أبو عاصم والثعابيين لو أرفع كيس ألقا تحته ثعبان..( قصص حقيقة )

محروم.كوم · #1 12-28-2012, 03:10 PM

بسم الله الرحمن الرحيم

بسوق لكم بعض اليوميات لي مع الديبان الله يكفينا وياكم شرها
بحكم إني عشت في مزارع وأهل المزارع متعودين على الديبان واصارت عندهم مثل الحبال من كثرها...
المهم مرة من المرات كنت عند عشش الحمام والارانب منذ مبطي واشيل هاك الخيشة من الأرض إلا وتحتها حية رقطا متلوية وش متنها ومن المفاجأة ما دريت وش أسوي وأقوم مباشرة وأرجع الخيشة مكانها على الحية والحية ولكن شي حصل..وأقوم أجمع من الحصى الي يملى الكف ويزيد ..قلت أبشيل الخيشة مباشرة ثم أبمطرها بالحصى إلين تنفرم(شغل متكتك) المهم يوم شلتها وأنا أنفذ الخطة ومحلها الله لا يوريك ما تشوفة مغير حصا مرجود واتشوف للحية لا أثر ولا قطرة دم أثرها وأنا أرجمها زرقت تحت خشب مرجود على بعضه (أثل ) وهاك يالتنخيس وسط الخشب إلين شفتها واتضحت لي ، لكن صعب الوصول لها وصعب أتركها،،قلت نوقع هدنة وقتية إلين نشوف حل،،وبعد شوي تفكير . قلت ما بدهاش شوي ديزل من حق المكينة وعود كبريت ينهي الموضوع كله وبأقل الخسائر والمخاطر وأنا اللي أعبي سطل ديزل وأرشه حولها دار ما دار زنقه زنقه ..وأولعا بعد اسم الله وشوي دقايق ما تسمع إلا فرقعة الحية ، يوم دريت إن الوضع خلاص تحت السيطرة ، فتم بعدها إنهاء حالة الطوارئ وإلغاء الأحكام العرفية..بس هالضيان جابت كل اللي بالمزرعة وش فيه ؟؟ وراك تشب بالخشب؟؟ قلت ما بدهاش هذا به عدو متحصن به ..

وعلى فكرة أمس ذابح أربع عقارب رفعت حصاة من الأرض طلعت عقرب وأرفع ثانية وتطلع ثنتين وأرفع ثالثة وتطلع وحدة وتم الإجهاز عليهن بعد ذكر الله

مواضيع قادمة في نفس السياق بإذن الله
السالفة الثانية داب جالس جنبي يتشمس..
والسالفة الثالثة الديبان تطلب الثأر وتطب على من فوق راسي بس الله الي فكنا.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وين ألقا بطاريات الدربيل الليلي	محروم.كوم	منتدى أخبار المواقع والمنتديات العربية والأجنبية	0	02-04-2012 07:00 PM
وين ألقا شوار (نخاله)	محروم.كوم	منتدى أخبار المواقع والمنتديات العربية والأجنبية	0	11-15-2011 06:00 PM
صناعة جلد ثعبان _معروض للبيع عد جلد ثعبان كبري إفريقي_صناعة جلد تعبان تصنيع جلد ثعبان	محروم.كوم	منتدى أخبار المواقع والمنتديات العربية والأجنبية	0	10-18-2011 12:10 PM
[YouTube] شرح مصور لرفع الفيديو الى اليوتيوب بأكثر من 15 دقيقة حصري لـ ترايدنت	محروم.كوم	منتدى أخبار المواقع والمنتديات العربية والأجنبية	0	09-27-2011 08:00 AM
أتلصص حضورك...و.....دمت ألقا لا يغيب.	محروم.كوم	منتدى أخبار المواقع والمنتديات العربية والأجنبية	0	02-22-2010 12:10 AM