•●Ҳ تذكـر يـآ نـآســـي ,, ان الشـوق جتـآل Ҳ●•

ll~»9ξ9όŌόЋ · 08-17-2008, 06:12 PM

الجـــ 18 ــزء

صـوب هند وريم

طبعـآ كـآن اليوم ممل لهمـ .. لـآن مـآآ عندهم شيء يسوونـه فـ سـآر غرفت حميد .. وشـآفن السوني شغـآل .. واتشققن ..

هند : الللللللللله .. سـوني
ريم ( وهي تتعبث بـ رموت المكيف ) : شو هالمكيـف التعبـآن
هند : ريمـوه .. يـلـآ ندآومـ
ريم : على شـوه .!
هند : ع الســوني
ريم : الللللللللله .. سـوني
هند . ههههههه .. والله عبط .. تو النـآس عيونيـه
ريم : يـلـآ .. يـلـآ .. اقعدي
( ويقعدن ع الأرض .. ويـآخذن المخدآت ..)
ريم : يـلـآ .. تبين سبـآق سيـآرآت .. ولـآ مصـآرعه .! .!
هند : لأـآ ابغي مصـآرعـه
ريم : اوكيـه .. يـلـآ
( ويلسن يلعبن .. ومتحمسـآآت .. ويدخلون عليهم زآيد وحميـد .. لكنهمـ وقفـوا عند البـآب )
هند : هـــــــآآج هالبوكس
ريم : وهـآآآآج هالررفسـه
هند ( وهي تدق Start ) : ستوب .. مـآيستوي يالغشـآشه
ريم : الحين انا غشـآشـه .!
هند : هيه غشـآشه .. عنبو اشكرة عيني عينك تضربيني مرتين
ريم : طع هـآي .. انتي أيـه .. يستوي اضربج آلف مــرة مرة ..
هند : اوووووونه .. محد خبرنيـه .. يلا بنعيد من اول
ريم : لـآ لـآ .. مـآ يستوي .. بنكمل
هند : لـآ والللله .. عيل ألعبي بروج ( وتوقف )
ريم : اقولج بـلـآ هالأستهبـآل المـآصخ .. وتعـآلي .. نلعب
هند : مابا ألعبـي بروحج ( وتوقف ريم )
ريم : احسن .. ولا انا ابـآ ألعب ويـآج
( ومرة وحدة يصدن اثنينتهن ورآ .. ويشوفن حميد وزآيد )
ريم : احمـ .. اممم .. شفنا السوني .. تحسبنا محد يلعب عليه
زآيد : لـآ عـآديه ..
حميد : اذا حـآبين تـآخذون السونيه غررفتكم .. خذوه
ريم : اللللللله .. هييه هييه نبا
هند : لا لا ما نبا .. السموحة منكم ( وتسحب ريموه .. ويظهرن برع )

صوب سلطـآن

سلطـآن وهو ساير عند امـه في الغرفـه .. يالس يتعبث في فونـه .. قـآمـ يشفر عليـه .. ويدق الباب ع امـه ويحدر

سلطان : امـآيه انا ساير اسهر عند ربيعي .. ويمكن اتأخر

ام سلطان : اوكيه حبيبي .. لكن لـآ تنسى توديني العين .. وبنخطف ع خـآلـآتك ..
سلطان : ليش هم بيسورون فيانا ؟
ام سلطان : هيه فديتك
سلطان : خلاص عيل بـآجر اتجهزي .. بشلج ونخطف ع خـآلـآتي وبوديكن العين .. وانا اقدر ارد عيوزتي ؟
ام سلطان : عيوزتك في عينك يالهيس ..
سلطان : ول خيبـه .. انا ما ادري انتن يالعيايز .. تزعلن يوم الواحد يقول لكن عيايز
ام سلطان : عيوز في عينك يالهررم .. الحين انا عيوز ؟
سلطان : هيه
ام سلطان : صدق ما فيك مذهب .. يلا يلا اقبض الباب
سلطان : هههه فديتج .. وهاي بوسه ع الراس شو تبين اكثر
ام سلطان : هيه قص عليه يالهرم
سلطان : امـآيه .. طلبتج لـآ ترديني
ام سلطان : امر فديتك .. محتاي فلوس ؟ محتـآي حايه ؟
سلطان : لا امايه .. هب محتاي فلوس .. لكن دخيلج .. باجر يوم بنسير العين .. قولي لـ ام عواش اني ابا اتزوج عواش
ام سلطان : اقولك
سلطان : آمــري
ام سلطان : قم اقبض الباب دآم النفس عليك طيبه .. يلا قم قم
سلطان : خيبـه .. شعنه تكسرين بخاطري ؟
ام سلطان : يا ولد عيب .. ياهل ما طلعت من البيضة تبا تتزوج .. اقبضلك مذهب عاد .. وسير عند ربعك يلا .. قم
سلطان : ان شاء الله .. لكن عواش باخذها يعني باخذها ( ويظهر )
ام سلطان : عنبو .. شو ياه الولد .. مهتوي .. الله يعني عليـه

صوب شمة وميثـه

شمة : الحين انا تسوين فيني هالحركــه .! ما عليـه
ميثه : بـلـآج مشتطـه .. مافيهـآ شيء .. ترآه ريلـج
شمة : ريلــي .! من متى .! ميثـوه انتي اكثرر وحدة فاهمتنـي .. ليش تبون تزوجوني بالغصب .!
ميثه : فديتـج شموه .. ادري ان الزوآج مب بالغصب .. اذا انتي تبين وآحد ثاني قـولي
شمة : يـآربيه .. لا واحد ثاني ولا ثالث .. افهموني .. ما احبـه .. ما ابيـه ..
ميثه : لو تسمعج يدوه .. هه بتسفـرج
شمة : هييه صح ع طـآري يدوة وينهـآ .. مـآ شفتهـآ اليوم
ميثه : فـوق في غرفتهـآ .. يمكن رآقده .. هـآي يدتج مزآجيـه الصرآحـة ..
شمة : هههههههههههه فديتـهـآ انا

فـ بيت امـ سهيل
صوب سهيل ورآشد

رآشد : سهووووووووول
سهيل : شو هاي بعد سهول .. من وين طلعت لي بهـآ ؟
رآشد : ابيبي سهول .. ابا PSP يون ( لون ) اسود
سهيل : احلف انتـه بس .!
راشد : والله ..
( ويرن موبايل سهيل .. وميرة كـآنت ع الخط )
سهيل : رشود .. سير اللعب برع
راشد ( وهو يبااغم ) : ماااااااااابااااااااااااااااااا .. ابا PSP ( ويصيـح )
سهيل : اوووف شو هالبلشـه .. رشود سير طـآلع MPC3 .. حـآطين رسومك
راشد : مـآبـآآآآآآآآآآآآآآآآآآآ .. آآآآآآآآآآآآآآآآآآآآآآآآآآآآآآآآآآآآ ( وصيـآحة وآصل الفريج الثـآني
سهيل : يهـآل ما تنعطون ويـه .. قم يلا قم ( ويشله .. ويوديه عند امـه )
( ويرد ع الخط )
سهيل : الــوو
ميرة : تو النـآس .. شعنـه مخيسنـي جيـه
سهيل : فديتج .. رشود حـآآشرنيه .. جان اشله .. واوديه عند امـآيه
ميرة : هييه .. اتحسب رآقد ..
سهيل : ههههههههه حد يرقـد الحين
ميرة : هيه انت ترآك مزآجـــي
سهيل : لـآآآ واللله .. المهم .. وينـج .ّ ليش مـآ ييتي بيتنـآ اليوم .؟
ميرة : الحين عندنـآ ضيــوف .. مـآ اروم اظهـر
سهيل : ومنو هالضيــوف .!
ميرة : هند وريمـ .. شوو نسيت
سهيل : وهذيل تسمينهن ضيـوف .. جـآلبين البيت حلبـه مصـآآرعـه .. ومـآ خلو بقعـه في البيت إلـآ دآبجـوا عليهـآ وتقولين ضيـوف
ميرة : ههههههههه مـآعليه خلهمـ .. يهـآآل
سهيل : هذيل يهـآآل .! مـآآعليه .. وانا اتريـآآآج هنيه في البيت ومـآ ظهرت
ميرة : قـــــــووول والله .! سهـــووول عن الحركـآآت
سهيل : والله بعد شوو .. مـآ ظهرت .. وحدة قـآيله لي بتـي

السـآعة10 ونـص صوب حصـه وروضـه في السيـآرة وهم رآدين من المـول

روضة : هههههههههههههههههه
حصه : واللـه شفتيـه كيف عبيط .. لـآ اونه سـلـآمـآت ع شو عـآد
روضة : ههه حليلـه الولد .. زين منه بعد عطـآج التيشـو
حصه : لـآ بـآقي يمش عبـآتي بعد
روضة : هههههههه .. تعالي انتي كيف صبيتي العصير ع عباتج

حصه : ما ادري .. ما ادري ايدي يت ع صوب ما ادري كيف ههههههههه
روضة : بس بذمتج مب حلـو
حصه : هيه ما شاء الله .. غرشوب الصرآحة
روضة : ههههههه .. توة عبيط .. والحين غرشوب .!
حصه : هه .. يلا عاد
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Ҳ Ҳ إهداء من الشيخ ناصر آل خليفه لزوجته الشيخه شيخه آل مكتوم Ҳ Ҳ	محروم.كوم	منتدى أخبار المواقع والمنتديات العربية والأجنبية	0	10-03-2009 07:50 AM
شرح ●ҳҲҳ● اسرار وكؤوس لعبة Midnight Club Los Angeles ●ҳҲҳ●	محروم.كوم	منتدى أخبار المواقع والمنتديات العربية والأجنبية	0	08-30-2009 11:10 AM
•●Ҳ إذآ نـآـآۈي تـرۈۈح «« عبداللـﮧ سـآـآلم Ҳ●•	Dxbya Prestige	كلمات الاغاني	16	07-30-2009 03:00 PM
•●Ҳ ج ـرحت قـلب آلغرآم Ҳ●•	Dxbya Prestige	المواضيع المكرره	1	07-24-2008 05:01 PM
●ҳ̸Ҳ̸ҳ● نكـــات ملونـهـ جاهــــزه ●ҳ̸Ҳ̸ҳ●	ملاك الروح	المسنجر وملحقاته , توبيكات , ماسنجر بلس , msn	13	03-02-2008 11:57 PM