نصبه الورش والبنشريه كادت تكلفني ماكينه

محروم.كوم · #1 09-22-2012, 03:20 PM

السلام عليكم
اسعد الله اوقاتكم بكل خيير ومحبه
في بدايه الامر
لدي يوكن دينالي 2007 سعودي والحمد لله ماشاء الله صيانه بالوكاله الى غايه 120 وقلت خلاص انتهى الضمان راح اسوي له دفتر ضمان خارجي
المهم احد الايام قلت بغير زيت للسياره وانا حررررررريص جدا اني اشوف الزيت واشوف كل شي
طبعا قبل ادخل السياره كام مؤشر الزيت بين الربع والنص يعني المعدل الطبيعي
بعد ماغيرت الزيت كاسترول 10-30
وكذلك فلتر الزيت
مشيت من عندهم الا مؤشر الزيت قريب الخط الاحمر
على طول وقفت السياره وبدا الوسواس يلعب
ومن منتدى الله منتدى وبصراحه كلها اخبار طرمبه الزيت
وانا ما احب احد يشتغل بسياراتي الا الوكاله
رحت الوكاله وشريت فلتر زيت
ورحت عند البنشري الي غيرت من عنده فلتر الزيت مع الزيت وقلت ابي فلتر زيت من عندك
الغريب في الامر التالي
ان فلتر الزيت بالوكاله قيمته 16 ريال
وفلتر الزيت عند البنشريه كلللللللللللللللللهم 25 ريال
حسبي الله ونعم الوكيل لكن ماعلينا
بحكم خبرتي بالسيارات والتزويد وغير
فتح علبه السيفون الي من عند البنشري
وافتح علبه السيفون الي من عنده الوكاله الا

انواع الصدمات جاتني
فعلا فعلا انواااااااااااااااااااااااااااااااع الصدمه
وزن فلتر الوكاله اثقل من التجاري
نفس فتحات السيفون الدااخليه فرررررررررررررررررررررق كبير عن التجاري
وكذلك في استيكر في التجاري غير معروف مصدر العلبه
جبت الهندي وقلت له تعال
انت يوم انك تغير من اسبوع الزيت ركبت فلتر اصلي ؟
قال ايه بابا ركب انا اصلي ميه ميه
قلت له انزل الحين فكر السره ونزل الزيت كله نزل مخك معه وجب السيفون الاول
والا السيفون هو التجاري مع ان الكرتون نفسسس الاصلي
المهم قلت له شف جب علب الزيت وخل مفتاح السره ولا عاد اشوفك تقرب من الموتر انا بغير الزيت
وافتح الشماغ ياحبيبي وشمر الثوب :good2:
وانزل وصف الزيت ونظف تحت وما ادري شنو الا واحد موقف يقول صديق في تغير زيت سوي تغير واقوله ياحبيبي رح اصفط المحل الثاني يرحم والدايك
المهم واغير واعبي ست علب الا ربع واركب السيفون الجديد
والخبر الحلووووووووووووووو
ان عداد الزيت رجع والحمد لله ماشاء الله كما كان :good2:
مع العلم الكل يقول تغير طرمبه الزيت
نصيحتي لكم
فلتر الوكاله وكذلك انت تشيك على علب الزيت
لا تصير مثل الغير يرمي اوووم السياره عند البنشري ويقوله
صديق سوي تغير زيت فلتر شيك تاير هواء بريك وحضرتك تحط المفتاح عنده واركب مع خويك
وفي الاخير ياغافلين لكم الله
لا ترى عشره دقايق ماتضر بس اطمن على الشغل
هذه قصتي مع البنشريه حسبي الله ونعم الوكيل وحبيت انقلها لكم للعبره
اخوك ابوريفان __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كادت ان تقتلة	محروم.كوم	منتدى أخبار المواقع والمنتديات العربية والأجنبية	0	07-26-2012 11:30 AM
كم تكلفني مكينة ls1 على نيسان باترول وهل تنصحوني فيها؟	محروم.كوم	منتدى أخبار المواقع والمنتديات العربية والأجنبية	0	03-12-2012 11:10 PM
درج لعدد الورش	محروم.كوم	منتدى أخبار المواقع والمنتديات العربية والأجنبية	0	08-23-2011 04:10 PM
استفسار عن الورش	محروم.كوم	منتدى أخبار المواقع والمنتديات العربية والأجنبية	0	08-29-2009 06:30 PM
كسرت عود كادت تكلفنى الف يوورو	محروم.كوم	منتدى أخبار المواقع والمنتديات العربية والأجنبية	0	06-21-2009 11:10 PM