عّششَقتڪ بمَسسَتوَى عآلـي ., وَ حبيْتڪ عڪس حبهَم ..~

حبيبة المطيري · 12-13-2012, 03:39 PM

آ آ آلبـــآرت آلعــشــــــ 3 ـــــــرون *,!
.
.
يظويني طيفه في خيالي واسري مع الأشواق مطعون
كل ما ظوا ليلي طرا لي غرن جميل وباهـــــي اللون
.
.
.
آلعــــين ..
بيت بو سعيد ..
الساعه 3:30 ..
" توهم واصلين هزاع وعليا دخلت عليا عند الحريم عقب ما اتصلت لنورة تلـآقيها عند الباب .. وهزاع سار الميلس عقب ما اتصل لـ سعيد وخبره انه وصل .. دخلت عليا الصاله ورحبن بها ام سعيد ونورة وفطيم ومهرة اللي كانت موجوده فـ بيت امها .. ودخلن الشغالات عقبها كم بوكسات وششنط فيها اغراض مثل اللي اييبونهن يوم المجلة بس يابوهن قبل لأن الملجة والعرس بـ نفس اليوم .. ويلسسن يسولفن ويرمسسن وطبعاً سألن عن ام هزآع بس قالتلهن عليا انها تعبانه وما تروم ع الطرييج .. أما في ميلس الرياييل فـ الأخ مستآنس .. "
..
ميلس الرياييل ..
" بوسعيد وسعيد وهزاع "
بوسعيد : ما عليك يا بو العنود آنته آمرر واللي تبآه بيستوي ..
هزآع " يبتسم " : مآ تقصصر يآ عمي .. أأ .. إلـآ عبدالله ويين ..؟!
" بو سعيد وسعيد طالعوآ بعض وردوا يطالعون هزآع "
سعيد : متى ييلس هذا فـالبيت أصلـأً ..!
هزآع : ههههه يعييش المراهقة على 22 سنة ..
بوسعييد : شرآت مآ قلت ..

" بععد نص سآعة "
هزآع " يوقف " : يلـآ انا استأذن بسسير ..
بوسعيد وسعيد " يوقفون " : ع ويين توو النآس ..
هزآع : والله يا عمي ورآيه اشغال وبخطف ع خالتيه بسسلم عليها ..
بو سعيد : الله حافظنك ..
" طلع هزآع من عندهم وسوآ فون لـ عليآ عسب تطلع .. ومتحرقص يبا يشوف حتى لو شويه منها او يسسمع صوتهآ لكن للأسف .. ركبوا السيارة وساروا بيت بو محمد سلموا ع خالتهم وولد خليفة تم يلعب ويا سلطان ولطوف .. وعقب ردوآ دبي "
..
فـ الطريج ..
هزآع : امممم علييوه ..
عليآ : هآآه !!
هزآع : أبآ رقم نورة ..
عليآ " طالعته بطرف عينها " : لـآ اللي يقول ما عندك رقمها ..!
هزآع " فتح عيونه ع وسعهن ويطالعها " : شششدرآج ..؟!
عليآ : ادري انك ماخذ رقمها وادقلها نص الليل ترمسها وادقلها الفير توعيها للـ الصلـآه والحادث اللي سويته فـ العيين بسببها وكنت ترمسها ذاك الوققت !!
هزآع " يطالعها بصصدمه "
عليآ : لـآ تطالع جيي انا ادري يوم تاخذ رقمها من فوني وششفتك واعرف متى ادقلها وتلعوزها يالعاشق الهيمان ..!
هزآع " يغير السالفه " : حمدوه ما تبا من الشيشه !
حمد " يناقز " : هيييي عميي ابا !
هزآع : يلـآ الحيين بننزل ..
.
.
آلعـــــين ..
بيت بو محمد ..
قسسم راشد وحمده ..
رآشد " طايح ع الشبريه ومتلحف وحمده ياسه عداله "
رآشد " يتثاوب " : فييني رقاد ..
حمدة : حد يرقد الحييين ما باقي شئ عن الصلـآه !
رآشد : والله تعبان ارحمي حالي ..
حمدة : انزييين .. اممم انا بقوولك خبر بينسسسك الرقااد حتى بتستوي نشيط ..
رآشد " ييلس وعين مسكرة وعين مفتوحه " : قووولي ..
حمدة " منزلة راسها وتلعب بظفورها " : أأأمممم هذآ شو اسمه .. انا حـحـحامل !
رآشد " فتح عيونه ع وسعهن وجرب منها " : هآآ ! مآ سمعت !
حمدة " ع وضعها " : شششو فيك !
رآشد " يطالعها ويرفع ويهها بإيده " : من صصدقج ..! " يحظنها " الله بسستوي ابووو ..! حلو الشعور !
حمدة : هههههه وانا اعيل شتقول عني !
رآشد " يقوم من حظنها " : صدق حمدوه مب ججذب ..؟!
حمدة : شوفيييك يعني ما تصصدق .. حتى اليوم الصبح سرت المستشفى وترييت ساعة لين تطلع نتيجة الفحص وبييبلك الورقة جان ما تصصدق !
رآشد " يصفق بقو " : الله بسستوي ابو يا ناس يا عالم .. " وقام يناقز فوق الشبريه < استخف "
حمده : هههههه يااهل ! " تبا تتنيذل جان تصآرخ " آآآآآآآآآآآي بططني الحقوني !
رآشد " يرد اييلس حذالها وهو خايف " : شو فيييج .. شو يآج !
حمده " فطططست ضحك " :هههههههه هههههه استتعبط ويآك .. هههه جننك يآهل يآلس تنطط هههههه ..
رآشد " يبتسم " : نذذله مثثل أخوج مآ سرتي بعييد عننه ..
حمده : هههه حرآم عليك كله ولـآ نآصر ..
رآشد : آسف الشيخه .. " يقوم " يلـآ انا بسسير عند الشباب تامرين بـ حآيه !
حمده : سلـآمتك ..
.
.
ابوظبي ..
وقت صلاة العصر ..
بيت بوناصر ..
الميلس ..

عبدالله طايح على الغنفة ويطالعالتيفيوحذاله حامد ..
حامد: اييه انته ما بتسير بيتكم .. ترا تلفونك صدع راسي ..!
عبدالله : بيأذن العصر وبصلي وبعدين بسير .. !
حامد : اوه انت من متى اتصلي .. !
عبدالله : خف عليينا يا ريال لـآ يكون انته السديس وانا ما ادري .. !
حامد : لم ثمك وقوم بنسسير نصصلي ..
عبدالله " يقوم " : ما بتسسير ويايه العيين !
حامد : وين اسير وياك واخلي امايه اهنا بروحها .. تريا لين ايي ناصر ويصير خير عقبها ..
عبدالله : متى بيي هو ..؟!
حامد " يقوم " : بااجر اظظظن !
عبدالله : يلـآ صلـآه صلـآه !
سار عبدالله يتوضا في حمام الميلس وحامد سار غرفته عسب يتوضا وبدل ثيابه ..وبعدين ساروا المسيد ..وعقب الصلاة دخل عبدالله عند حرمة خاله وسلم عليها ويلس شوي وياها وبعدين ركب سيارته واتوجه للـ العين وفالطريج اتصل له خالد ربيعه ..
عبدالله : حييي الله بو وليد ..!
خالد : الله يحيييك .. ششو الاخبار شوو العلوم ..!
عبدالله : حمدالله يسسرك الحال .. ومن صوبك ..؟!
خالد: الححمدالله تمام ..
عبدالله : وينك ما ينسمع حسك ..ولا تقول ربيعي وبتصله وبسال عن حاله ..
خالد : والله الدنيا مشاغل ..
عبدالله : في هذي صدقت ..!
خالد : وين دارك ..

عبدالله : والله يا خويي راد من ابوظبي كنت عند حامد والحين بسير البيت ..!
خالد : وينوه هذا حامد ما ينششاف عنبو .. يعدابي شهر ما شفته ..
عبدالله : هههه انته منو تشوف دخيلك ..؟!
خالد : هههههه مشغول انا .. انزين اقولك ترا الشباب عازمينا اليوم على السينما وعازمينك ويايه انته وحامد جانه بيي ..
عبدالله : ماعليه بيي بس حامد ما ظنتي ..
خالد : ما عليه نرقبك ترانا لـآ تتأخر ..
عبدالله : ان شاء الله ..
خالد : اي أمارة الشيخ من جدانا ..؟!
عبدالله : تسلم .. سلم على الربع ..
خالد : يوصل .. الله يحفظك ..
عبدالله : مع السلامة ..
.
.
سويســــــــــــرآ ..
الششقة ..
الساعه 1:30 الظهر ..
نآصر " يوقف " : بسسير اييب غدا انا لـآ تفجين للباب لو منو يدق ..
روضة " طايحه ع الشبريه وتطالع التيفي " : انزييين ..
" ناصر طلع "
روضضة " تيييلس " : أممم .. لييش مآ أتكششخ ششوي ! ولـآ أقول لـآ لـآ خ يولي ما يستآهلني اصلـاً .. عن غبآئي أصلـاً انا ما بتكشششخ لـه بتكشششخ لـعممري ..
" قامت و فتححت الكبببت تمت ادوور ع شئ حلو تلبسسه .. لققت جلـآبيه مغربيه لونهآ أحمر وفيها نقش عند الريول بالذهبي وإيدها كامله ذهبيه مع نقوش بالأحمر .. و فـ وسطها حزآم ذهبي كبير .. والجلـآبيه مخصره من الصدر ألييين خصرها وبعدين أتي فضفاضضه .. اتسبحت ولبستها ورفعت شعرها بـ توكه حمرآ سشورت قصتها .. رسمت عيونها وحطت أيشدو خفيف وقلوس كرزي وتوهآ يآيه بتيلس ع طاولة الطعام الصغيره بالغرفه جان يدخل نآصر .. اول شئ مآ انتبه ألهآ لين حط الاكل ع الطاوله .. "
نآصر " يرفع رآسه " : اقولج عدلي الأكل بسـ .. " أنتبه لها وتم مبهت لـ دقايق وهي يآلسه تطالع شو في الأكياس " أأ .. بسسير الحمام بصلي .. " يهز راسه " أأ استغفر الله اقصد بغسل أيديه .. " سار "
روضة " ابتسمت ابتسامه جانبيه ع خربطته فالكلام ويلست تعدل الأكل "
ناصر " طلع من الحمام ويلس مجابلنها وتم ياكل متحاشي يشوفها يحس عمره بيسوي شئ لو شافها وهو ما يتحمل كل هالكششخه "
..
بعد الغدآ ..
روضة يالسه ع الغنفه ويآ نآصر وانسدح وحط راسه على ريولها ..
روضة " ارتبكت "
نآصر " طايح ويطآلعها .. رفع إيدها وحطها ع شعره " : رووضة أنا تعععبآن !
روضة " تصرط " : أأأ شششو فـفـفـييك !
نآصر " يغمض عينه ويتنهد " : آآآه تعبآآن ..
روضة " تحاول تبعد ايدها عن شعره بس هو ماسكنها "
نآصر " فخآطره : لـآء يآ نآصر قوم أثقل لا تستوي جيي "
..
بعد أقل من دقيقة ..
خوز إيدها فجأة وقآم عنها وطلع .. وتم واقف برع جدام باب الشقه .. عقب شوي نزل تحت فـ السوق وتمت هي مستغربه منه وبعديين الوضضع عادي عندها يلست ترمس امها ونورة وهييك ..
.
.
أبوظبــي ..
بيت بو منصور ..
الصآله ..
منصور " يصاصر امه " : أمآيه أبآ أملج ..
ام منصور : يالله بالستر إلـآ مساعه رداييين علينا عنبو بلـآك مستعيل !
منصور : امآيه عآآد والله جيي ها قلبي يقرقع أبآ املج اميه عاد رمسي ابويه !
ام منصور : فديتج بععد ماتبيييني اخلي قلبج يدق طبول ..
منصور : هههههه تنكت عيوزي بععد .. يلـآ امايه رمسي ابويه بعديين ..
ام منصور : عنبو قذيتني .. تبا تملج هكوه ابوك ورمسسه ..
منصور : اميه عاد لـآ تذليني رمسسيه شو بيصير يعني .. امايه والله ابا املج عآد ..
ام مننصور " توقف " : ضك عنيه منه اشووف خلني اسير اعابل فالمطبخ بدال أذآك .. " وسارت "
منصور " ييلس حذال مهرة اللي كانت يالسه وياهم " : مهروه اختي حبيبتي .. ممكن كم سؤال بسس !
مهرة " تطالعه بطرف عين تعرفه شو بيقول " : أسأل ..
منصور " يبتسم " : ما اتقولج عني شئ أو تسأل او تبين شئ مني مناك يعني ..؟!
مهرة " تستعبط " : منووو هي ..؟!
منصور : عليآ بععد منو ..؟!
مهرة " بتمثيل تطالعه وتعقد حواجبها " : منو عليآ مآ أعرف وحححده بهالأسم ..!!
منصور " يوقف " : ما علييه اللي بيشتريلج باسكن روبنز خلي غبآئج ينفعج ..
مهرة " تيود إيده وتيلسه " : اسستهبل استهبل والله اعرفها ..
منصور " كاتم ضحكته " : انزيين قولي ما قالتلج شئ ..؟!
مهرة " بتفكير " : أمممم لـآ بس مرة انا كنت ارمسها وحآضرتك تزآعج جان تقولي منو اللي يالس يصآرخ جان اقولها منصور وتمت ساكته ..
منصور " يبتسم ابتسامه عريضه " : الله يعني تحبني ..
مهرة " تطالعه بطرف عين " : اششوفك وايد مصصدق عمرك تععرف هالشئ ولـآ ..؟!
" تقطع عليهم فطامي اللي نازله من فوق ويلسست ع الغننفه " : اخبرك انته ليش ما ظهرت يالس لين الحينه فـ البييت !
منصور " سوالها طاف ويلس يلعب ع البيبي يعرف انها تحترق بالطاف "
مهرة : انتي مآ فيج احترام تحترمين اللي اكبر منج الله يعينج في ما بلـآج بس !
فطآمي " تطالعها بنظرة حقاره " : هييييي انتي لـآترمسيني جي ادري انج غيرانه مني لأني انخطبت وانتي ما نخطبتي وبتميين طول حياتج عانس وعيوز ومحد بيطل فـ ويههج ..
مهرة " دموعها اتجمعت فـ عيونها " : مششكوره ايي منج اكثر ..
فطآمي " قامت وطالعتها بنظره وروحت عند امها فـ المطبخ "
مهرة " وقفت بتقوم بس يودها منصور من إيدها ويلسها "
منصور " يرفع راسها بإيده " : ألحييين هاي تأثر فييج ! برآيها خ تولي انتي بعدج صغيره .. " يمسح دموعها اللي نزلت ويبتسم وحظنها " بعدج 21 سنة وأحلى والله عن اختج الخسفه بمليون مرة وبعدتج دلوعتيه لـآه ..!
مهرة " تقوم من حظنه وتبتسم وتهز راسها بـ هيي "
منصور " يضربها ع جتفها بالخفيف " : قومي يلآ تلبسي بوديج احوطج ..
مهرة " توقف " : اول شئ باسكن اوكييه ..
منصور " يبتسم ويوقف " : اوكيييه .. يلـآ اترياج فـ السيارة ..
..
" سارت حجرتها ولبست عباتها وشلت فونها وشنطتها ونزلت تحت شآفت فطآمي طالعه من المطبخ بس ما سوتلها سالفه وطلعت برع وركبت ويآ منصور "
خطفوآ ع باسكن روبنز اللي فـ الشيشه ونزلت ويآه .. دخلوا ووقفوا يططلبون ..
**** : يآ حيي الله بن مطططر ..
منصور " يلتفت ويبتسم " : أهليييييين .. " ويتخاشمون " ويييين هالغييبه يآ ريآل !
حامد : يالله إلـآ أسببوع هو !
منصور : ههههه أسبوع وآيد بالنسسبه ليه جنهآ سننة ..
حامد : يالله يالله يالله أعيل الحرمه شو ..؟!
منصور : ههههه هاي خلها بصوب .. وشو العلوم والأخبآر ..
حامد : بخييير الحمدالله .. اشوفك ياي تزط اهنيييه ..!
منصور : هههه والله الرضيعه حاشرتني تبا باسكن ويبتها ..
حامد " وجه نظره صوب اللي كانت واقفه بعيد ششويه ومتغشيه وتطالع صوبهم ورد يطالع منصور " : أها انا بعد خاطريه فـ بآسكن ..
" اتوجهوا لـ بآسكن ووقف منصور حذاله ع اليمين حاممد و ع اليسار مهره "
حامد : عاد الحسساب عليه ..
منصور : لـآ لـآ خل عنك وعن هالــ ...
حامد " يقاطعه " : يلـآ لـآ قلت الحساب عليه يعني عليه ..
منصور : زيين بتوفر عليه فلوسي ..
حامد : هههه حيوآن وآحد ..
" وهم يتريون الطلبيه استرق حامد النظر لـ مهرة اللي تعبت من تتريا ويلست ع كرسي من الكراسي الموجوده فـ المحطه وتلعب بالبي بي .. "
حامد " فـ خاطره : أحس أنها هيي .. أمبلـآ أمبلـآ هي لأن هآذيج اللي ركبناها ويانا يوم زخها عبدالله غير مستحيل تكون هي نفسها هاي .. خييبه فرق السما والأرض ولـآ جنهن خوآت .. طآآع كيف بريييئة .. إيييه إيييه حامد شهالرمسه تخون ربيعك بععد ..! " ببسمة استهزاء على عمره " هـه انا خنت اخويه ما بخون ربيعيه يعني ! " قطع تفكيره صووت منصور "
منصور : إييييه الحسساب ولـآ مب ناوي تدفع ..
حامد : هآ لـآ ههههه امرره انته .. بدفع بدفع .. " ودفع "
" وروحوا مهرة و منصور وتبعهم حامد بيرد البيت وهو يطالعها لين ركبت السيارة وبعدين ركب موتره وروح .. وساروا منصور ومهرة يتحوطون عند الكورنيش .. "
.
.
آلعيييين ..
الساعه 5:15 ..
وصل عبدالله البيت وخلـآ سيآرته مشغله عسب انه بيسبح ع السريع و بيظهر .. دخل البيت وما لقـآ حد فيه وسار سيدا حجرته فصخ كندورته وطلع ملابسه وسار يسبح ..وبعد ماخلص يلس يتعطر ويتكشخ ويضبط عمره للمغازل طبعاً .. واتصل لـ نورة ..
عبدالله : نورة ..قولي للشغالة اتسويليه دخوون .. "وسكر التلفون في ويهها .. لبس كندوره بيج وغتره شال لونها بيج .. وهو يتغتر .. سمع دق ع الباب "
دق دق دق ..
عبدالله : الباب مفتوح .. !
نورة " تدخل وفي اييدها المدخن " : جاان ما ييت بعد ..! امايه ليل ونهار تتصل بك ليش ماترد .. ؟! ما عندك رصيد ولـآ تبا تحرق فوداها .. كل هذا عسب ضرابة يهال انتوا يهال ..! كل اطول عن الثاني وبعدكم تضاربون ..
عبدالله : خلصتي ..! " وطلع من الحجرة "
نورة " تصآرخ ": والدخون ..!!
عبدالله" يصآرخ " : خليته لج !
نزل عبدالله ويوم كان بيظهر اتفآجأ أبهم فـ الصاله مساعه محد فيها من وين ظهروا هاييل ! وشاف امه يالسه ووياها سعيد وفطيم ..
عبدالله : السلام عليكم والرحمه ..
الكل : وعليك السلام ..
عبدالله " يوخي على امه ويحب راسها ويلس حذالها " : شحالج امايه ..؟!
ام سعيد " فز قلبها " : بخير بشوفتك يالغالي وين غايب عن البيت .. حرقتليه فواديه وانا ارقبك ! وتلفوناتك ما ترد عليهن !
عبدالله " يطالع التلفزيون " : .................
سعيد : جان ماييت بعد ..تخلي امايه تحاتيك ..ماعندك قلب انت ماتحس ..؟!
ام سعيد : ويين بت ..؟! ويين تغديت وقيلت ..؟!
عبدالله : بت فـ ميلس ربيعيه .. وسرت الظهر ابوظبي بيت خاليه وتوني يآي ..
سعيد : عآدي عندك الحيآه مسسهل على عمرك الامور ..
عبدالله " وقف " : اترخخص أنا .. " طلع "
ام سعيد " تلتفت على سعيد " : ابويه سعيد خف على اخوك ترا بعده صغير وطايش بيكبر وبيعقل ..
سعيد : وين هذا ياهل عمره 22 سنة .. ولدج هذا ما ظني يعقل اللي بعمره معرسين وعندهم عيال ..
ام سعيد : ما عليه يابويه عشان خاطريه لـآ ترمسسه جيي ..
سعيد " هز رآسه بـ أوكيه "
.
.
آلمول ..
ستار بوكس
الساعة 6 ..
دخل الكافيه وسلم على ربعه وطلب له كابتشينو ..
عبدالله : اعيل بوشهاب وينه ..؟!
خليفة : اتصلتبه وقآلي مشغول أونه !
عبدالله : الله يا الدنيا احين احمد مشغول اربعه وعشرين ساعه يهييت ويايه الحيين مشغول .. " يطلع فونه " إلا ايي اليوم .. " واتصل به "
عبدالله : السلام عليك ..
احمد : وعليك السلام ..
عبدالله : مشتاقلك ياخي ..انته وين ..؟!
احمد : شو ها الشوق اللي نزل عليك مره وحده ..! أنآ فـالمول ويآ الأهل ..
عبدالله : اهاا .. اي مكان بالضبط ..؟!
احمد : مجابل محل ****** ..
عبدالله : محل بنات هذا شتبابه ولـآ سآير تغآزل ..؟!
احمد : هههه مثلك انا !
عبدالله : نسينا ما كلينا ! يلـآ يآينك ..
احمد : أتريآك .. " سكر "
سار عبدالله صوب المحل اللي نعتله إيآه احمد ووقف يسولف ويآه .. وشآف كم بنت طالعات من المحل ووحده طالعه ويالسه تصآرخ ..
آلعنود " تصآرخ " : أحمدووووووووه والله بدخل آخر محل الله يخليك ! " يوم شآفت عبدالله انطمت وردت عند خوآتتها "
احمد " بصوت خفيف " : يغربل عدوج فضحتينآ ..
عبدالله " فيه ضحكه ومستغرب بنفس الوقت " : انزيين أنآ برووح اترياك فـ السينما لـآ تتأخر ..
احمد : ان شاء الله بوصل البيت ورادلك ..
عبدالله : اتريآك .. " سآر وهو يقول بـ خآطره : هآي مب نفسها اللي دخلت الميلس واللي كانت توعيني عبالها انا احمد " ابتسم " أمبلـآ هيي .. بس ليش مب متغشيه غريبه مع ان الباقيات متغشيآت واهل احمد ملتزميين ماشاء الله .. لـآ يكووون .. لـآ مسستحيل اتكون عششقتلك يآهل يآ عبدالله ! أمبلـآ هاي شكلها يآهل تصرفاتها ورمستها وصوتها واكبر دليل انها مب متغششيه .. " بألم " أففف يهالقلب ما عششقله إلـآ يآهل .. يآهل عاد يا عبدالله يآهل !!! "
..
" وصل عند ربعه وهم يسولفون وهو ساكت واتريوا احمد لييين أييهم وعقب ما ياهم دخلوا السينما وعبدالله وجوده كـ عدمه .. "
.
.
بععد مرور الوقت ..
سويســــــــــرآ ..
الساعه 8 ..
دخل نآصر الشقه وكم كيس فـ إيده حطآهن ع طاولة الطعآم وشاف الشقه ظلمة شغل ليت الممر ونورت شوي .. شاف روضة رآقده واستغل الفرصه سكر الستاره .. حط الكيكه ع الطاوله وحط الشمع حذالها .. طلع الهديه البسيطه ألهآ وبععد مآ خلص ترتيبآته بند ليت الممر وتوجه لـ روضه .. نزل لـ مستوآهآ وحط كفه ع خدها عسب يوعيها ..
نآصر : روضضضه .. روضضه !
روضة " كانت غافيه وبطلت عيونها " : شووو ..؟!
نآصر " وقف وابتسم " : قووومي ..
روضة " اعتدلت وانتبهت ع الشموع "
نآصر " يودها من إيدها وقومها "
روضة " تطالع الشموع تبآ تستوعب شو يصير "
نآصر " مسكها من خصرها وأبتسم ألها " : أدري اني مب اول واحد اقولج كل عام وانتي بخير .. لكني اول وآحد اسويلج حفله بسيطه لـ يوم ميلـآدج .. كل عآم وآنتي بـ قربي وبحظني !
روضة " توهآ استوعبت السالفه ونزلت رآسهآ وابتسسمت "
نآصر " يكمل " : كل يوم من ايام السنة وبالأخص يوم ميلـآدج كنت أيي بيتكم واغصصبج واضربج يوم كنا يهال ويوم كبرنا اسرق اغراضج وما اردهن إلـآ عقب اسبوع واكثثرهن عندي لييين ألحينه وبرآوييج إيآهن فـ البيت .. و كانت الهدايه اللي اييبهن لـج ضرب وتكفيخ وانتي ما تصدقيين تنطين فـ حضن أبويه وتصيحين واييلس ينازعني ..
روضة " تذكرت ويلست تضحك "
نآصر " يود إيدها وقربها من الطاوله .. يلسها ع الكرسي ويلس مجابلنها " : لـآ تنفخين الشموع لأني ما اروم اسير اشغل الليتات قصي الكيكه وحطيليه فـ صحنيه اول وبعدين كلي ع كيفج ..
روضة " ابتسمت وهي تشوف الكيكه اللي كانت بالفانيليا وعليها حركات بالكاكاو ومكتوب بالإنجليزي هآبي بيرث دييي حب قلبي .. بدت تقص وحطتله فـ صحنه وحطتلها "
نآصر : وييت قبل مآ تآكليييين .. " نزل إيده لـ تحت وخذ الهديه اللي يآيبنها ليييهآ وفتحلها صندوق صغير كانت فيهآ سوآره صغييره فضيه وفيها دوآير صغيرونات بععد .. اتخبلت عليهآ روييض "
روضة : وآآآآآآآآآآآو .. الله حلووه والله وآيد ..!
نآصر : ههه .. " شل السوآره ولبسها إيآهآ استانست عليها وتمت تحرك إيدها فرحانه فيهآ وهو يضحك على شكلها البريئ .. "
..
بعد سآعه وهم يسولفون ..
تجهت روضة للحمام ولبست بيجامتها ومسحت مكياجها الخفيف وكشكشت شعرها .. طلعت للحجرة وابتسم اول مآ شآفها وبادلته الابتسامه كانت طول حيآتهآ تتمنى حد يسويلها حفلة يوم ميلـآد ولو بسيطه ..
روضة " تتثآوب " : آآآآآه فييني رقآد ..
نآصر " ابتسم وقآم مسكها من إيدها وسدحها ع الشبريه ولحفها " : ترآ بآجر الفليل بنسافر ها لـآ تقولين ما قلت بآجر من توعين بنسير نشتريلهم هدايا وبنرد نعدل الاغراض "
روضة " هزت راسها بـ أوكي وهو سآر يرقد بالطرف الثاني وبند الأبجوره وأصبح المكان ظلـآم "
..
الصصصبح ..
وعععت روضة وهي متفآجأة وتحاول تتذكر امس شو صآر ..
روضة " تغمض عينها بشدة وتقول بخآطرها : انا كييف خليته يسستغلني ويقص عليه برومانسيته وحفله ما حفله وهديه وحآله .. ولـآ بععد مسستوي حنون وطيحني ع السرير ولحفني .. لييش يآ رووضه هذا اللي تكرهيينه كيف تخليينه الحيين جي يسوي ! أففففف لـآ لـآ لـآ آخر مرة يآ روووضه .. " رفعت عمرها شوي واتفآجأت بإيده المحطآيه على خصرها وهو رآقد ومبتسم كرهت عمرها زوود وخوزت إيده وسآرت الحمام وفجأة تمت تصصصصييح ! ألييين وعى ودق عليها باب الحمام عسب أنه يبا يتغسل .. غسلت ويهها عن الدموع .. وطلعت استغرب من شكلها بس الحيين هو مب متفيج دخل الحمام وهي يلست ع الغنفه وضمت ريولها لـ صدرها وتمت تفكر .. طلع ويوم رمسسها أبداً مآ ردت عليه .. تم مستغرب منها امس شحلـآتها واليوم كيف ششكلها

.
.
.
.
أنتههههههههى آلبـــآرت ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آشڪٍـٍـٍرڪ . . { قڵبـٍـٍڪ ڪبير ّ ّمرھـٍـٍـٍف إح ـسآاسـٍـٍٍـٍڪ ڪثير ♥ иёω рiс'z	روحيے فداڪ}• ~	المسنجر وملحقاته , توبيكات , ماسنجر بلس , msn	45	08-11-2012 10:11 AM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~	! ĐįƠЯ ƒάṦђịǑη !	قصص و روايات	19	12-18-2011 07:20 PM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ الكاتبه:نبض الامارات	اسوم 2014	قصص و روايات	3	12-17-2011 10:39 AM
آزٍعلِ وإن ڪِآن رٍضآڪ فيّ حبـہۧ آلڪوٍع كسَرٍت لڪ يْدي و حبيِت ڪَوعي bb pic	همس العشق	برامج وصور وثيمات والعاب بلاك بيري و IPhone	10	04-12-2011 06:17 PM
جديدي اڪسسوآرآت iphone 4 [ڪفرآت،استڪرآت]دلعو فونڪم ويآا ام هزآع والڪميه جداً محدوده *	محروم.كوم	منتدى أخبار المواقع والمنتديات العربية والأجنبية	0	09-28-2010 02:20 PM