عادة سرقة اجهزة الكراوين ( وحل مشكلتها )

محروم.كوم · #1 02-19-2012, 11:10 AM

السلام عليكم

بداية يسرني في هذا الصرح الشامخ ان اقدم لكم تحياتي

وموضوعي اليوم عن الناس الي يتجرؤن على سرقة اجهزة الكراوين

مع بداية رجوع الكراوين .. وأحذر كل من يحط الجهاز انه مايبتعد عنه

لان بعض الناس مايعرف الحرام ... من يسمع صوت الجهاز مشى على الصوت

حتى يحصل الجهاز ويسرقه .. لاحول ولا قوة الا بالله

انا صار لي الموقف هذا قبل اسبوع(وسبحان الله الحلال مايضيع)

كنت حاط الجهاز قريب من الديره يبعد خمسة كيلوا متر والجهاز كان له توقيت

يعني تقدر تضبط التوقيت على اي ساعة يشتغل وعلى اي ساعة يطفي

المهم انا حاط التوقيت على الساعة اربع الفجر ويطفي الساعه السابعه صباحا

يوم جيت للجهاز تقريبا الساعه سبع وربع مالقيت الجهاز وصورت جرة السياره

بالجوال وخليته معي وتبعت جرة السياره لكن للاسف جاي مع ازفلت وشال الجهاز

ورجع مع ازفلت ماقدرت اعرف وين وجهة السياره ..

المهم بعد اسبوع جاني ولد عمي زيارة في بيتي وتقهوى بعد ماطلع طلعت معه

وشفت السياره الي معه غريبه قلت له من سيارته هذي قال سيارة الحكومه

(هو شغال في المباحث ) وشفت الكفرات قلت هذي السياره الي شفت جرتها عند جهاز الكراوين ...

قال هذي السياره يداوم فيها اكثر من شخص .. قلت تقدر تطلع لي من

كان يداوم في السياره هذي في اليوم الفلاني ... قال لي نعم قلت خلاص تأكد وكلمني

المهم شوي دق علي قال كان فيها فلان وفلان مستلمين السياره نوبة اخر الليل قلت بس هم الي شايلين الجهاز

وانا اعرفهم شخصيا ... حسبي الله عليهم ..

المهم قال لي الموضوع عندي انا بتفاهم معهم .. هم كانوا نازلين اوف

المهم بطريقته الخاصه ... طلع الجهاز من عندهم .. بس لو اشرح الطريقه بطول عليكم اكثر ...

وبعد تقريبا ساعتين كلمني وقال الجهاز جابه الله ..

(((والغريب)))

أن ولد عمي سأل هذا الي شايل الجهاز

قال له ليش تشيل الجهاز ؟؟

قال والله انا سمعت الجهاز قلت يمكن احد مضيعه

في البر وقلت اشيله وأدور على صاحبه وين !!!..

ههههههههههههههههههههههه

والله انه مايستحي على وجهه

والمشكله انه شغال في المباحث...

وعمره 27 سنه

والله غريبه في هذي الايام شغال في المباحث ويسرق

في اي بنك تصرف هذي

والان نريد من الشباب يخترعون جهاز تتبع لجهاز الكراوين

لكي لو احد شال الجهاز تقدر تحدد مكانه

مثل جهاز تتبع الصقور بس يكون مسافته قريبه وحجم

الريشة مثلا او القطعه تكون صغيره جدا وتوضع في الجهاز

لكي لايراها السارق ..

وهذي ابسط الحلول ...

سبحان الله وبحمده سبحان الله العظيم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ للبيـع ] اجهزة ليزر لازالة الشعر/اجهزة تكبير الثدي/اجهزة تاتو مؤقت /كولاجين بجميع انواعه/ كيراتين/ لانجري فرنسي/ جميع المنتجات فرنسيه	الرمال+	بيع و شراء و عروض التجارية	198	11-28-2014 05:03 AM
[مشكلة] : اللغه موعارف احل مشكلتها .. !	محروم.كوم	منتدى أخبار المواقع والمنتديات العربية والأجنبية	0	12-05-2011 05:10 PM
اجهزة الكراوين الطيبه بالحسا	محروم.كوم	منتدى أخبار المواقع والمنتديات العربية والأجنبية	0	10-23-2011 01:40 PM
بيع اجهزة تخسيس منزليهاجهزة تاتواجهزة لزر منزلي لازالة الشعركيراتين برازيلي	محروم.كوم	منتدى أخبار المواقع والمنتديات العربية والأجنبية	0	10-06-2010 07:20 PM
الكراوين احب الكراوين (((((الكــــــــــــــــــــــراوين)))))	محروم.كوم	منتدى أخبار المواقع والمنتديات العربية والأجنبية	0	02-02-2010 12:00 PM