ثعبان بمخيمنا هههههه من قال اني خفت.

محروم.كوم · #1 04-13-2012, 08:10 AM

الحقيقه يا جماعة الخير
زميل لي اشترى مخيم كبير بالحيل فيه مراح غنم وخيام هيكلها حديد وغرف جاهزه ومستلزمات كثيره.
المهم

غرفة الحارس من الغرف الجاهزه وتحتها بلك يرفعها .لاكن بين البلك فتحات .

الحارس اتصل على خويي وبكل رحابة صدر و وسعة صدر و برودة صدر يقوله انا شفت ثعبان اسود عريض كنه يوصف كفرسياره .
المهم خويي اتصل علي وقاللي القصه .

بحكم اني شجيع وراعي بر (ابو البر) قلت له انسى الموضوع انا بطلع الحين للمخيم .

خلصت المكالمه معه وصكتني ام الركب .

ثعبان اسود

عاد اسود

ما فيه الوان تخفف وطأة اللقاء .

يوم قربت من المخيم (يمكن كيلو)

جلست افكر شوي بعد ما قريت نصف القرأن .

وأستعرضت كل ماسويته من ذنوب في حياتي وقلت الحين جأأأ جأأأأ .

الآن حصص الحق يا اني اثبت لخويي اني كذا كذا
او اني كذا كذا .

يرن الجوال وانتفض

ام العيال

تقول وينك فيه

يوم سمعت صوتي قالت وش فيك صوتك مو طبيعي هاه .
صوتك مو طبيعي .
قلت لها ابد انا رايح اسمر عند ابو فلان وراجع وشوية برد.

المهم فكرت وفكرت وفكرت .

قلت يالله اتصل بالدفاع المدني واشرح لهم السالفه .

اتصلت عليهم وبصراحه ما قصرو تجاوبو معي وقالو الفرقه بتتجه لك لاكن بما انك بهالمكان البعيد خلك قريب من جوالك وفي مكان واضح.

وصلت للمخيم مسوي فيها راكد مع الحارس .....سألته وش السالفه قال انا كنت جالس تحت العريش وشفت حنش اسود عريض طوله يمكن مثل ( لي الشيشه ) وعرضه مثل كذا ( يسوي حركه بصبعه السبابه مع الآبهام ) عرض قوطي فول.

تذطرت لحظتها عمليات الدفاع المدني يوم قالو خلك قريب من جوالك وفي مكان واضح .

نقزت للسياره
وطلعت للمكان الواضح وقريب جدا جدا من الجوال.

رجال الدفاع المدني لاقوني ولحقوني للمكان .

وخويي برضو حظر .

المهم

بكل صدق اقول لكم
والله ياهم جبابره
كيف وهم يقابلون النار في بيوت مليانه اسطوانات غاز
او ورش فيها اسطوانات تلحيم اكسجين
او اماكن فيها كيماوي مثل المصانع.

والحقيقه انا تهزأة من واحد منهم

قال هاذا كبرك وتخاف من ثعيب.....ثعيب .....قصده ثعبان .

قلت له هاذا مو ثعبان هاذا اصله افريقيه

وانا والله ماشفت الثعبان والثعبان ماشفته اللي شافه الحارس

اخيرا

رشو مواد كيماوي تحت هالغرفه وعلى مدار ساعتين

الين طلع ابن الكلب الثعبان
دايخ يتدودل ثم جا واحد من العسكر وبالبسطار ظربه على راسه .

المفاجأه

انه لاطلع متين ولا طويل

طلع مثل السبحه عرض وطول
ولاكن الخوف وما يسوي .

ارجوكم اعذروني على المطمطه في السالفه.

اخواني واحبابي اعضاء مكشات. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صناعة جلد ثعبان _معروض للبيع عد جلد ثعبان كبري إفريقي_صناعة جلد تعبان تصنيع جلد ثعبان	محروم.كوم	منتدى أخبار المواقع والمنتديات العربية والأجنبية	0	10-18-2011 12:10 PM
ثعبان	محروم.كوم	منتدى أخبار المواقع والمنتديات العربية والأجنبية	0	04-30-2010 11:00 PM
هههههه	محروم.كوم	منتدى أخبار المواقع والمنتديات العربية والأجنبية	0	04-02-2010 04:20 AM
بنت على شكل تعبان	محروم.كوم	منتدى أخبار المواقع والمنتديات العربية والأجنبية	0	06-19-2009 04:30 AM
هههههه تعالو اقرو دعاء الشباب قبل لا يرقم هههههه	اڷإمـآرآتيـﮧ	المواضيع المكرره	4	01-24-2009 11:02 PM