكسييوصلناا للفندق ,, طوول الوقت و انا ادعي ربي اني اجووف منصور اخوي و لو لمحه ,,خذتنا السواالف ابوي و امي انا و حمود و و و و و

:- انتبهههه

.. طــــآآآآآآآآآآآآآآآآآآآآآآآآآآآآآآآآآآخ ......

.

.

.

.

" بعد 7 شهوور و نص , ,كنت تعبااانه حييل و متكسره ماقدر اقووم ... فتحت عيني بشويش و اناا اسمع :- قاامت قاامت سستر سستر ..

" الصووت كاان غريب عليه بس قريب ع قلبي ,, مااعرف منو هذاا ,,ولاا اذكر شي ليش السستر ماسكه ايدي ليش اناا فالمستشفى , , منوو هذا اللي واقفجدامي منو هذا .. شو اللي صاار

.. أأأأأأأأأ امم رااسي مصدع شوي و بينفجر " بتعب " :-أأنــ .. ــا ليـ..ــش هنيي ؟؟

..

:: كنت قااعد ع كرسي حذاالالشبريه ,, من 7 شهور و انا ع هالحاال كل يووم عصر ايي و اجوفها إذا وعت منالغيبووبه و لا لااء

.. ف هذااك اليوم ضهرناا انا و زيوود نتمشى .. عقبهاا سمعنا انعاايله من الإمارات سوت حادث و هم يايين من المطاار ,, عددهم 5 اشخااص ,, رحنااانا و زيوود المستشفى بعد ما وصلناا الخبر مبااشرة

ف هذااك اليووم صدق صدق كنت ضاايج بدون سبب و يوم وصلني الخبر اصرييتاني اروح المستشفى و اجوف منو هم ,, اول ماا دخلنا سألت وااحد من الدكااتره وقاالي انه من ساعه وصلتهم هالعاايله مسويين حاادث و توفوا 4 من العايله و الساايقو البنت يحاولون بنقذوها ..

,, حزنت عليهم حييل لأنهم يايين يتمشوون و بستاانسون ف الإجاازه بسالله كااتب لهم و هذا يومهم ..

تميت يومها ف المستشفى و كاان ويااي زيوود .. فيني فضوول فضيع و ابياعرف اللي توفوا وبعد ابي اقووم بالوااجب و اسااعدهم لو محتاايين شي و ابي اجووفحال البنت

رحت و سألت و قالولي المتوفي سيف بن سعيد ال....... و عاايلته

يتني صدمه فضييييييييعه و الله اني مب مستوعب ان اهلي اللي مااذكرهم, اهلي الي خاطري أجووفهم يتوفوون و اناا .. و اناا ما جفتهم و لاا اعرف اشكاالهم ..

..

ع الفير قاالوا ان البنت اللي هي اختي من لحمي و دمي و ماا اعرفها ..احتماال انهاا تعييش بس هالفتره دخلت فغيبووبه

..

و خلاال هالسبع شهوور و انالزييم المستشفى ..,, من الجاامعه للمستشفىللشقه ..

خلاال هالسبع شهوور و الله اني مااذقت الرااحه .. من الممكن انيياوقف جاامعه بس هذاا اخر كوورس لها السنه و عقب اجاازه استحملت و درست بس لاا ليليليل و لاا نهاري نهاار .. كاان خاطري اجوف اهلي

بصوره غير هالصوره خاطري اجووفهم و اتعرف عليهم و اربى ويااهم حتىلوو ما سألوا عني بس كنت متشفق لشووفةابووي الحقيقي .. اناا ماعرف الضرووف اللي خلت ابوويه يطلق اميي و لاا يسأل عنييه

بس .. مساامحك ياابوويه الله يرحمك و يغمد رووحك الجنه و يصبر بنتكياارب ..

..

اليووم و اناا قااعد فالغرفه على امل انها تقووم لأنه جسمها يستجيبللأدويه و يتحسن .. فتحت عينهاا و حركت رااسها .. يا اني فرحت ف هاللحظه إلاا طرتطرت من الونااسه ..

كاانت تجووفني ف نضراات استغرااب عقب سألتني " انا ليش هنيي " ماستوعبت اللي قالته شعووري لحضتهاا ماينوصف ..,,

رديت ع سؤالها بسؤاال :- انتي زيينه .. بشو تحسيين .. ؟؟ "لااحضت انهاا سرحت و باان عليها الحزن شكلهاا تذكرت الحاادث و عرفت هي لييش اهني..

أمااني " بهستيريه " :- اهليي ويييينهم اناااااااااا ليشاهني ليششششششش وين ابوويه وين امي وييييينهم قووولي وينهم .. " حدرت عليناالسستر و عطتهاا مهدء .. و ردت غفت ..

.. وقتهاا داار فباالي كيف اقوولها ان اهلهاا كلهم توفوا و شوو بصيرو كيف بتكوون ردة فعلهاا ..

.. وقتهاا حسيت بالمسؤووليه تجااه هالبنت اللي رااقده جداامي , حسييتان مالها حد غيري

أهلها اللي فالإمارات وصلهم عدد اللي ماتوا 5 و ويااهم السايق و حتى لو دروا انا عايشه ما بيسألون عنهامدام ان ابوها ما سأل عني .. بس انا احسن منهم و يتحمل من اختي و بحطها ف عيوني ,,محد هامني بهالدنيا غيرها اهي و زاايد ..

..

.. عقب أسبوع ..

ياالس ف مكااني المعتااد ع الكرسي اللي حذال الشبريه بدت أماانيتقووم بس تصييح و ترد ترقد لكن الحمدلله انها قاامت من الغيبووبه و بعد فترهانشالله بتقووم بالسلامه ..

.. بعد شهر ..

ياالس ف مكااني المعتااد بس هالمره حذاالي زيوود هالمره اصر انه يدشوياايه ,, ههه اناا كل مره ما اخلييه يحدر وياايه الغرفه لأني ماابيه يجووف ختيهفهااي الحاله ..

بس الحمدلله ألحين تحسن حالها و أستوا من الممكن انه يحدر وياايالغرفه ..

..

حسيت انه منبهر فيهاا صح اني جمييل و وسييم و جليو و في قمة الروعه<< أمدح نفسي وايد ..

بس صدق صدق لو هي مب اختي باخذهاا ..

قعدت ارسم مستقبلها انها تااخذ زيوود و كيف يتعييش ..

لأنه جد حسييت ان زيوود انعجب فيهاا ..

منصوور ألوح ف ايدي جداام ويهه :- حووه بلااك عن تااكل اختي بعيوونكالزاايغه ..

زيوود :- لاا تخااف ما باكلها بس نصوور احسها تشبهك واايد ..

منصور :- ترااها ختيه اكييد تاخذ مني ..

Ø احم بوصف لكم منصوور : عليه بياض و لهغمازات محفوره خشمه سييف شعره اسود شراتامون و نااعم ليت تحت اذنه .. عليه جسم شباابي له عضلاات بس مب شراات هاييل يعنيجسمه طررررررر عيوونه سووود ..

Ø زيوود :- جسمه تقريبا شراات منصور < عفكره يقربوون لبعض لأن يدت منصوور ام امه مواطنه و اغلب العاايله ماخذين من الإمارات .. عليهسماار بدو طرررر عيوونه عسليه غاامجه شرات لون شعره النااعم اللي ليت رقبته

..

أنتظر تفااعلكم & ردوودكم & رايكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحزن يآخذ من حيـآتي كلهــآ	محروم.كوم	منتدى أخبار المواقع والمنتديات العربية والأجنبية	0	01-01-2012 06:30 PM
روايه شفت الحبيبه جريئه مرهـ	اميرة بكلمتي	قصص و روايات	2	10-22-2011 03:36 PM
Mms إذا قلبك يبي قربي حيـآتي كلهـا تبغ ـآك‏	محروم.كوم	منتدى أخبار المواقع والمنتديات العربية والأجنبية	0	05-26-2010 03:30 PM
Mms إذا قلبك يبي قربي حيـآتي كلهـا تبغ ـآك‏	محروم.كوم	منتدى أخبار المواقع والمنتديات العربية والأجنبية	0	05-26-2010 03:20 PM
: لـآغلــى انسآنهـ فــي حيـآتي .. : // كل عآم وانتي يخيــر // !	Ḹḭḵḙ Ṃẽ	التبريكات والمناسبات	7	04-14-2009 09:17 PM