يسألوني عن أسباب الحزن فيني.........

الحب العنيد · #1 01-28-2008, 02:17 AM

كثير من البشر يسأل عن اسباب الحـزن فينـي
وكثير من البشر وده يعرف بدنيتـي وش صـار

وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنهـار

انا بحكي بقول الحين عن اللي صار فـي سنينـي
ولكن قبل لا اتكلم ابيكم تحكمـو يـا اخيـار

تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلي طـار

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

تعالو واسمعوا منـي وش اسبـاب الحـزن فينـي
وشنهي سبة دموعي وش اللـي بدنيتـي اسـرار

يتيمٍ ايه انـا عايـش يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار

يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار

يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار

يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار

شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار

وكنت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار

مقصر زادها الاستاذ مـا بـارك صـار يعزينـي
شهاده كانت بيدي احسهـا جمـرة مـن نـار

ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار

ابحكي عن سبب ثاني سبـب زاد الحـزن فينـي
حبيبٍ مـت فـي حبـه ولكنّـه طلـع غـدار

انا رغم اليتم حبيـت عشقـت بكـل مافينـي
عشقت وكنت له وافي واذا اخطأ اجيب اعـذار

انا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار

انا صدقـت حلفانـه وهقيـت انـه بيغلينـي
ومثل ماني احبـه مـوت توقعتـه يجينـي بـار

ولكـن خيّـب ضنونـي توقعتـه بيحميـنـي
توقعته حبيبي يكـون ولكـن صاربـي غـدار

اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لـي مقـدار

قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار

خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار

ومع غـدره وطعناتـه غرامـه ساكـنٍ فينـي

ولا ظني انا بنساه لـو اتعالـج بوسـط شهـار

عرفتو يابشر هالحيـن ليـه الدمـع فـي عينـي
عذرتوني على جسمي عذرتو عقلي اللـي طـار

وامانـه يابشـر تكفـون اذا منكـم يلاقينـي
لايسألني وش الباقي من اللـي بدنيتـي اسـرار

لاني لو انـا بحكـي جميـع اللـي انـا فينـي
ياناس عقولكم والله بتلحق عقلـي اللـي طـار
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يـآ بحر فيني من الحزن كثر مـآ فيك ..!	خوية الشقا	عدسة الاعضاء , كاميرا الاعضاء	19	02-24-2010 05:02 PM
يابحر فيني من الحزن كثر مافيك	محروم.كوم	منتدى أخبار المواقع والمنتديات العربية والأجنبية	0	05-08-2009 05:00 AM
أسباب الحزن فيني...	بنت السنينة	الشعر المنقول	3	07-03-2008 03:36 PM
يابحر فيني من الحزن كثر مافيك ..	‏غرور اماراتيهـ	الشعر المنقول	9	01-23-2008 08:08 PM