شاعر يوصف منزل حبيتة !

محروم.كوم · #1 04-16-2009, 08:50 PM

للاستماع
http://www.fesalup.com/9TFCUQ5O5PZB/ÈÓÇã%20&Cced il;áÝáí&Iacu te;%20ãæÚÏ.rar. html

ماأختـرت أنــا حـبـك وأنـتـي تعرفـيّـن
الـحـب عـمـرك مايـجـي فـيـه أختـيـار
هــذا خـيـار القـلـب وأنـتـي تعلمـيـن
القـلـب أصــلاّ أتـخـذ هــذا الـقــرار
والعشـق أحيـانـآ يـجـي قـسـوة ولـيـن
مـثـل الهزيـمـة الشبـيـهـة باأنـتـصـار
وأنـا بصراحـة عـشـت كلـتـا الحالتـيـن
لـكـن مـعــك أمـــن أنهيارَلاأنـهـيـار
وأن كــان حـبـك باأنتـحـار العاشـقـيـن
أروح لـجـل عـيـون حـبــك أنـتـحـار
يعـنـي أختـبـار يــوم عـنـي تبعـديـن
تــرى أنــا مـوقـد هـــذا الاخـتـبـار
البارحـه فــي اللـيـل باغتـنـي الحنـيـن
مسكـت فـي يـدي جهـازي ( المستـشـار )
صفـر صـفـر تسـعـه وأضـغـط ستتـيـن
خمسـه وخمـسـه (........................)
أدق ! أدق ! أدق! يـمـكــن سـاعـتـيـن
أدق ! أدق ! يطلـع لـي ( ويتنـغ أنتـظـار )
دقـيـت ردت بـعـدهـا مـــن دقيـتـيـن
مـن بعدهـا سمعتهـا ( صـوت القطـار !! )
الظـاهـر أن حبّـهـا رقــم ( أربـعـيـن )
والظـاهـر الـظـاهـر حبايـبـهـا كـثــار
ردت وقـلـت أشفـيـك صــارت ليلـتـيـن
أدق وقالـت عنـدي أخـوانـي ال0 0 كّـبـار
قلـت أبغـي أشوفـك يعنـي أبغاكـي تجـيـن
الحيـن يعـنـي الحـيـن مافـيـة أعـتـذار
قـالـت حبيـبـي خلّـهـا يـومـن تـزيـن
الحيـن مـاقـدر عـنـدي بـكـرة أختـبـار
قلـت أبغـي مابـي بـأي وسيـلـة تقـدريـن
الظـاهـر أنــة مـالـي عـنـدك أعتـبـار
قالـت خـلـص أتجيـنـي السـاعـة ثنـيـن
عشـان أصـرّف كـل أخوانـي الصغـار..! !
علـي طريـق ( خريـص ) والموعـد يحيـن
والصـوت مـع فـيـروز راكــب فكـسـأآر
علـي هـديـر البوسـطـة مــن تنـوريـن
(وعيـون عليّـا الـلـي ســوت أنهـيـار )

طـايـر كــذا دايــس بمـيـة وأربعـيـن
مشتـاق للمـوعـد وبــي الـشـوق حــار
معطـيـة ع الدعـسـة وطـايـر (حبتـيـن )
قــدام ومـبـدّل فخـامـس يــوم طـــار
لاجـرهــا باأثـنـيـن دبّـــل بـانـزيـن
كـنـة يطـلّـع لامـشـى مـنـه الـشــرار
كـنـة رونالديـنـو لعبـهـا لـزيـن ديــن
زيــدان ركـدهـا عـلــي صـــدرة ودار
قـالـت طريـقـك ماسـكـة قـلـي منـيـن
علـي طريـق (خريـص ) أو خـط المـطـار
الـوصّـف مايحـتـاج أذا تقضـبـة زيـــن
البـيـت وآضــح مايـبـي مـثـل النـهـار
قالـت تخـش أمـن العلـيـا تــدري ويــن
مـن تـحـت بــرج الفيصلـيـة لاأسـتـدار
وأنــت مخـلـي التحـلـيـة باأشـارتـيـن
طـوف الأشـارة الأولــي أيجـيـك الـمـدار
أدخــل مـعـة يـجـي تقـاطـع شارعـيـن
أدخـل يسـار ودز فــي عـكـس المـسـار
يمين ! سيـدة !سيـدة ! سيـدة ! ثـم يميـن
بعديـن سيـدة ! شـوي ثـم أكسـر يـسـار
ضل أمشي ! أمشي ! أمشي! أمشي ! أمش ! لين
كمّـل طريقـك ! شــارع مسفـلـت وقــار
أذا وصـلـت هـنــاك نـاظــر فلـتـيـن
الفـلـة الأولـــي ولـبّــق ع الـجــدار
يالـبـا قـلـب الـشـوق والـحـب اللعـيـن
يالـبّـا عيـنـك لـبّـا قـلـبـك يـامـنـار
يالـبّـا ! قلـبّـك !وقـلـب ! الـلـي تبـيـن
أمـك! أبـوك ! أخـوك ! سايقـك الحمـار ! ؟
شقـارهـا أصــلأ طبـيـعـي بخصلـتـيـن
البـنـت أصــلا شعـرهـا كـلـة شـقــار
الـمـرة الـلـي قبـلّـهـا برونزالجـبـيـن
الـمـرة هــذي لوكـهـا شـويـة سـمـار
منـار لا منهـا أضحكـت فـي الثغـر تـيـن
وقـامـت تـلـكّـع وبلعاكـتـهـا هـــزار
بـالــذات لآ أتـعـمـدت الصـدّرأيّـبـيـن
وتشـوف خــط نهـودهـا تـحـت الــزار
واللـبـس تـنـورة وفـــوق الركبـتـيـن
ملعونـة تـبـدع فــي ملابسـهـا القـصـار
مـن كثـر ماهـي ناعـمـة فيـهـا اليـديـن
الـيـا لمـسـت أخـدودهـا يطـلـع حـمـار
خـدودهـا الـخـجـلا تـقــل تفاحـتـيـن
كـذا الخـجـل أيـسـوّي للبـنـت أحـمـرار
والبنـت أنــا يعجبـنـي فيـهـا حاجتـيـن
لـبـس العبـايـة المخـصّـرة ولا الخـمـار
منـار ( طلقـة ) مثـل صــاروخ الحسـيـن
طلقـة ( كـذاااا ) صـاروخ قابـل لاأنفـجـار
لــو ينفـجـر خـطـر ة تبـيـد العالمـيـن
مفعولـهـا خـطـر وسـريـعـة أنـصـهـار
لـــو الـوكـالـة الـدولـيـة تستـعـيـن
للـطـاقـة الـذريــة ضـــد الأنـتـشـار
الأنشـطـار الـنـووي فــي النيـتـرويـن
يحـدث فــي أثـنـاء الـوقـوع الأنشـطـار
ملـفـهـا الـنــووي فـــي الشفـتـيـن
طـبـق عليـهـا ( لحيازتـهـا الحـصـار )
دمــار شـامـل أختـصـرهـا بكلمـتـيـن
أو لحظـة لحظـة كلمـة وحــدة باأختـصـار
لــو شافـهـا البـرادعـي شـوفـه بعـيـن
والله صنفّهـا مـن ( أسلـحـة الـدمـار ! ! )

القصيدة للشاعر السعودي
بسام الفليّح
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوسف ..يوسف أحسن طالب..	محروم.كوم	منتدى أخبار المواقع والمنتديات العربية والأجنبية	0	04-27-2010 09:30 AM
شاعر المليون الصغير(محمد تركي الغنامي) ونوف يرددون قصايد الشاعر يوسف العتيبي	ذيب ابيض	شاعر المليون للصغار	5	01-25-2010 04:27 PM
روعة : 10 مقاطع موسيقى من مسلسل " يوسف الصديق " الذي يحكي سيرة نبي الله يوسف (ع ) !	محروم.كوم	منتدى أخبار المواقع والمنتديات العربية والأجنبية	0	08-11-2009 01:50 PM
شاعر يرد على شاعر آخر ... صراحه كلمات قويه ...	محروم.كوم	منتدى أخبار المواقع والمنتديات العربية والأجنبية	0	08-11-2009 11:30 AM
حصريا..الشاعر محمد مريبد العازمي(نجم شاعر المليون1) في شاعر المليون2	محروم	شاعر المليون للكبار2	11	01-26-2008 05:26 PM