يرتاح بالي بشوفة [ النوق ]

كشوخيه تفجير · #1 04-21-2012, 08:26 PM

••••

» هــــڷآ بــأعضــأء منتــدآنـأ آڷغــآڷين «

آشحــآڷگمـ ..؟؟ عســآگمــ بخيــر ..!!

يـِرتِـاحْ بـِآلــِي بشـِوفِـة النِـوقْ ،، يطفـِنْ لهيِـِبْ الشِـوقْ ونِـارهْ
عطِـاهِـاْ ربِـي خيِـار مانسِـوق ،، فيهِـِنْ زيِـِنْ المثِـلْ وأخيِـِارهْ

الابل لها اهمية كبيرة عند{ البدو }
وهي مثل ما انعرف { سفينه الصحرا }
وهي وسيلة مهمة بالنسبة للبدو
عسب يتنقلون من مكآن لمكآني ثاني
وهي علامة من علامات البداوة إلي مستحيل أحد ينكرها
اول شي بتكلم عن حياة { النوق } ؛{ الجمال }

راح نتعرف ع مرآحل عمر الابل :-

اول ما تنولد يسمونها
..........................{ السليل } سواء كانت ذكر ولا انثى

ومن عقب الولادة ولين ما يصير عمرة سته اشهور يسمونه
..........................{ الحوار }

وعقب ما يكمل السنه ينفصل عن امة ويعتمد ع روحة يسمونه
..........................{ فطيم }

وعقب ما يكمل حول السنتين يصير قوي البنية يسمونه
.......................... { الحجّ }؛{الحق}

وفي عمر الثلاث اسنين يسمونة{ اللقي }؛ { اللجي}
ويسمونه بعد بـ /{ ابن لبون } لانه يصادف هالعمر إن امه اتيب غيره

وعقب ما يتم الاربع سنين بعدها اسنان اللبنيه ما طاحن يسمونه

..........................{ الجذع } ؛{ اليدع }

وعقب ما يتم الخامسة يطحين شي من ثناياه واتي محلهن ثنايا يديده فيسمونه
.......................... .......................... { بالثني }

وبعد ما يتم الست سنوات ويطحن شي من اسنانه يسمونه
..........................{ بالرباع } *

و يوم يكمل سبع سنين وعدد اسنان إلي طاحن ست اسنان يسمونه
..........................{ بالسديس } *

* الاسم يقولونه للذكر و الانثى

الناقة عقب ما اتيب حول{ الخمس } مرات او اكثر وخلاص بتوقف
عن اللقاح وجسمها بدا يضعف يسمونها{ بالفاطر }

شي علامات تظهر تدل ع الشيخوخة لا ظهرت في الجمال
ها يعني إنها بلغة نص عمرها ويسمونها{ بالهرش }

ملاحظة:-

وفي حال ما نبي علامات الشيخوخة تظهر ع الجمل بالعناية يتأخر ظهور هالشي
والشي المعروف إن { النوق } و{ الجمال } يعيشن حول الاربعين سنه
بس الحياة العملية المفيدة تكون من عمر {6}؛{25}سنه وعقب الخمسة وعشرين
يطيحن سنونها وتبدا تضعف

••••
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يرتاح بالي بشوفة [ النوق ]	Rmrwella	التراث والحضارة	2	03-28-2012 01:58 PM
فيديو مرت على بالي - كاظم الساهر (حبيبتي مرت على بالي)	محروم	الكليبات العربيه	27	02-05-2011 10:44 PM
الى اهل بيع النوق	محروم.كوم	منتدى أخبار المواقع والمنتديات العربية والأجنبية	0	10-05-2010 05:40 PM
موقع لازم تشوفة	محروم.كوم	منتدى أخبار المواقع والمنتديات العربية والأجنبية	0	11-10-2009 02:50 PM