#poem_4f925652b8262 td { font-family: Tahoma, Verdana, Arial, Helvetica, sans-serif; font-size: x-large; font-weight: bold; } الصيد عفته بعد ماشفت وش صار رمين بالارض ورمي بالشوزن طيار كثر البنادق عندنا مايعيقنا بيدين جهالن تقل لعبة صغار مافيه تحذير عن اللي يحوفهم ترى السلاح بدون خبرات غدار وترى الندم مايفيد بعد حوادثه الله يكفيكم من الشر والنار والصيد وينه كانه الصيد عندنا خلوه محمي بكره نشوفه كثار لاما ولا مرعى ولادرب للضبا قلة مطر وعقول تمشي بلا شار ومفاخره بالقتل من دون معرفة شوف الوحوش معلقه فوق الاشجار وحتى العصافير بشجرها قتلت بالليل ترمى كبس من دون انذار تحطيم للغابات من نبت او شجر كنا ذبحنا الجوع قصاف الاعمار والخير نحمد ربنا الكل عايشه وحتى قنوص اول لهم خير تدبار يرمي اذا يحتاج صيده لحاجته عارف وش الصيده بنوعن ومقدار الوعي لازم بيننا يكون منتشر وسط المجالس نسمع لنصح الاخيار اما اذا كلن عناده يوجهه ضاعت مبادينا ولا ينفع الشار