سالفة:معلم الأزمان..قوافي

محروم.كوم · #1 12-15-2012, 02:40 AM

مشرفينا ،أخواني ،أخواتي ،زوار مكشاتي
السلام عليكم ورحمة الله وبركاته

@ألسنـــــــــــــــــــــاري@

قُـــــــــــم لِـــلــمُــعَــلِّــمِ وَفِّـــــــــــهِ الــتَــبــجــيــلا..
كــــــــادَ الــمُــعَــلِّــمُ أَن يَــــكــــونَ رَسُـــــــولا

السناري أو الاستاذ السناري معلم فاضل ،وأقل ما يقال عنه معلم الأزمان ،أستاذ كانت له مكانه كبيره كمعلم لكل المستويات الدراسيه من الاول للصف السادس ،،ولجميع الطبقات من ابناء مملكتنا وبالتحديد المنطقه الوسطى..وهذا الكلام من حوالي 69 سنه ويمكن 70..
الغريب انه كان يجمع الطلبه بفصل واحد ،، هذا صف اول وهذا الثاني إلى السادس جميعهم بمكان واحد وكانت عنده القدره على تسميع الدروس او جداول الضرب وكلن حسب مرحلته فيصف اثنان أو ثلاثه ويصغي لهم ويعدل الغلط ويكمل لمن وقف وشهادة الطلبه اللتي يعتمدها تعتمد،،وكان يدرس تلاميذه بطول السنه والعطله يوم الجمعه فقط ومن كان عنده عذر كسفر او طلعت بر اوقنص مع الوالد يكتفي بأعادة مافاته له ،،وإذا شاف ان الطالب ممتاز كتب بدفتره ينقل للصف الثاني او الثالث حسب مستوى الطالب،،كانت له بصمه واضحه يعرفها كل من تعلم وتتلمذ على يديه ..
سمعت من أحد كبارنا سالفه صارت له وهو صغير مع السناري رحمه الله وأسكنه فسيح جناته..
يقول انه كان يدرس بمدرسه اسمها ،،الأهليه ..
درس فيها سنه كامله وما عرف ولا حرف والارقام على قولته يسمع عنها ما شافها..
فقام ابوه ونقله عند السناري وقبله كطالب عنده وقال :خله يجي بكره يبدى الدراسه معنا..
جا بكره وسئله السناري انت بأي سنه ؟؟
قال:بثاني..

قال السناري طيب سمع ...وطلب من الولد يسمع شي المفروض انه عارفه :c
وصف مع اثنين يسمعون وقعد يحاول انه يسمع او يقول شي مفيد لكن ما حولك احد ،،وانتبه له الاستاذ :l
(من يحط ولده عند السناري يتخذ قاعدة لك اللحم ولنا العظم بس يتعلم صح)
قم السناري وبالخيزرانه لين خلاه يقطع الانفاس وقاله رح لبيتكم وتعال بكره وجب معك دفترين..
ويوم جا من بكره قعد الاستاذمع الولد وقال انت بتدرس؟؟قال الولد ايه ابي ادرس..
سأله طيب وراك تقول بثاني وتكذب علي وانا بصير استاذك وبعلمك تقراء وتكتب ؟؟
السناري بكل ماأوتي من قوه بأذن رب العالمين أوتي رحمه وعطف باللي بين أيديه من الطلاب صغار وكبار..
ولين السناري محظر كيس مليان حلاو وعطاه للولد وقاله
الحين رح وكل الحلاو والعب وبكره تجي وتبدى الدراسه معنا..
ودرس عنده المرحله الابتدائيه كلها وكان من الطلبه الممتازين والمميزين..
الغريب ان السناري درسهم مسائل حسابيه الان هي من ضمن مناهج الرياضيات الحديثه،، واللغه العربيه درسهم الاعراب و مازالت وإلى الان المناهج تعجز عن الوصول لرقي مستواه التعليمي ..
رحمه الله واسكنه فسيح جناته
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:مسح السبوره..قوافي	محروم.كوم	منتدى أخبار المواقع والمنتديات العربية والأجنبية	0	02-29-2012 11:40 PM
سالفة:عرس حي العطايف..قوافي	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM