لله عـلـى مــزنٍ سـطــع فـيــه بـــراق
كــريـــم والــهــمــال زاد انــدفــاقــه

سيـلـه تـسـاوق بـيـن دارج ومـنـسـاق
لــه شـاهـدٍ بـيــن الـفـيـاض انشـقـاقـه
فيـاضٍ وريضـانٍ مـن الوسـم تشـتـاق
والـقــاع لـلـمـاطـر يــزيــد إشـتـيـاقـه
تبتل من بعـد الظمـى خضـر الأوراق
قـــاعٍ خــضــر لا قــــدر الله فــراقــه
ربيـعـه الـحـواذن شــاذي بـالاعـمـاق
وشـيـح ونـفـل والقـحـويـان بسـحـاقـه
عشبٍ نواويـره زهـت مثـل الاطـواق
أطــواق لـولــو منـتـظـم فـــي لـبـاقـه
عقـدٍ مجوهـر فـي مليـحـات الاعـنـاق
بيـض النحـور وزيـن الانـهـاد شـاقـه
هـب النسيـم وبيّنـت شمـس الأشــراق
منظـر بـديـع وكــل الاوصــاف فـاقـه
يــامــا تـلاقـابــه حـبـايــب وعــشــاق
واسـقـوا ربـيـع قلوبـهـم مــن عـنـاقـه
وأنــــا تـذكـرنــي روابــيــه تــريــاق
وأبكي على اللي صـب كاسـه وساقـه
أرخصت روحي عند عذبات الأرياق
وخـصٍ معـك يـامـن تجيـنـي سـراقـه
وين أنت عن قلبٍ على جمر الاشواق
وعيـنٍ علـى شـوفـك يـزيـد احتـراقـه
يــا شــوق لــو تـربـع لـونـات خـفـاق
. وتشـوف عيـن اللـي علـيـه الشفـاقـه