بسم الله الرحمن الرحيم

السلام عليكم ورحمة الله وبركاته


#poem_4f660140d6205 td {font-family: Arial, Helvetica, sans-serif;font-size: x-large;font-weight: bold;} يالقرم شب النار وادن المعاميل حول الطعوس اللي توالا رعدها وف الدلال اللي تلاطم بها الهيل يطفي لهيب النار فاير زبدها حذرا يجيك الضيف منهك به الحيل يشوف ضوك مستميتن وقدها وامن الزهاب اغسل كبار الفناجيل منشاها كوري من مصانع بلدها هات القدوع اللي سقا حوضه السيل باحيالته وبل المناشي لبدها نقري ونقدع والليالي مقابيل وافعالنا عدل النبا ما نقدها في عزلتن ما عندنا القال والقيل ما غير صملات العلوم وجددها نبي نريح نفوسنا بالتساهيل واللي زرع زين الفعايل حصدها يا حلوها بعض الرمال الغراميل اللي سقتها النود وافي بردها واصل عليها النو مع قضية سهيل لين العقارب والمطر ما فقدها زملق بها النوار مثل القناديل ظلف النعيمي والحبص ما رمدها من دونها الوادي مثل جاري النيل روافده رشق السحايب هجدها ارخيت من حسي سواة الهماليل قاف البيوت اللي سبوقن هددها دليت اطورق بالسهل والجناديل لين الحشا جمة فؤادي وردها دلا يميح افكار بالي شهاليل حلو القراح من الطواري قصدها مرضي ضميري ما لويته على الميل اريد عدلات العلوم وسعدها


يوسف الخليفة ( أبو عبد الله )