الوقت طرف والمسافه بعيد=والشمس باقيله عن الأرض شبرين
والجيب واقف والتواير جديده=ومغلق المشروب خمسه وتسعين
قيس الهواء والنار حبكه فريده=من لذعة البوجي تثور البراكين
ومن خانة التامين فكية قيده=وراحة قزوزه مثل جمر الغلاوين
روح وشمعاته على اطراف سيده=كن المسافه لامشى بين قوسين

عصيرماشي من ضواحي بريده=وقت الأخير يمين ينبع مصلين
دار بها لصيد باقي شريده=أهل الولع يلقون فيها عناوين
مع خوة الي كل منهم وليده=بين الوفى والين وحيان قاسين
ماهمهم سود اليال العنيده=لوتقسي الأيام دايم ونيسين
هاذي طرات العمر يلي تريده=سجه وبسطه مع رجال ميامين
وزرع الوفى والطيب خصله حميده=لا بد بالبستان تلقى رياحين
ومبادل المعروف قلط شريده=متصدرا مجلس زحول سلاطين
واخر مطاف القول كلمه وكيده=لواهني الي تربى على الدين