عّششَقتڪ بمَسسَتوَى عآلـي ., وَ حبيْتڪ عڪس حبهَم ..~

حبيبة المطيري · 09-04-2012, 02:31 AM

آلــبــآرت آلـحـــ{ 11 } ــآدي عشـــــر ..,’’

{ ،، يـآ تـًـًرى شِفْتـوو جَسَدْ [،مَيِّــت،] وِرِفَضْ يِسْتَقْبلـهْــ،، قَبْــ}ـرهْ ،،‘؟!

،، أَنـًآ هــآآــذي مُعآنآتـًـًي ،‘ وأظِنْ إِلّي مِضـًـٍـٍـًى يكْفـــيني ،،‘!! }

.
.

آلعيــن ..
يـوم الجمعه ..
آلسـآعه 11 الضحى ..
بيت بو محمــد ..

روضة ~ امس كآن يوم متعب .. من غير الموآقف السخيفة اللي استوت امس .. ومن غير اني اكتشفت اللي يحشرني بالفونآت .. طلع صآحب آلسمو نويصر .. اففف وآلله وأبتليتي يآ روضه .. مآ أقول غير آلله يعييييني .. واليمعه هـ المره بيت عمتيه واكيد بيكون موجود .. يآ ربي والله اني عفت شوفه .. والمشكلة يعرف اني ما ادانيه وبعد يسوي كل ها .. المهم قمت الساعه 7 وصليت الصبح .. مرات من كثر ما اتحس انك تعبان توعى من وقت .. ما قمت الفير أصليها لأني ما حسيت بـ عمري .. ظهرت من الحجرة وسرت آلصآله ما لقيت حد وسرت المطبخ وبعد مآ لقيت حد .. طلعت برع شفت عمي زآيد ويدي عند الزرآعه .. سرت ويلست ويآهم .. ~

روضة : السلـآم عليكم ..
الكل : وعليج آلسلـآم ..
اليد : قومي قومي بنسير المزرعه والعزبة ..
روضة : يدي آلله يهديك وين عزبة ومزرعه صلاة صلاة الحيين ..
زآيد : متفيييج ترآه ..
اليد : قوم قوم انته مني .. قوم ..
زآيد : هي لقيت لك حد أهنا .. ويوم محد عندك تنشني من الرقاد ..
روضة : هههه محد عنده غييرك ..
زآيد : بعرس انا وبروح ..
اليد " يلتفت له " : بذمتك ..؟!
زآيد : إييييييييييها .. انته محد يطريلك العرس .. شرآيك تعرس انته ..؟!
اليد " يفكر ويزاعج على روضه " : روييض ..
روضة " كانت مندمجه فالبي بي وفزت " : بسم الله يدي بلاك ..؟
اليد " يبتسم " : دوريلي عروس وحده من ربيعاتج ..
زآيد : دخييلك بتبلي بنات الناس وياك ..
روضة : لـآ عآد يدي كل حد يبآه ..
زآيد : زيين تمي عند يدج .. وانا " يتثاوب " بسير أرقد ..
اليد " عصب " : صلاه ورآك إذا رقدت حرآم لـ خلي هاي العجوية ترفرف ع ظهرك لين تصلب لك عودك ..
زآيد " يوقف " : خيييييبه .. مآ يسوى عليه .. مب رآقد مب رآقد بسير دآخل ..
روضة " تسويله حركه عشآن يسير وهي بتم عند يدها "
..
روضة ~ تمييت عند يدي لين قبل الصلآة بشوي ودخلت ويآه دآخل .. شفنا زآيد رآقد ع الغنفة يحليله امس رآد متأخر ومن غير التعب ويدي الله يهديه مآ خلـآه يرقد .. وعن حلـآف يدي سآر وضربه ضربه وفز عمي .. ادري به يدي ما يهون عليه زآيد يضربه .. قآم وسآر يتسبح عسب صلآة الجمعه .. دخلت ويآ يدي حجرته وسآر يتسبح وانا طلعت له كندورته وغترته .. طلع من آلحمـآم واتلبس .. دخنته و عطرته وسآر ويا ابويه ورآشد وزآيد المسيد .. وانا سرت حجرتيه واتسبحت لبستلي مخورة ع البني البسكوتي اموت ع هاللون وفيها نقش ورود بالأسود .. خلصت وقريت قرءان و صليت .. حطيتلي جححآل شوييه واتعطرت .. ولبست شيلتيه .. نزلت تحت وشفتهم ألحين بيظهرون وبيسيرون بيت عمتيه .. وصلنا أصلا مب من بعد البيت اليدار باليدار .. أول ما دخلنا شفنا قوم نآصر توهم نآزلين من آلسيآرة .. سلمت على خالوه وحمدوه وسلم عليه نآصر بالكلـآم رديت آلسلـآم عليه عشآن مآ أحرجه جدامهم .. دخلنا نحن الحريم دآخل و الرياييل دخلوا الميلس .. سلمنا ويلست ويا نوير وحمدوه ..~

حمده : انزيين أنا بسير شويه ..
نورة " بدفآشه " : ندري ندري انه رويشد .. سيري سيري ..
حمده : هههههه .. محد يعرفني كثرج .. " وروحت "
روضة : نوروه تدرين انه اللي دوم يحششرني بالتلفونات .. طلع نآصر ..!!
نورة : بذمتج ..!!
روضة : والله انه هو ..
نورة " مستآنسه " : يآ ويل حآلي ع ولد خآلي الرومنسي ..
روضة " اطالعها بنص عين واتقلدها " : يآ ويل حآلي ع ولد خآلي الرومنسي .. عيدي هالرمسه اشوفج .. انتي اكثر وحده اتعرفين اللي بينا ..
نورة : انزيين عنبوه عن تآكليني .. محد يسولف يعني ..
روضة : جآنها إلا سوالفج جيي خليها حققج ..
نورة : خييييييبه .. بلآج طنقرتي ..
روضة : ليش طنجره ..؟!
نورة " اتسوي عمرها تضحك " : هأهأهأهأ .. عبآلي طآسه حرآره ..
روضة : طآسه ولآ صحن ..
نورة : صحن فضآئي ولا صحن أرضي ..
روضة : أرضي ولأ سمآئي ..
نورة : سمآ ولا غيوم ..
روضة : عبآلي مطر ..
نورة : لـآ وانتي آلصآجه نفآف ..
روضة : بلـآه اعتوى لسآنج ..؟!
نورة : مصيحين عليه ويلـآت ..
روضة : ههههه ما تضحكين ..
نورة : اعيل ليش تضحكين ..
روضة : لوعتي بـ جبدي ترآج ..
نورة : اقولج ..
روضة : قوولي ..
نورة : انا سمعت .. سمعت ترآني هآ ..
روضة : انتي كل شئ تسمعينه .. قولي ..
نورة : بس سمعت ترآني ..
روضة : ايييييييييييييها ..
نورة : انه .. احم ككح .. عرسج بعد شهر تقريباً ..
روضة " تلتفت اطالعها "
نورة " باندفاع " : ها تراني بس سمعت ما يخصني ..
روضة " بحزن " : هي صح ..
نورة : أنزين ليش جي حزينه .. ؟؟
روضة " دموعها بعيونها " : مآ أعرف كيف بعيش بعدين .. كيف بنتفاهم .. أصلاً هذا كله أحسسه حلم و بوعى منه .. عشآن جي مب عآطتنه اهتمام ..
نورة : روضة .. حآولي تتقبلين .. هذآ نصيبج وقدر مكتوب لج .. أنتي مـآ تقدرين أتسوين شئ .. الله كاتب لج هالشئ .. مآ تدرين يمكن يسعدج وغيره ما يقدرون ..
روضة " دموعها تنزل " : نورة لا تتكلمين ع أساس أنج مآ تعرفين شئ .. أنتي اتعرفين كل صغيره وكبيرة بيني وبينه .. ولو حمدوه مب اخته بتكون ثآلثتنا .. " وتقوم عنها تسير للـ مطبخ .. اتهدي من نفسها شوي .. ونورة خلتها بروحها .. "

.
.

نفس الوقت ..
بيت بو سعيد ..
ميلس الرياييل ..

حآمد ~ حشرة وربشة وسوآلف وحآله .. خذت عهد ع نفسي أني مآ بفكر بـ حليلة اخويه إلا كأخت .. ونآسة هليه اهم من ونآسيته .. قلت ليش ما استوي شرآت عبدالله من بنت لين بنت ولـآ همه شئ وحتى الدوام ما يسير إلا مرة أو مرتين فـ الأسبوع .. وزين أنه سعيد مآ وصل تقرير عنه لأنه ريل عمتيه قآله بيصطلب ولـآ رآح عبدالله فيهآ .. آلمهم اتصل ليه ربيعي وقمت طلعت برع عن حشرتهم .. وخذتنا السوآلف وآلضحك .. ومآ حسيت بـ عمري إلـا أني دخلت المطبخ وشفت بنت يآلسه ع الكرسي اللي حذآل الطاولة ومحطيه إيدها ع عيونها .. بندت عن ربيعي بدون أي كلمه .. وأجربت منها .. شكلها كانت تصيح والحين اسمع شهقآتها .. مستحيل تكون غريبه اكيد وحده من آلعآيلة .. ~

..
روضة ~ صحت وصحت وصحت بما فيه الكفايه .. حبيت اهدي من نفسي شوي .. لككككن بقت معآي بقآيآ الصيآح اللي هي آلشهقآت .. حسسيت انه في شخص حذآلي .. خوزت أيدي شوي وشفنت كندورة بيضة .. ويوم خوزتها كآمله ورفعت رآسي أنصدمت بوجود حآمد قمت بسرعه .. وعدلت شيلتيه .. واتوجهت لـ مغسلة المطبخ غسلت ويهي ومسحت الجحآل اللي كآن نآزل .. وكنت بروح بس وقفني صوتته يوم قآلي ..~

حامد : روضة فيج شئ ..
روضة " وهي بعدها عآطتنه ظهرها " : لـآ .. مآ .. فيه شـ شـئ ..
حآمد : روضة أذا عندج مشكلة او شئ بسآعدج .. !
روضة " التفت له وقآلت بدون ما اتحس وهي اتصيح " : أنتوا كل مشكلتيه .. انتوا اكبر همومي .. انتوا خرآب حيآتي .. خرآب حيآتي .. " واتصيح بقوة وطلعت من المطبخ واتسآندت ع اليدآر .. أما هو يلس مكانها و تم يفكر بـ كلآمها .. "

حآمد ~ شقصدها أنَّ نحن كل مشكلتها واكبر همومها وخرآب حيآتها ..؟! وليش بالذآت قآلتلي أنا ..؟! وآلله مآ فهمت شئ ..!! بس مآ كنت متوقع بشوف حبيبة روحي يوم بهالحالة وما اروم اسوي شئ ..!! أيه حامد شقاعد تخربط حبيبة ما حبيبة " يضرب رآسه " اسستغفر الله .. بس لـآزم أكتشف آلسر بيوم من الأيآم .. ~

روضة ~ كييف أقوله هالكلـآم كييف ..!! .. أففف يآ ربي إذآ خبر حد وفهموا سآلفتيه .. بتستوي مشآكل لـآ لها اول ولـآ تـآلي .. يآ ربي اكيد بيسأل روحه عن سبب صيآحي .. يآ ربي شو أسوي شوو ..؟! .. ~

{ هدت شوي .. وقآمت وردت مكآنهـآ عند آلبنآت سوت عمرهآ عآديه .. بس مآ تطووف على نورة .. أتغدوا آلكل وأتيمعوا الحريم والريآييل فـ آلصآلة .. }

اليد : اييها يا زمان اول .. لا مكيفآت ولا تلفزونات ولا هـ اللي اتظربونه بـ إيدكم " كمبيوتر " .. غير غير ..
زآيد : عآد آلشيبة أحين فتح لـ عمره موضوع مآ بيسكت إذا بدا فييه ..
بو محمد : خله يرمس .. كل كلـآمه صدق ..
زآيد : لـآ تكبر له رآسه ..
اليد : أنتوا شو عندكم تتصآصرون ..؟! .. " يبتسم " لـآ يكون بتخطبوليه وأنا مآ ادري ..
ام سعيد : آمر منو تبآ انته ..؟!
آليد : والله ما أبا غير عشبة الله يرحمها ..
عبدالله : يدي لـآقلك وحده غرشوب لكنها عيوز .. يآ ويلي ويلـآه أسميها أتعق الطير من السما ..
اليد " يتقرب حذآل عبدالله " : جآنه إلـآ من صدقك حرآم يحبك ع رآسك ..
عبدالله " وفيه ضحكه " :ترآك توك اتقول ما بتاخذ ع يدتيه وحده ..
اليد : أنا ..؟! متى قلت ...؟!
الكل : ههههه
عبدالله : يدي تراها محجوزة حقي ..
اليد : لا لا أنته يبالك وحده اصغر عنك ولا ع كبرك أداريك .. شتبآهآ آلعيوز بتخيسك إلا من ريحة الفقسآت ..
عبدالله " وهو بينطر من الضحك " : هزرك يدي ...؟!
اليد : هي نعم .. العيوز خلها للشيبه .. والشآبة للشباب ..
حامد : يدي ترآه يقص عليك ..
اليد " يلتفت صوب عبدالله " : اذا طلعت اتقص عليه .. صدقني يهالعجوية لتنكسر ع ظهرك ..
عبدالله " يبتعد شوي شوي عن يده " : هآ يدي .. حشم حشم " يوقف " الصراحه يعني والواقع وليس الخيآل أني يآلس أجذب عليك .. " ويسير بعيد شوي وينفجر من الضحك واليد يحليله اتضآيج .."
نآصر " بهمس لـ رآشد " : إيه انته كلت ختيه بـ عوينآتك ..
رآشد : عادي كيفي حرمتيه ..
نآصر : لـآ مب كيفك ..
رآشد : إذا انته غيرآن هكييه رويض طالعها لين تشبع ..
ناصر : والله اخبر يدي عليك وخل يستوي ويهك أسود جآن ترووم بعععد ..
رآشد : عآدي ..
نآصر " يصآرخ " : يدي ..
اليد : آمر ..
نآصر : ترآ رآشد مآ يستحي طآلعه من الصبح يآلس يطآلع ختيه ..
الكل " يلتفت صوب رآشد اللي مآ يدري بالدنيا ويالس يطآلع حمده ويبتسملها .. "
اليد " يفر رآشد بكوب خآلي " : ما عليه يالهرم لآ تستحي ولآ تخيل يالس اطالع البنية جيي .. قوم اشوف اظهر برع ..
رآشد " معصب " : مآ عليه يا نويصر والله اردها لك .. " يلتفت صوب يده " يدي انا ما اطالعها انا اطالع اليدار اللي وراها وايد عايبني ..
اليد : هييي زين .. انا اقول بعد تربية ولديه ..
>.. البنات والشباب نقعوا ضحك عليه وعلى انقاذه السريع للموقف .. <
زآيد : والله خآطري اسير مول من المولات اللي اهنييه ..
عبدالله : فوووقه ..
سعيد : فآلح فـ هالشئ ولـآ الدوآم مآ تبآه ..
عبدالله : بداوم بداوم ..
سعيد : اسمعني يا اداوم شرآت الناس والعالم يا اتسير ادور لك وظيفه غير هاي الوظيفه ..
بو سعيد : اصبر عليه يا ولديه ..
سعيد : كم بصبر ثنوية وما كملها وشغلناه فـ الشرطه .. لا مدرسة فآلح ولـآ وظيفه فآلح .. كل حد قام يرمس فـ الدوام ويقول عسب أني اخوك .. مخلنك عآدي ..
عبدالله : بداوم بداوم .. قوموا يلـآ شباب بنسير ..
نورة : نحن بعد بنسير ..
عبدالله : ع وين ان شاء الله .. امره فزت فزه ..
نورة : الله يخليكم ..
عبدالله : ماشئ سيره ..
نورة : اسكت اننته .. راشد آند نآصر حريمكم يبن يشترن اغراض بسيطه للملجه فـ لازم اتشلونا ..
>.. حمدة وروضة التفتن ع بعض منصدمآت لأنها نوروه مب أول مرة تسويها ورآشد استانس .. <
بو محمد : هآذيلاك شورهن عند ريآييلهن وانتي ..؟
بو سعيد " يبا يغصص بها " : انتي يوم بتعرسين سيري ويا ريلج ..
نورة : ابووووووووووويه الله يخليك .. والله والله ابا اسير ابوووووووووويه .. هئ هئ هئ والله اصيح ترا ..
الكل: هههههههههههههههههههههههههههههههههههههههه ..
نورة : يعني موافق ..
بو سعيد : هي سيري سيري ..
نورة " تصآرخ " : هيييييييييييييييييييييييييييييييييي .. " وتركض حجرتها .. "
ام سعيد : طولها طول وتناقز شرات اليهال ..
بو محمد : خليها بآجر بييها الريل وبيحكرها ..
بو سعيد : هيي والله ..
عبدالله : يلآ اعيل بنسير قومن ..
روضة : انا بسير اييب عبآتي وشنطتيه من بيتنا وبيي ..
نآصر : اوك ..
روضة " وهي تمشي اطالعته بنظره يعني شـ دخلك .؟! "
..
روضة ~ طلعت وسرت البس عبآتي وشنطتيه .. طلعت ولقيت السيارة عند باب البيت ركبت جدام والتفتت للي يسوق عشآن ما يستويلي ذآك الموقف ومرتين ورد واستوى .. وطلع ناصر اللي يسوق ولآبس نظآرة شمسية الاخ عباله بيذوبني ويبتسم بعد .. وبحركه سريعه نزلت وركبت ورا ..~

نآصر : تعالي جدام ..
روضة : .......
نآصر : اذا ما ييتي صدقيني مب متحرك من هنيييه ..
روضة : ..................
{ تم واقف وهم مصمم إلا انها تركب جدام .. خطف بو محمد حذال السيارة لانه بيسير بيته بيرقد ودق الدريشة ع نآصر .. }

نآصر : هلـآ عمي ..
بو محمد : يالله جييه ما سرت ..؟!
نآصر : عمي بنتك تتدلع مب طايعه تركب ويايه جدام ..
بو محمد : اني رآعيها .. جي مب طايعه بععد " ويسير لها وين يالسه ورا ويزخها من ايدها ويركبها جدام "
بو محمد " يضرب الموتر " : يلا اتوكلوا .. " وروحوا "
..
فـ السيآرة ..
روضة " محرجه وتلف صوبه " : تدري اني اكرهك ..؟! .. تدري اني مغصوبه عليك ..؟! .. تدري لو أن الود ودي اذبحك ..؟! .. تدري اني كرهت حيآتي والسبب أنته ..؟! .. تدري أ... " قآطعها يوم حط إيده ع حجلها .. اقشعر جسمها .. بس هو كآن يحآول يسكتها بأي طريقة .. تموا ع هالحالة لين وصلوا المول .. والتفت صوبها .. وهم بعدهم فالسيارة "

ناصر : كل اللي قلتيه أعرفه .. وشعورج شرآت شعوري .. بس مآ بيغير شئ انتي حليلتيه وعقب كم اسبوع بتستوين حرمتيه .. ويلـآ انزلي يتريونا وحطي وقآيج ع ويهج ..
روضة : مآ بحطها ..
نآصر : إذا ما حطيتها قسم يـييج كف يدور لج رآسج تدويير ..
روضة : لآ تيلس اتكلمني هالأسلوب ..
نآصر : اعيل أي اسلوب تبيني اكلمج فيه الشيخه روضة ..؟!
روضة : .......
نآصر : يوم أرمسج ردي عليه ..
روضة : انا عندي تقلبآت فـ مزآجي ..
نآصر : عشتوا واستووا يعرفون المزآج بععد ..
روضة : مآ برد ع حثآلة ..
نآصر " عصب و صآرخ " : نعععععععععععععم ..؟! عيدي الرمسه أشوف ..
روضة " خآيفة لأنه الكلمة طلعت بالغلط وسكتت .. "
نآصر : انا حثآله .. مآ عليه برآوييج كيف الحثآلة يتصرفون ..
{ وطلع من البآركنات وهو يسسسرع طآرنه طرر .. ويجآوز بجنون وهرنآت وحآله .. ويتنفس بسرعه من كثر مب محرج .. دق له رآشد وكان جوآبه وهو يصآرخ : محد يدق تفهمون وخلوا المول حقكم وانا مب يآينكم .. عشان اتعرفون الحثآله كييف عدل .. وسكر الفون فـ ويهه .. }

روضة " متلومه " : نآصر آسفه .. دخيلك لـآ تسسرع ..
نـاصر " يصارخ " : جب ولـآ كلمة عشآن بس اتعرفين حدودج انا مب اصغر عيآلج اتقولين لي هالكلمة .. والله لو غيري ليفرج فرة جلآب فـ الشارع ..
روضة " مب قآدرة تقول شي من كثر الموقف "

{ وصل البيت بعد ما كان طآير .. نزلها .. وروح بوظبي .. وامه واخته بيشلهن حامد .. دخلت حجرتها وقفلت عليها الباب .. وتمت تصيح خآفت لو رآشد فهم السالفه لانه ناصر قال كلمة حثاله وهو يرمسه ومن غير كان معصصب .. تمت تدعي انه يعدي اليوم ع خييير .. صلت العصصر ورقدت من التعب .. بعد مكالمة ناصر لـ رآشد .. احترق رآشد يبا يعرف شسالفه .. بس مشى الامور وقاللهم انهم كنسلوا ما بيون اتحوطوا وع الساعه 8 ردوا .. روحوا هل بوظبي .. سآر رآشد حجرة روضة عسب يكلمها .. لكن شآفها مقفوله .. اسبح و تلبس ودقله عبدالله عسب بيتيمعون فـ ميلس واحد من ربعهم وسار وياهم زآيد .. نآصر بعده كان ع حرجته ومعصب من آلخآطر .. هاي الكلمة مب شويه وبالنسبة له كبييييييييييرة .. والله يسستر من اللي يآي .. }

تـــــ --> ــــآبع آلــبــآرت آلـحـــ{ 11 } ــآدي عشـــــر ..,’’

.
.

دبي ..
بيت بو هزآع ..
نفس الوقت ..
حجرة بو هزآع ..

طق طق طق ..

بو هزاع : ادخل ..
هزآع " يدخل " : السلـآم عليك أبويه ..
بو هزآع : وعليك السلـآم وآلرحمه ..
هزآع " اييلس " : أأا .. أبويه بغيتك برمسه ..
بز هزاع : آمر كم هزآع عندي انا ..؟!
هزاع " يبتسم " : أبويه انا أبا ..
بو هزاع " يطآلعه " : .......
هزاع : أبا أعرس ..
بو هزاع " يبتسم " : هآّي الساعه المبآركه .. ومآ بتلقا أخير عن بنآت عمك و ماظني يردنك ..
هزاع : شو ..؟! .. بس انا مآ أبا من بنآت عمي ..
بو هزاع : اعيل منو تبآ وحده من هالخيآس ..
هزآع : لـآ .. أنا أبأ بنت من آلعين ..
بو هزآع : والنعم فـ هل آلعين .. لكن انته بتآخذ وحده من بنآت عمك وما شئ غير هالرمسه ..
هزاع " يوقف وهو معصب " : انا بنآت عمي مآ أبآهن .. يآ آخذ البنت اللي فـ بآلي يآ بلـآها ..
بو هزاع : اسمعني عآد بآجر بنسير وبنخطبها رسمي .. وانته ويانا ورضيت ولا انرضيت بتاخذها ..
هزاع " وهومفول من الضيجه وياخذ سويجه من حجرته ويظهر من البيت .. "
..
عليأ " تلحححقه " : هزآع .. هزآع ..
هزاع " ركب موتره وروح "
عليا " تصآرخ " :هزااااااااااااااااااااااااااااااااااع ..
عليا : اف منك اففففففف .. " تمت تتصل له وما يرد .. وسآرت عند مآيد فـ الحجره .."
..
عليا : مآيد ..
مآيد : هممممم ..
عليا : دق لـ هزآع مآ يرد عليه ..
مآيد : شتبينه ..!!
عليا : طلع من البيت وهو معصب ..
مآيد : لـآ تحشرينه .. بيفج ضيجته فـ حد وبيرد ..
عليآ : افففف .. " وطلعت من الحجرة "

عليآ ~ أفف لو منو رمست مآ بيفهمون .. هزآع يبـآ نورة وأبويه يبآله ميثآ بنت عمي .. وادريبه أبويه إذا حط شئ فـ بآله يسويه يعني يسويه .. آلله يصبرك يآ خوويه .. طلعت من حجرة مآيد ونزلت تحت أبا ارمس أبوويه فالموضوع دخلت حجرته وأول ما دخلت قآلي : إذآ يآيه تترمسين عن موضوع هزآع .. فـ وفري لـ عمرج وما ابا ارمس فيه .. طلعت وانا مكسور خآطري عسب اخويه .. دورت امآيه عسب أكلمها فالموضوع .. مآ لقيتها و اتذكرت انها سآيرة عرس بنت ربيعتها .. نآسـ {ن} فـ طب ونآسـ {ن} فـ خب .. وآلله مشغول بآلي ع أخويه .. رن تلفوني والمتصلة نورة سولفت وياها وسكرت بعدين .. ~
..
نفس العآلم ..
شآطئ البحر ..

شخص يآلس جدآم البحر .. مضآيجه بـه الدنيآ .. مـآ يعرف شو يسوي بهالموضوع اللي طلع له فجأة .. حس بإيد ع جتفه .. لف عليه عشآن يشوفه ولقآه ربيعه ..

سلطآن " اييلس حذآله " : شو فيك يآ ريآل .. أدقلك مآ ترد عليه عرفت انك هنا ..
هزآع " مكور إيده ومحطنها تحت ذقنه ويطآلع آلبحر .. "
سلطآن : انا بتم حذآلك متى مآ حبيت أتففض أنا حآضر ..
هزآع " ع وضعه " : أبويه يآ سلطآن أبويه ..
سلطآن : بلـآه أبووك ..؟!
هزآع : يبآني آخذ بنت عمي ..
سلطآن : وشو المشكلة ..؟!
هزاع " يلتفت صوبه " : المشكلة اني احب غيرها .. اني ابا غيرها .. اني اعشق غيرها .. اني اللي ودي تكون حليلتيه غيرها .. افهموا بس افهموا .. الموضوع والله بسيط ..
سلطآن " يربت ع جتفه " : مآ عليه هونها وتهون .. وسير رمس أبوك ..
هزآع : هـه وع بآلك مآ رمسسته ..!!
سلطآن : وشو رد عليك ..؟!
هزآع : قآل بتاخذ بنت عمك يعني بتآخذها ..
سلطآن : حآول ويآآآه ..
هزآع : انا حآفظ أبويه مآ يفيد شئ ويآه ..
سلطآن : آلله يعيييييينك ..

.
.

فـ أبوظبي ..
فندق من آلفنآدق ..
عند منصور ..

منصور : نعم في شئ ..
مهرة : منصور دخيلك رد ..
منصور : مهرة هي كلمة وحده .. مب رآد لين تردوليه كرآمتيه ..
مهرة : وآلله تعآل شوف حآلة امايا ..
منصور : وأبويا ..؟!
مهرة : مضآيج بعد ..
منصور : .......
مهرة : رد عآد انته اخونا العود سندنا .. بجر أمايه و أبويا ..
منصور : مهرة لا تعصبيبيه .. كلمتيه مآ بغيرها لين تردوليه كرآمتيه ..
مهرة : رآسك يآبس وبيظل جي ..
منصور : اوك اوك يلـآ ورآيه شغل انا ..
مهرة : الله يحفظك ..
منصور " سكر الفون وتنهد " : آآآآآآآه ..
..
نفس الوقت ..
بيت بو منصور ..
فـ آلصآلة ..

بو منصور " ضآيج " : رمستي اخوج ..؟!
مهرة : هييي ..
ام منصور " وصوتها كله صيآح " : وشو قالج بيرد ..؟!
مهرة " بحزن " : لـآ .. قآل مآ بيرد لين تردوله كرآمته ..
بو منصور : ومآ قآلج هو وين ..؟!
مهرة : لـآء ..
بو منصور " يوقف " : انا بسير أدوره ..
ام منصور : الله يهديك وين بدوره ..؟!
بو منصور "يرد اييلس " : ................
ذياب : أبويه أتصصله وطيب خآطره ..
بو منصور : و إذآ مآ رد ..!!
ذيآب : بيرد .. اتصله انته ..
بو منصور " يتصل له ومآ يرد ومره مشغول .. ويرد يتصل ويتصل ويتصل لين رد .. "
..
منصور : ...........
بو منصور : منصصور .. " والكل يطآلعه "
منصور : ........... " صوت انفآسه بس "
بو منصور : رد يآ ولديه رد ..
منصور : مآ أروم يآ بويه ..
بو منصور : ليش مآ تروم ..؟!
منصور : كيف أرد لـ مكان فقدت فيه كرآمتيه وعزة نفسي ..؟!
بو منصور : مستعد أرد لك كرآمتك .. بس دخيلك رد ..
منصور : ..........
بو منصور : انا عمري مآ أترجيت شخص وانته أترجيتك رد يآ منصور رد ..
منصور : ............
بو منصور " بضعف " : والله الكف طلع غصبن عني ..
منصور : عندي شيء أبا اقوله ..
بو منصور : آمر أنته بس ..
منصور : مآ أبآ أي حد يعتذر لي غير بنتك ..
بو منصور : بخليها تعتذر لك وتحب ريولك بعد ..
منصور : أبآها بس تعتذر ..
بو منصور : تم أمره بس انته رد ..
منصور : وأباها تسمع رمستيه ..
بو منصور : إن شآء الله ..
منصور : ........
بو منصور : هآ بترد ..؟!
منصور : بفكر ..
بو منصور : يآ بويه نحن محترقين اهنا وانته أتفكر بعدك ..
منصور : مآ عليه أبويه انا عندي شغل ألحين .. مع السلـآمه ..
بو منصور : آلله يحفظك " وسكر آلفون "
..
عند منصور ..

منصور ~ انا أرآويج يآ فطيم بعدنى مآ ذوقتج شئ .. أعيل أنا أنضرب وانهآآن ع سبتج ..!! .. الأيآم يآيه .. وبتشوفين الويل .. أففففف ضييييج ملل مآ أعرف وين أسير .. بنزل المول بتحوط شوي .. ~
..
بيت بو منصور ..

ام منصور : شو قآلك ..
بو منصور : قآل بيشوف إذآ بيرد ..
ام منصور : كله منك انته وبنتك ..
بو منصور : اللي صآر صآر لـآ تردين عليه اللوم ..
ذيآب : بس هدوا هدوا اللعب يآ أولـآد < متفيج ..
بو + ام منصور " يطآلعونه بنظرآت بمعنى ترآك متفيج "
ذيآب : آسف آسف أقصد يآ أبويه وامايه ..
فطآمي " تنزل من الدري " : بآبـــــــآتي ..
بو منصور " يطآلعها " : ...........
فطآمي : أبا اسير المول ..
ذيآب : تبييين كفف انتي .. أي مول الحين آلساعه 9 ..
بو منصور : مآشئ سيرة الحين آلفليل ..
فطآمي : أووووووووووووف ابا اسير الحين ..
ذيآب : اوف ولا أون ..
فطآمي : عن السخآفه ..
ذيآب : عن السخافه ولا عن العبط ....
فطآمي " طاف وروحت عنه حجرته .. "
.
.

أبوظبي ..
بيت بو نآصر ..
الساعه 11 ..

دخل ناصر بيتهم و كان البيت ظلآم واضاءة خآفته وين حامد يآلس ..

نآصر : شو تسوي لين الحييين واعي ..؟!
حامد : اتريآك مآفي مرة عودتنا تي متأخر ..
نآصر : يلـآ اعيل قوم نرقد .. " ويمشي قبله .."
حآمد : احم .. أأ .. نآصر في شئ بينك وبين روضة ..؟!
نآصر " يوقف " : ليش سمعت شئ او شفت شئ ...؟!
حامد : أأ .. لـآ خلـآص مآشئ .. " ويروح بسرعه فوق لكن يوده نآصر من ذرآعه .."
نآصر : قول ..
حامد : لأنك مسآعه كنت بتي انته وياها المول .. لكنكم مآ ييتوا .. والحين متأخر عن البيت وشكلك معصب ..
نآصر : مآ في شئ .. ممآ حبينا انسير ويآكم .. يالله بند الليتات وسير أرقد .. " وسآر قبله فوق .."
حامد ~ أخوي وأعرفك .. واللي بينكم شئ كبير .. صيآحها مب منه والدرب .. وصرآخك ع راشد يوم يرمسك فالمول بعد مب منه والدرب .. آلله يسستر من اللي يآي ..~

.
.

اليوم الثآني ..
يوم السبت ..
الصبح الساعه 9 ونص ..
بيت بو منصور ..

يآلسين فـ الصآلة بو منصور , ام منصور , مهرة , ذيآب مآ عدآ فطآمي لأنها رآقدة ..

طق طق طق ..

بو منصور : قم ذياب فج آلبآب ..
ذيآب : إن شآء الله " وسآر يفتح الباب .. "
..
ذيآب : منصصصصور ..!!
منصور : هيييي ..
بو منصور : منو عند الباب يا ذيآب ..
ذيآب : هذآ منصور أبويه ..
مهرة وام + بو منصور : منصصصور ..! " ويركضون عنده .. "

بعد آلسلـآمات وكلمآت العتآب والاعتذآر وغيره ..

بو منصور : يالله ادخل ..
منصور : انا قايل لك ما برد ادخل هالبيت لين تردوليه كرآمتيه ..
ذيآب : ايييها شو بععد .. رديناها ترا ..
بو منصور : يا ذكي يعني سير ازقر اختك خل تعتذر ..
ذيآب : انزين .. " ويسير هو ومهرة و اييبون فطيم وهي منخمده فـ العسسسل .. وكشتها طآيره ولابسه برموده وقميص كت .. "
فطآمي " وعيونها نص مسكرة ونص مفتوحه " : أففف شتبوووووووووون ..؟!
ذيآب : اعتذريله ..؟!
فطآمي : آسفه يالحبيب .. " وترد بتسير بترقد .."
ام منصور " تزخها من ذرآعها " : إييه شو هالاعتذآر هذآ ..؟! اعتذريله زين اشوف ..
فطآمي : منو هو انزين ..؟!
ام منصور : مهرة أماية هاتيلها ماي هاي ما بتتنشط لين ينجب ماآي عليها ..
مهرة " سآرت و يآبت مآي ورشته ع فطآمي وصحصحت شوي .. "
فطآمي : اووووه ع أسآس أنك طآلع من البيت شو ردك الحيين ..؟!
بو منصور : رمسي أخوج عدل ..
فطآمي : والحين شو المطلوب مني ..
ام منصور : تعتذريله وتحبين رآسه بععد ..
فطآمي " عشآن تفتك واتسير ترقد " : ان شآء الله .. " تلتفت لـ منصور " آسسفه وحقك عليه .. وهآذي بوسه فوق الرآس " وبآسته وسآرت ترقد .. "

أما هم دخلوا البيت .. ويلسوا يسولفون اما منصور ما كان يسولف وآيد لـأنه بعده ما خذ ع خآطره .. واستأذن منهم وسآر يرقد .. وكل حد توجه عسب يسوي شغله ..

.
.

فـ العين ..
بعععد مرور اسبوع ..
بيت بو محمد ..

روضة ~ أفففففف .. هالاسبوع صرآحه متعب , لأنه مآ بآقي شئ ع عرس رآشد اخويه يمكن اسبوعين بس .. أنا ونوروه كل يوم السوق ويآ حمدوه .. ويوم من الأيآم شلنا حآمد دبي عسب نفصل فستآن عرس حمدوه .. وكل مآ نسير مكآن تجبرني نوروه اشتري شئ للزهبة فـ أعطيها فلوس من مهريه وأخليها تشتريلي ع كيف كيفها .. وانا بس صنم كل ما تسألني عن شئ اهز رآسي .. المهم فصصلت حمدوه فستآن العرس وبآقي لها اشياء بسيطه وسوالف الصآلون .. ومن بعد ذآك الموقف اللي صآر بيني وبين ناصر لا قام يتصل ولا حتى اشوفه .. فكككه منه .. بس بعدني متلومه .. وتمر الايام بملل .. لا شغل ولا مشغله ولا درآسه .. سهر ورقآد ومن مول لـ مول .. ملييت من حيآتي .. ~

الأوضآع حآلياً :

هزاع : خطب له ابوه بنت عمه ومب قآدر يتأقلم .. وحتى صآر هآدي وكله فـ حجرته ونادراً يظهر .. وعليا تحاول ويآه ..
عليا : ردت على أبوها انها مب موافقه لانها حست عمرها مب مرتآحه وابوها وصل خبر للعرب { كانت مخطوبه وسبق وذكرت هالشئ ..}
نآصر : حيآته عآدي .. ويخطط للمستقبل القريب .. ويعدل قسسسمه ..
روضة : قلت لكم ملخص حياتها فهالاسبوع ..
حمده : كذلك ..
راشد : مستانس .. ويعدل قسمه للانسة حمده .. ويحجز فـ القاعه وللسفر والفندق اللي بييلسون فيه ..
منصور : بعده حاط فـ خآطره .. ويتريا لين عقب الاعراس اللي عندهم فـ العايلة عسب يخطب عليا ..
فطآمي : من شآب لـ شآب وسوآلف وضحك وغرور وتكبر ..
مهرة : حياتها عاديه من البيت للجامعه ومن الجامعه للبيت ..
ذيآب : كلية ومصخره بنآت ..
حامد : صح يتعذب .. لكنه يحاول ينسى ويتأقلم .. ويحاول يكشف سر ناصر وروضة ..
مآيد : متغصص من فطآمي .. ويرآقب تحركآتها يوم عنده إجازة .. وخآطره يذبحها ..
عبدالله : كالعاده لعب وخربطآن .. لكنه اعتدل فـ دوامه ..
نورة : تسآعد بنآت عمها فـالزهبة .. وتحاول تقنع روضة انها تتقبل ..

.
.

أنتههههى آلبآرت ..
سووري ع القصور ..
ارائكـــم + إنتقـآدآتكـــم ..

فطآمي .. شو نهآيتها ..؟!
حآمد .. ظنكم فـ يوم رآح يكتشف سرهم ..؟!
نآصر .. صبره ع روضة لين متى ..؟!
روضة .. عدم تقبلها للي هي فيه لين متى ..؟!
هزآع .. بيتقبل ..؟! وبكل سهولة بينسى نورة ..؟!

..

وإذآ في توقعآت ثآنيه ..
الصفحه من صوبكم ..
..
مع تحيآتي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آشڪٍـٍـٍرڪ . . { قڵبـٍـٍڪ ڪبير ّ ّمرھـٍـٍـٍف إح ـسآاسـٍـٍٍـٍڪ ڪثير ♥ иёω рiс'z	روحيے فداڪ}• ~	المسنجر وملحقاته , توبيكات , ماسنجر بلس , msn	45	08-11-2012 10:11 AM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~	! ĐįƠЯ ƒάṦђịǑη !	قصص و روايات	19	12-18-2011 07:20 PM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ الكاتبه:نبض الامارات	اسوم 2014	قصص و روايات	3	12-17-2011 10:39 AM
آزٍعلِ وإن ڪِآن رٍضآڪ فيّ حبـہۧ آلڪوٍع كسَرٍت لڪ يْدي و حبيِت ڪَوعي bb pic	همس العشق	برامج وصور وثيمات والعاب بلاك بيري و IPhone	10	04-12-2011 06:17 PM
جديدي اڪسسوآرآت iphone 4 [ڪفرآت،استڪرآت]دلعو فونڪم ويآا ام هزآع والڪميه جداً محدوده *	محروم.كوم	منتدى أخبار المواقع والمنتديات العربية والأجنبية	0	09-28-2010 02:20 PM