قصة ريم وغالية أصدقاء منذ طفولة شوافوا نهايته رووعه لاتفوتكم

أمورة الامارات · #1 05-10-2009, 11:26 PM

قصة غالية وريم شوفوااا نهايته وااايد حلوه روعه لاتفوتكم ((ملاحظة: قصة يديد عام2009وهي القصة حدثت في منطقة الشرقية))

عايلة محمد الضاحي(أبوعمار)

هندعمرهااااا 29 مطلقة عندها ولدين اسمهم جاسم وعمر وبنت اسمها أسما
عمارعمره 28و متزوج
خولة عمرها27 متزوجة
فاطمة عمرها 26متزوجة
عالية عمرها 25 يلقبونها بالسمره
علي عمره24
شيخة عمرها 22 راعية مشاكل
قمرعمرها20وهي إنسانة هادية
راية عمرها 18 راعية سوالف وغشمرة
وبطلة القصة ريم عمرها17 شخصية ريم بنت حلوة سمره عيونهااا واسعة حواجبها كثيفة مقروونه (متماسكين بعض)
رموشهااا كثيفة و خشمهااا صغير ونحيل شفايفهااا وردية محدده هي طويلة ورشيقة و جسمهااا مرن بشوشه دايما مبتسمة محلنها غمازه, شعرهاا بني طويل وكثيف وحرير وش حلاته.

عائلة محمد المنصوري
أمل عمرها23متزوجة عندها بنوتين سارة ومهرة وولدعلي
أحمد عمره 22يشتغل بالشرطة
سلوى عمرها 22 هي بعمر وليد بس من أم ثانية
أميرة عمرها21
سعيدعمره20
خالدعمره 19
وبطلة القصة غالية عمرها 18 شخصية غالية حلوة بيضه حواجبها وش حلاتها لايجه ع ويهاا عيونها مشدوده شبه( صيني) خشمهاا طويلة كالسيف شفيفهااا صغيره وردية طويلة ورشيقة جسمهااا حلو وااايد روعه لها غمازات ,شعرهاا أسود مدرج طوله نص ظهرها.
طلال عمره 17
شوق عمرها 16
فيصل عمره15
روية عمرها 14
عمارعمره13
سلطان عمره 12
عيسى عمره11
علي عمره سنتين
سيف بعده ماولد ماشاءالله،الله يخليهم لبعض آميييييييييييييييييين.

بسم الله الرحمن الرحيم

السلام عليكم ورحمة الله بركاته
بداية قصة صديقيتن حبوبات ويحبون سوالف غشمره يتمصخرون عن الناس بس باحترام, غالية أكبر عن ريم بسنة وحده بسب دخولهاااا المدرسة متأخره عسب جيه هي اكبر عنها بسنة سبحان الله صارووا أصدقاء عااادي كل يوم ع حاله دايما في بريكات فالمدرسة دايما وي بعض ما يفترقون ابدا لين صارووووا اصدقاء قوى مثابة خوات بالله
كل وحده تخاف ع ثانية من أي ضرر سبحان الله مرة أيام هاذيل بنتين خلواا أهلهم يتعلقون
في بعض لين صارووا عايلتين مثل خوات من كان أولادهم ولا بناتهم خلاص حبوا بعض
سنة وراه سنة لين وصلوا ثانوية بعدنهم ما ملواا من بعض صارووا شرات الخوات .

أول يوم في المدرسة:
أم غلوي وغلوي وأميرة مرن ع وريمو ورايو عسب بيسيرون المدرسة
بداية دراسة فصل الاول، أول يوم بالمدرسة غلوي وريمو متكشخات ومتعدلات عسب بيشوفون الربع وكل وحده منهن يتنافسون بلبسهن وكشختهن لوشفتوهن بتقولون متخرجات من الجامعة مصدقين عمارهن ،ووصلوا المدرسة وغلوي باست أمها ع الراس
غالية:يلا أمايه مع السلامه
أم أحمد:يحفظكن الله وعن المشاكل
الكل:إن شاءالله
ودخلن المدرسة والكل يطالعهن بنص عين وأميرة ورايو راحن الكلاس وأما ريمو الخبله ورفيجتها غلوي راحن الكلاس
غالية وريم :السلام عليكم
الكل:وعليكم السلام والرحمة
سهيلة رفيجتهن :شو هالكشخه والحلا
غالية:معلوم بنت المنصوري
ريم:هههههههههههه دمج خفيف غاليو
غالية:شو رايج ثجيل
سهيله |:|عن الهذره الزايده
غالية:سكتن خس الله بليسكن الأبله وصلت
الأبله:السلام عليكم ورحمة الله وبركاته
الكل:وعليكم السلام ورحمة الله وبركاته
ريمو:شحالج أبله
الأبله:الحمدلله يسرج الحال
غلوي:أبله شو هالكشخه لبسج دلع
الأبله:تسلمين
ريمو وسهيله:هههههه تتمصخرين ع الأبله
غالية:لاوالله ليش أتمصخر عليها كلها حلا
ريمو:غلوي فديت خشمج
غلوي:ههههه تسلمين لي
وخلصت الحصة الأولى وبدت الحصة الثانية وريمو وغلوي شردن من الحصة هب متفيجين طلعن حجه بيسيرن للمعلمة الإنجليزي طبعاً المعلمة سمحت لهن يروحن ماصدقن عمارهن وشوي يشوفن بساحة المدرسة معلمة تتمخطر بمشيتها وماقولكم إلا ونكسر كعبها وريمو وغلوي خلاص ميتين من الضحك والمعلمة شوي وبتقوم لهن تكفخهن بس ماتقدر تقوم من مكانها وصرخت فيهن ،ريمو من طبعها لازم تاخذ حقها ولو منو مايكون ويوم صرخت فيهن المعلمة ريمو عصبت وهدتها غلوي ،وعقب سارن للمعلمة
غالية: سمحيلنا هب قصدنا نضحك عليج بس الموقف كان يضحك
المعلمة:ولو أنا أكبر عنكن لازم تحترموني
ريمو:قلنا آسفين
المعلمة:لسانج هذا بقصه فاهمه
غالية:يلا ريم نروح الكلاس
ريم:مشينا

الحصة الثالثة

معلمة الإسلامية دخلت الكلاس وسلمت بس في بنات كانن متأخرات شلة غالية عبيد هب غالية محمد رفيجة ريم

المعلمة:وين البنات
سارة:يتمشن
المعلمة : سيري ناديهن
ودخلن البنات قبل ما تطلع سارة
المعلمة:سارة استريحي مكانج،وين كنتن
غالية عبيد:عند معلمه تاريخ
المعلمة: هذا من بداية الفصل جيه عيل كيف نهايته
قولن أساميكن عسب انقسكن
موزة ناصر
لميه سيف
عذاري عيسى
غالية محمد
غالية رفيجه ريم:لاأبله أنا غالية محمد هي غالية عبيد،لاتكذبين مرة ثانية
المعلمة : بنقسج 5 درجات ع كذبج
غالية بسوط واطي :ريمو يالخايسه يالمعفنه ليش هاديه ماحيدج جيه
ريم :غلوي سكتي عني هب متفيجه
غلوي:يالكريهة محد يسولف وياج

خلصت الحصة الثالثة بدأ بريك يلا يلا استوى لعب غلوي وريمو ملسونات شافوا وحده مطلعه شعرها جدام (خصلات)
ريمو : غلوي شوفوا شعر هوش
غالية:لاأقول شعر بقر
ريمو:شورايج نسابر بنات حلوات كشخات مثلنا نلعب عليهن
غالية: عنبو صبري شوي اليوم أول يوم بالمدرسة
ريم: صدج والله عذريني ماأقدر أشوف بنات حلوات ما سابرهن لازم خيتي شوي نلعب الدنيا حلوه ,يوم علينا ويوم عليهن
غالية: خس الله بليسج ياريم يالدبه
ريم : عيل شحسبالج بنت الضاحي
غالية: هيه والله صدج قالوا بنت الضاحي نسره مثل خواتها
ريم :لزمي حدودج يابنت المنصوري
غالية: ماقلنا شي اتمصخر وياج ماشي شغله من اهذر وااايد
ريم: انابعد اتمصخر عليج بس ابغيج تعصبي (آسفة حقج علي) تتكلم بضحك
غالية:ههههه انا واااايد يوعانه نروح نشتري كروسونات وبارد عشان يبرد على قلبي
ريمو: صدج كلامج
غالية :مشينا

خلص البريك بدا حصص الرابعه والخامسه والسادسه والسابعه
يا دور البنات يروحون بيوتهن .

بيت ريم

ريم: السلام عليكم ورحمة الله وبركاته
أم عمار : وعليكم السلام ورحمة الله وبركاته
ريم باست أمها ع راس أما رايو سوت لأمها طاف لأنها مامتعودة تبوس أمها يعني تستحي
راية: هلاأمي
أم عمار:أهلين بنتي وين بوسة أمج ع راسه
راية تقربت حذال أمها عطتهاا بوسه ع راس: هذه بوسه أحلى أم بالدنيا
أم عمار : حبيتج العافية يابنتي
ريم: الله لايحرمني منج
أم عمار: سيرن بدلن ملابسكن لانه بعد خمس دقايق الغدى زاهب
ريم وراية: أنشاء الله أمايه

بيت غلوي

غلوي وأميرة :السلام عليكم ورحمة الله بركاته
ام أحمد: وعليكم السلام ورحمة
غلوي وأميرة: تقربوا من أمهم عسب يعطوهاا بوسة فوق راسهااا
أم أحمد: فديت بناتي وش حلاتكن
غلوي : يلا امايه استأذن بروح غرفتي
ام أحمد : حفظج الله
أميرة: أنا بعد بخليج الحين يامايه
أم أحمد: ربي يحفظج ويحفظ أمة محمد من كل الشر
يلا حبايبي خلصوا بسرعة لانه الغدى زاهب يالعيال , غلوي حبيبتي اتصلي حق أخوج عسب نتغدى ويا بعض
غالية: حاضرين للطيبين
اتصلت حق أخوهاا

غالية: هلاوالله
أحمد: أهلين
غالية: جيف حالك
أحمد: تمام غلوي بغيتي شي لأني أنا مع ربعي
غالية: عنبوه ما قلت شئ
أحمد: خلصني شو طلباتج
غالية: هالمره مب طلباتي , طلبات العيوز يلي حذالي
احمد: أسئلي الوالده شو بغت
غالية: امك ماتبي منك شئ بس تباك تتغدى معانا
أحمد: الحين فالمطعم وي الربع ماأقدر خليهم
غالية: براحتك
احمد: أنشاءالله مرة ثانية , وعطي العيوز بوسه قوليلهااا من حماده ولدج
غالية: أنت اطلب وأنا أنفذ
أحمد: ألحين جلبي ويهج أوكي
غالية : أوكي لاني أنا بعد مب فاضية بروح اتغدي وبعدين بروح بيت ريموو بنجلد كتب المدرسة.
أحمد:غلوي عن هذره الزايده يلا باااااي
غلوي :بااااي

بيت ريمو
ريم وراية وأم عمار خلصوا الغدى قاموا راية وريمو يساعدون شغالتهن عسب يشلون الغدى
ريم تنادي الشغالة( بونه)ريم:بونه أنا الحين بسير أنام قوميني ع العصر أوكي
بونه:ليش
ريم:هب شغلج
بونه:آيم سوري
ريم :هيه جذي أبغيج فاهمه
سارت ريم ترقد

العصرالساعة4:39
راحت غالية بيت ريم شافت
عالية:هلاغلوي
غالية:أهلين
عالية:شوعندج يايه
غالية:ليش مب عايبنج ايي بيتكم
عالية:هههه ماقلنه شي اتغشمر
غالية: خلصيني وين ريمو
عالية:حبه حبه شوي شوي بلاج مستويه عصبيه
غالية:متوترة شوي
عالية:ريمو داخل سيري لها
غالية واقفة حذال باب غرفة ريمو تسمعها تردد: (بلا حب بلا وجع قلب)
دخلت غالية وش جانا من ورى هالحب )
ريمو وغلويغير الألم غير التعب وش جانا)
غلوي:بلاج ريمو تحبين شو
ريمو:ها شو لالالا شو يخصني بهالسوالف
غلوي:ريمو جذبي ع غيري هب علي طابختنج أنا
ريم :حرام عليج
غلوي:أنتي نسره مثل اهلج
ريمو:لوسمحتي هب شغلج بأهلي
غلوي: عنبو كانا عندنا اهل مابس انتي
ريمو:شورايج تبي كف محترم ولا كف صايع مثلج
غلوي:عن الهذره الزايدة وخلينا نبدي
ريم:اوكي يالعيوز
غلوي: احترمي نفسج يالسباله

وعقب خلصن من تجليد الكتب مر أحمد ع غلوي عسب بيسيرون بيت عمتهم عسب ولد عمتهم ياه مولود يديد سموه ع اسم يده يعني ريل عموتهم ،وصلوا بيت عمتهم وغالية الخقاقه تتمخطر بمشيتها وتمشي ع حبة ونص متكشخه آخر كشخه عسب شو ماندري بس عقب بتعرفون وغلوي أكبر نسره .

بيت ريم

ريم دخلت غرفتها تسدحت ع شبريتها وأفكارها متشتته
ريم:اتصل ولامااتصل(يارب عطني الجرأه )
شوي قامت ريم من الشبريه راحت صوب التسريحه عسب تتصل لغلوي
اتصلت ريم لغلوي
غالية:هلاوالله
ريم)بكل هدوء):أهلين
غالية:هب شابعه مني من شوي طالعه من بيتكم
ريم:غلاتي أبغيج بسالفه ضرورية
غالية:عسى خير بلاج خيتو
ريم :خيربويهج بس ماينفع بالفون

ترقبوا آخر الأحداث يلي بتستوي:تتوقعون شو سر كشخة غلوي وريمو شو سالفتها __DEFINE_LIKE_SHARE__

أمورة الامارات · 05-13-2009, 05:56 PM

##حرااام عليكم مــــــحد قرأ قصتي محد سو حقي سالفه

##مع تحياتي : أمورة الامارات

##ملاحظة: قصة صارت مع وحده من أهل __DEFINE_LIKE_SHARE__

♕ وليد الجسمي ♕ · 06-13-2009, 09:06 PM

وعليكم السلام ورحمة الله وبركاته

تسلمين أختي ع القصه

ربي يعطيك العافيه

و بانتظار يديدك __DEFINE_LIKE_SHARE__

ملك من دون مملك · 06-14-2009, 09:22 AM

السلام عليكم ورحمة الله وبركاته:
تسلمين اختي
على القصة الحلوة

ونترية اليديد __DEFINE_LIKE_SHARE__

خوخة العمر · 06-15-2009, 02:56 AM

مرحباااا مليوووووون
والله والله قصتج روعه .. كمليهااا ابي اعرف النهايه

وتسلمين حبوبه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[نقاش] أيهما أفضل أصدقاء الإنترنت أم أصدقاء الواقع ؟	محروم.كوم	منتدى أخبار المواقع والمنتديات العربية والأجنبية	0	04-30-2009 12:50 PM
مفارش للسرير اكثر من رووعه .. لاتفوتكم .. ~	♕ وليد الجسمي ♕	اثاث و ديكور المنازل والمطابخ والصالات	8	03-26-2009 04:40 PM
أيهما أفضل أصدقاء الانترنت أم أصدقاء الواقع	» βỊη άℓ đόόŁα «	المواضيع المكرره	3	01-17-2009 07:04 PM
جديد الفنانين والموهووبين رووعه x رووعه	ولد الاوغاني	نغمــات للهــواتف	56	08-19-2008 04:08 PM
صنااديل رووعه ادخلووو لابفوتكم	ام مهند123	الأناقة والجمال والموضه والطفل	2	03-04-2008 05:18 PM