منتدى استراحات زايد - بعض الحلول لقير الفتك مع الصور

السلام عليكم كان لي معاناه في قير الفتك وهي أني بعد الكرف أو بالأصح المشوار الطويل عندما أكون واقف في إشاره أو أي مكان يلزمني بالوقوف التام ثم أبادر بالانطلاق يروح القير على N لحاله وفيه وظعيه أخرى وهي في حالة المقاومات لما أحرق سرعة الاول حتى النهاية وأجي أغير الى الثاني يحصل نفس الشي بالعربي يفظي وتختفي الكتابات من شاشة القير جننتني هذي الحركه وقلت شكل القير مروووووح الله يستر ولا لقيت حل حتى علمني واحد من الشباب جزاه الله خير أن الكتاوت ممكن يكون تعبان زيت القير كذلك (للمعلومه لم أغير زيت القير من يوم شريت السياره يعني أربع سنوات وهذا أكبر غلط)

المهم

رحت للوكالة وأشتريت كتاوت وكان سعره 63 ريال ولا حصلت عندهم زيت إلا في حالة أني أغيره عندهم وطبعاً يبطون الحرامية بعدين وصيت واحد أعرفه في قطع الغيار وماقصر الذيب جاب الزيت وكان سعره 275 للعلبه وهي كافيه لأن سعتها أربعه لتر

ندخل على الصور

هذا المكان اللي فيه الكتاوت في الكبوت

http://www.l22l.com/uploads/bc8f76e40d.jpg

والكتاوت اللي علية الدائرة الحمراء هو المقصود

http://www.l22l.com/uploads/58816259c3.jpg

ويكون مكتوب عليه في الغطاء A/T CONT

http://www.l22l.com/uploads/50e346fa0b.jpg

وهنا نلاحظ الكتاوت محروق

http://www.l22l.com/uploads/95ca113e4d.jpg

وهذا ياطوال العمر هو زيت القير وأتظح أن زيت الـ CVT نفس التبترونك طبعا هذا كلام ميكانيكي ثقة في الوكاله طبعا عشان ما تجيب العيد ولا أحد يتفلسف على راسك نزل الزيت القديم من القير في جالون ماء رديتر فاضي طبعن ما راح يمتلي ثم أرجع وأضف نفس الكميه هذي الطريقه بكل بساطاه ولا تدوش راسك بعدد الليترات وأنا شخصياً أستخدمت 85% تقريباٌ من الزيت الجديد والباقي زائد

http://www.l22l.com/uploads/338d6f776e.jpg

وهذي الهديه المتواظعه وهي عباره عن أضاءه مثبته في الكبوت طبعاً الكل يعرفها ولكن هنا بعدد أربع حبات

http://www.l22l.com/uploads/a8d33a5979.jpg

السهم اللي على اليسار هو الفيش مثبت مع قاعدة البطارية والسهم اللي على اليمين هو الفيوز وهو أهم شي في حالة الالتماس أو الظغط الزائد هو يكون الظريبه فقط

http://www.l22l.com/uploads/1ceb0f9235.jpg

وهذي صوره للـ لمبات تركيبها يكون في الفتحات الموجوده في الكبوت

http://www.l22l.com/uploads/bf387d0e6e.jpg

http://www.l22l.com/uploads/11dbb6966b.jpg

طبعا مع مراعاة أن اللمبات في حالة إغلاق الكبوت سوف تتكسر وبالتالي لازم فتح فتحات في الشبك

http://www.l22l.com/uploads/5c9c2bdf77.jpg

هذا قد علومنا وسلامتك