السلام عليكم ورحمه الله وبركاته
حبيت اخبركم قصتي مع الفتاه اللي احببتها
من كل قلبي ولكن للأسف...؟؟!!
الصراحه انا انسان أعرف معنى الحب
ولكن مايا على بالي اني احب
وليش احب واعور راسي عندي ربيع
اصغر مني يحب وحده وكل يوم اييني ويشكي هموومه عندي
عسب جذي قلت مايخصني في الحب ببتعد عنه اعور راسي اشحقه
انا دوووم كل خميس والجمعه اطلع مع ربعي اسسير السناتر واماكن
وااايده مااخلي مكان ومااسيره يعني في بنات وها لاكن انا والله
بعيييييييييد عن هالسوالف مايخصني في البنات
في احدى الايام سرت مركز صحارى الكل يعرفه
كنت اتمشى مع ربعي وشوي وقفنا شفنا ربعنا وقفنا انسلم عليهم
وشوي ربيعي يقوووووول شوووف وحده اتشوووفك انا صديت وفعلا اتشووفني
ابتسمت لي وانا نزلت راااسي من الفشله لأن مايخصني في هالسوالف
المهم يوم نزلت راسي ربيعي ضربني قالي تبتسم لك وانت مسولها طاااف
اتخيلوووا نحن سرنا نتمشى وشوي اشوفها تلحقنا هي مع ربيعتها
في هالزمن الحين صاروا البنات يلحقون الشباب ماادري ليش..؟؟
المهم نحن نتمشى كنا 4 وشوي ربيعي اللي اقرب مني قال حمود يمكن
تبغيك قلتله انا مب مال هالسوااالف قالي انزين انت سيرلها وشوف شو تبي
قلتله والله اني مااسير مايخصني المهم وشوي وقفنا عسب نطلب من
احدى المطاعم الموجووده هناك وقلت حق ربيعي اللي قريب مني
وااايد رووح انت واطلب راح وطلب والبنيه اللي كانت تلحقنا
قعدت وراي وانا ماكنت اعرف انها وراي وانا يالس اكلم ربعي وشوي
يقووولي ربيعي حمود شوف ورى قلتله شوفي قالي شوووف بصوت خفيف طبعا
يوم صديت وراي ولا اشوفها قاعده قلت بصوت عالي هاي شوتبا بالضبط
ربيعي رفسني من تحت الطاوله قالي انت غبي هي تباك قلتله ياخي انا ماابي
المهم اتعشينا وكل شي خلاص الحين بنطلع شوي وتزقرني بطلت عيوووني
قلت خيييييبه قوه ويه مارحتلها وشوي زقرت ربيعي المهم ربيعي راااح لها
وماادري شو قالتله حزتها المهم وصل عندي يضحك قلتله اشفيك جان يقووولي
طلبت رقمك وانا عطيتها وانا عصبت قلتله ليش عطيتها قالي حراام تبغيك
المهم قلتله مابرد عليها وهالربيييييع من اعز ربعي قالي اذا مارديت عليها لاتكلمني وماراح اييك ولا راح ارد على مكالماتك المهم قلتله خلاص برد المهم
من حطيت ريلي في السياره ولا تلفووني رن المهم ربيعي قال رد يمكن هي قلتله عقب قالي لا الحين المهم رديت ولا صوت وحده بس مش اي صووت
صوتها طر يخلي الواحد غصبا عنه ايكلمها المهم قالت لي منو قلتلها انتي
منو انتي اللي متصله قالت انت توك كنت في صحارى قلتلها هيه انا
قالت انا فلانه اللي واللي واللي قلتلها خير تلاحقيني وتبغين رقمي
بغيتي شي قالت والله اذكركل كلمه قالتها قالت خييبه كلتني شوي شوي علي
انا مركب سمااعه وربيعي يسمع المهم شوي وقرصني ربيعي يقولي كلمها عدل
المهم كلمتها عدل سألتني شو اسمك ومن وين وكم عمرك جني بقدم على وظيفه
المهم قالتلي بترد البيت اتصل فيني قلتلها خير انشا الله وسكرت ربيعي قال
لاتفوتها والبنيه والله ماشاء الله عليها جماال ربااني صح بس مايهمني اصلا
لا الشكل ولا شي وماكنت افكر اني اكلم بنات حزتها بس العووق في اعز الناس اللي امااشيه المهم رديت البيت وربيعي يعني عادي مرات يبات بيتنا عاادي
المهم هو نزل معاي البيت اتصل لأهله وقاللهم انه بيبات في بيتنا
امه ربيعه امي المهم يا بيتنا بس عسب اني مااطنش البنت المهم قعد على راسي
قالي يالله اتصل فيها قلتله اصبر خلني اتنفس اف قالي اوكيه يالله اتنفس وشوي قلتله قم بنلعب سوني قالي اتصل اول وجان احلف قلتله ماراح اتصل الين ماالعب سوني المهم لعبنا في نص اللعب اتصلت قلت خيبه اتخيبها مالقت الا تتصل الحين
ورديت قالت قالت خيبه للحين ماوصلت قلتلها لا واصل من زمان قالت وليش مااتصلت قلتلها قاعد العب سألتني شو تلعب قلتلها سوني قالت اوكيه شو تلعب يعني قلتلها قدم قالت وع هاللي ماادانيه وقلتلها من دون نفس والله محد قالج انج ادانينه وربيعي يسمع من السمااعه المهم تمت ترمس وترمس وترمس مرت الايام وانا الصرااحه حبيت اني اتصل فيها لأنها الصرااحه جذبتني اول شي بأسلوبها وبطريقه كلامها والله انها يوم ترمس اتخلي الواحد غصبا عن شكله يحترمها اسلووبها راقي وااايد مع الايام تقريبا كملت معاها شهرين
المهم سرت لربيعي قلتله حمود اسمه بعد حمود قلتله ابي اقولك شي وماابيك تضحك قالي قوول قلتله احب جان يقوول شوووو...!! بأستغراب
قلتله احب قالي منو قلتله فلااانه قالي تتمصخر قلتله لا والله جد جان يقولي انزين
واحلين قلتله ابي اصارحها قالي صارحها قلتله مااقدر قالي ليش قلتله مااعرف
المهم قلتله انت قوللها قالي مايخصني قلت خلاص بحاول اني اقولها
جان يقووول لاتحاول يالله الحين اتصل وقوللها قلتله لا يابوي مب الحين عقب
قلتله بعدين المهم خذ امبايلي واتصل فيها وعطاني الموبايل المهم سلمت عليها وجذي وكنت متردد اني اقوللها وشوي قاللت لي حمود ابي اصارحك في شي
قلتلها قولي قالت لي بس ماابيك تزعل لأن يوم كلمتها انا في البدايه قلتله
اصدقا لا اكثر ولا اقل المهم قالتي حمود الصراحه انا حبيتك من اول يوم شفتك فيه بس ماقلتلك لانك قلت بس صداااقه وانا قلتلها اتصدقين انا كنت بصارحج اليووم قالت والله استانست وانا واايد كنت مستانس المهم مرت الايام وكنا متوعدين اذا انا طلعت اخبرها واذا هي طلعت اتخبرني وانا لدرجه اني كنت احبها
كنت اغار عليها من الطلعات المهم كنت اتواعد معاها في السناتر اسير اشوفها
وتبادلنا الصور خذت صوري وعطتني صورها المهم تقريبا كل خميس والجمعه كنت اشوفها بس الخميس والجمعه المهم مر سنه وكنا وااايد مع بعض المهم يت فتره قلتلها بطلع قالتي وين بتسير قلتلها الموول قالت لا الموول ماتسير
قلتلها ليش قالت بس الموول وايد بنات قلتلها انا اشعليه من البنات قالت ماتسير يعني ماتسير وانا استغربت قلت اكيد في شي المهم انا قلتلها خلاص مب ساير المول وهي صدقت وانا اصلا بروووح لأن كل ربعي هناك المهم سرت مع الدريول انا وربيعي المهم شوي واتصلت قالت ها انت وين قلتلها رايح الستي
قلتلها انتي وين بتطلعين قالت اليوم انا مابطلع عنا ملجه قلتلها احسن بعد المهم سكرت عني وانا رحت الموول وتميت اتمشى مع ربعي جان حمود ربيعي يقوول حموود هاي مب جنه فلاانه قلتله وين ماكنت اشوفها قال هناك شفتها والصدمه انها هيه انصدمت صدمه كبيره ولا بعد شفتها واااقفه مع واااحد تميت اشووف ربيعي حمود بكل صدمه وكل اندهاااش المهم مامسكت عمري سررت لها وشافتني ويها اتغير قلتلها ها انتي في الملجه تمت ساااكته والولد اللي وااقف معااها شوي وساار قاللها بتصل فيج انا الود ودي اني اذبحها يعني اتخيلوا والله سنه وحبيتها من خاطري ماخليت لا فلانتاين ولا عيد ميلاد ماسويتلها وعززتها واحترمتها وطلعت وحده لعاااااابه المهم قلتلها تف عليج وعلى البنات
اللي مثلج طلعت وانا مووول مصدوووم المهم رديت البيت مع ربعي وانا خلاااااااص يعني صدمه اني خلاص راح افقد شي من جسمي بعد الحب كله وبعد العشره اتخوووووووون المهم تمت تتصل فيه وماكنت ارد عليها حرقت امبايلي حرااااق خذت كل صووورها وكل اغرااضها رحت لبااب بيتهم قلتلها اطلعي ايبيصوووري قالت انت وين قلتلها عند باب بيتكم قلتلا اذا ماطلعتي الحين بي وبدق الرس وبعطي صورج لأهلج قالت لا بطلع المهم طلعت يابت صور وانا عطيتها صورها وقلتلها اذا اتصلتي مره ثاااانيه راااح اخبر عليج اهلج
المهم تمت تتصل في ربيعي ربيعي قاللها خلاص ماراح يكلمج لاتحاولين
لانج ماسويتي شي صغير سويتي شي كبير المهم مع الاياام نسيتها واتخيلواا لحد الحييييييييين ندمااانه قد شعر رااااسها واطرشلي مسجات للحين
طبعا مسجات ندم ووانا طاااااااف انا سواء واحد او وحده اذا يطيحون من عيني خلاااااص لايفكرووون
وهاااااااي هي القصه
ونصيييييحه من اخ الى اخ
او من اخ الى اخت انكم ماتصدقوووون اي شي اذا واحد او وحده
قالت لكم والله انا احبك لان تحت السواهي دوااهي مثل مايقولون
نصيحه من اخوكم تعرفون متى اتحبون الحب بعد الزواااج راحه وامانوالسمووحه عالاطاله
من
خدمة المسجات..ارسل رقم 8
على 2962
لتصلك مسجات خاصه
بشهر رمضان الكريم
وللمزيد من المسجات
قصه حب ولد الاوغاني
