السلام عليكم ورحمة الله وبركاته

صبحكم الله بالخير والبركه ان شاء الله

يوم الاثنين الي مضى قلت ابمر سوق السمك الساعه 6 الصباح ابدخل الحراج

طبعا الحراج كان ممتع بشكل كبير السمك واجد واذا سئلنا المحلات ليه غالي يقول مافي سمك





والربيان كميات كبيره فيه الجامبوو العجيب الغريب الي اول مره اشوفه





الجامبو هذا الكيلو ب 150 ريال وانباع على طول مشاء الله الله يهني راعيه وعليه بالعافيه

طبعا انا رايح اشتري ربيان بس مو هذا هههههه

دخلت مع الهنود والبنقاليه وازيد معهم والحمد لله اني انتبهت انهم يزيدون على اربع الى سبع سلات انا افكرهم يزيدون على وحده وانا ازيد معهم غشيم هههههه

المهم الدلال قالي تراها على 7 سلات قلت افا لا ياحبيبي انسحب
قلت له ابي وحده حجم وسط ومشكل قالي انتظر اشوي بمر عليها
ومرينا على سله حلووه ومليانه واحجام ممتازه ماصورتها فتحت المزاد 400 وهذا يزيد وانا ازيد ووقفت على 630 ريال واخذتها
حسبه بسيطه
سعر السله 630 ريال
تقسيم وزن السله 38 كيلوو
يساوي 16ونص ريال للكيلو
ونفس الحجم هذاك اليوم ينباع الكيلو منه ب 30 يعني تقريبا دبل
هذا غير السمك الي بالحراج يعني بالعربي شغل دبل

واقول الي بيشتري كميه كبيره ربيان او سمك عليه بالحراج لانه بياخذ بسعر معقول وفوق هذا كله طازج محد يقدر يغشك فيه

والله يوفق الجميع ان شاءالله