•●Ҳ تذكـر يـآ نـآســـي ,, ان الشـوق جتـآل Ҳ●• - الصفحة 3

ll~»9ξ9όŌόЋ · #1 01-26-2008, 09:03 PM

الجـــ2ــزء

راحت ريم تتلبس وتتكشخ .. وسهيل راح يتصل في ميره عسب يقول لها ان عقب ربع ساعه بيمرون عليها ... وحمدان وام سهيل كانوا يالسن في الصاله تحت .. نزلت ريم من فوق وشافها حمدان متكشخه ولابسه عباتها

حمدان : على وين انشاء الله ؟
ريم : احم احم بروح المطعم مع سهيل وميره
حمدان : عيل انا الحين بسير بيت عمي
ريم : احلف
حمدان : والله
ريم : انا ابغي اسير عند هندوو
حمدان : لا لا روحي مع سهول احسن
ريم ( وهي تزاعج ) : ماااباااا
ينزل سهيل من فوق : ريمو بـلاج تصارخين ؟
ريم : ابغي اسير مع حمدان بيت عمي
سهيل: احسن .. انا بروح مع ميره بروحنا
ام سهيل: لا لا ما تسيرون بروحكم
سهيل : ليش امايه .. ما بسوي فيها شيء
ريم : ههه لا لا بيسوي .. ما عليج منه
سهيل : ريموو يودي لسانج احسن
حمدان : امايه خليه يروح
ام سهيل : روح وفكني من حشرتك وشل معاك رشوود
سهيل ( يقوم يروح يبوسهـآ على راسهـآ ) : فديت امايه انا
ريم : انزين اماايه منو بيودينـآ بيت عمي
ام سهيل : شمووه فديتها بتوديكم
حمدان : انا بسير بقول لها تودينا
ريم : هيه سير سير .. انا بترياك هنيه

راح حمدان فووق .. ويدق باب الحجره ويحدر

حمدان : فديت شمووه انا
شمة : هلا حمداان
حمدان : فديتج شموه حياتي انتي
شمة : الزبده
حمدان: ودينا بيت عمي
شمة : انشاء الله من عيووني
حمدان : فديت شموه انا
شمة : حمدانوو مانع ما رد من السفر ؟
حمدان : لا بعده .. ليش ؟
شمة : هاااه لا بس سؤال
حمدان : شمووه .. ليكـون
شمة : انا لـآ شوو يــلا اطلع برع خلني اللبس ثيابي
حمدان: ههه انشاء الله

يظهر حمدان من الحجره وراح اتصل في حمد ولد عمه

حمدان : هلا بشيخ الشباب
حمد: اهلين
حمدان : يلا فديتك انا الحين ياي بيتكم
حمد : بروحك بتي ؟
حمدان: لا لا .. انا وريمو وشموو
حمد: يا ريال .. كنا بنسير ميلس سعــيد الــ ..
حمدان : باجر وراك شيء انت ؟
حمد: لا ابد
حمدان : خلاص عيل بنروح انا وانت وسهيل و صقوور

حمد: اوكيه خلاص
حمدان :يـلـآ فديتك جهز الفواله تراني ياينك
حمد : انشاء الله من عيوني
حمدان : فمـآن الله
حمد : فمـآن الله

نزلت شمه من فوق .. شرات القمر ما شاء الله عليهـآ ..

ام سهيل : يالله فديتج شمه .. وديهمـ تراهم حشروني
حمدان: يه يه يه فديت اختي كيف محلوه
شمة : ههه
ريم : ادري ادري اني احلى منها ما يحتاي
ام سهيل : فديتكم كلكم حلوين
حمدان : يـلا حموود يترياني

والكـل راح وركب السياره .. وفي الــطريـج

ريم : شموو
شمة: هلا
ريم: باجر بتسيرين الكليه
شمة لا .. ليش
حمدان : ليش ما بتسيرين ؟
شمة : بـآجر الخميس مب متفيجه اداوم
حمدان : عيل شو بتسوين في البيت بروحج ؟
شمة : بسير اشتري موبايل حق ريموو
ريم: ياااااااي مب مصدقه .. كشششخه
شمة: ههه هبله

في بيت بوصقر

هند : صقوور فديت روحك
صقر : قلت لج لا
هند: حراام عليك
صقر : خلاص هندو قلت لج لا
هند :والله انك سخيف
صقر : سخيف في عينج .. حشميني يالحماره انا اخوج العود
هند : انزين اسفه
ويحدر عليهم حمد : بلاكم قاعدين هنيه
صقر : هذي حشرتني .. ومسويه لي مناحه
حمد : هندوو شو تبين انتي
هند : ابغي الاب توب
حمد : حق شوو ؟
هند : الحيـن ريمو في الطريج .. وانا ابغي النت .. عسب يوم توصل نيلس على النت
حمد : انزين سيري خذي مـآل ميثوه
هند : مال ميثوه مريض .. مافيه اغاني ولا شيء
حمد : صقور عطها وفكنا من حشرتها
صقر : انزين اللاب توب مب عندي
هند : شو هذا العبط اللى فيك .. من الصبح ذاله عمري واخر شيء تقول مب عندي (( وتظهر وتسكر الباب بالقوو ))
حمد : ههه حليلها ذاله عمرهـآ من الصبح
صقر : ههه .. انا بالعمده يالس اقول لها ما بعطيج
__DEFINE_LIKE_SHARE__

ll~»9ξ9όŌόЋ · 01-26-2008, 09:04 PM

ظهرت هند من الغـرفـهـ .. وفي الممر .. شـآفت يدتهـآ موزه .. سلمت عليهـآ .. وقالت لهـآ تنـزل الصـآله وهي الحين بتنـزل وسـآرت عند ميثـهـ

هند : ميثووه
ميثه ( وهي ترمس بالموبايل ) : اووووص
هند : ياااربيــهـ .. هذا وكته
ميثه : اوكيـهـ من عيووني ( وتبنـد الخـط )
هند : هااه ترمسين منو ؟
ميثه : ارمس ريلي حـرامـ
هند : قصدج خطيبج
ميثه : واايه فدييته انا
هند : اونج عـآد بتتزوجين .. انتي وين والزواج وين
ميثه : ليش فديتج شوفيني انا
هند : مـآشاء الله جمـآل واخـلـآق .. وخبـآل
ميثه :خبـآل في عينج يالبطه
هند : مقبووله منج .. يالله مـآ علينـآ .. وين لاب صقوور ؟
ميثه : ليش ؟
هند : عيال عمي الحين بيوصلون
ميثه : صدق ؟
هند : هيه
ميثه : محد خبرني
هند : اقولج سيري سيري اتصلي في ريلج ورمسيه احسن
ميثه : ههههه وهذا اللى بسويه
هند : عنبو انتي ما تشبعين منه
ميثه : لا لا .. يلا فارجي خليني اتصل فيه

تنزل هند من فوق وتروح تسلم على شمه وريم وحمدان لـآنهم وصلـوا.. وينزل وراها حمد وصقر وميثة وشمـهـ اول مـآ حدرت راحت تسلـمـ على يدتهـآ موزه ..وعقب سلمت على عيـآل عمهـآ

ام صقر : هلا هلا بعيالي شمة وريم وحمدان .. شحالكم
شمة : بخير ربي يعافيج .. انتي شحالج ؟
ام صقر : بخير دامج بخير
وصل صقر وحمد من فوق .. صقر من بعيد : هلا بعيال العم
شمة وريم وحمدان: اهلين
حمد : هلا والله شمووه
شمة : اهلين .. انت وينك
حمد : والله موجود في هالدنيا
ريم : شموه باجر انا ما بسير المدرسه
شمة : ليش انشاء الله
ريم : عشان انتي ما بتسيرين
شمة : تراني بسير اشتري لج موبايل
ام صقر : منو يبغي موبايل ؟
شمة : ريموو
ام صقر : حتى هندوو مسويه اليوم لنا مناحه ابغي موبايل وابغي موبايل
شمة : ههه
هند : هيه والله عقب جهد جهيد .. اقنعت صقوور
صقر : قولي عقب ما حشرتيني وعورتي راسي
حمد : حمدان تعال بنسير فوق
حمدان : يـلا
هند : حتى نحن يلا ريمو قومي بنسير حجرتي

ويروح حمدان وحمد فووق .. وهند مطت ريم من ايدها وودتها فوق .. عسب يقعدون على النت وميثه .. قعت تسولف مع شمة .. وعقب راحت غرفتهـآ .. وشمـهـ تمت مع يدتهـآ تسولف

::

في حجره حمدان

حمد : ليش .؟!
حمدان : يا خوي ما اعرف ارقد برع البيت
حمد : انت ما بترقد في الشارع .. بترقد في بيت عمك
حمدان : سير لا .. ماابا
حمد : عن الحركات تم
حمدان : يا ريال قلت لك لا
حمد : انت ارقد عدنا عسب باجر مره وحده انسير ميلس سعيد الـ ..
حمدان : خلاص بتصل في امايه وبخبرها
حمد : الا تعال بتخبرك
حمدان : هلا
حمد : شو لون الدراجة اللى بتشتريها ؟
حمدان : محتار بين السوده وصفره
حمد : لا لا خذ شراتي لون اسود
حمدان : خلاص تم

::

صــوب ريم وهند

هند (وهي يالسه على الكمبيوتر) : هندوو
ريم : هلا
هند : ما بقى شيء على الامتحانات .. باتي عدنا
ريم : لا لا مابا
هند : عن الحركات
ريم : يعني اونج ما تعرفين تذاكرين بروحج ؟
هند : لا
ريم : انزين بشوف امايه اذا وافقت
هند : هيه ذكرتيني
ريم : شوو

هند : اقولج في واحد ضايفني
ريم : من وين ؟
هند : والله ما اعرف .. اقولج خرط عليه .. وصكيته ببلوك
ريم : احلفي ؟
هند : والله
ريم : كشخه لو نمت بيتكم اليوم .. بيطلع الخبال ..
هند : خخ اطمني بتباتين ..

::

في الصاله

صقر : امايه مانع متى بيرجع من السفر
ام صقر : عقب شهـر
صقر : والله له وحشة
ام صقر : انشاء الله من يوصل بخليه يخطب شمة
شمة هنيه انصــدمت واستحي ومنزلت راسهـآ
تنزل هند من فوق : منو اللى بيخطب
صقر : محد محد
هند (وهي تصاصر ريم ) : ادري يرمسون عن مانع
ريم : ياللوتيه انتي بس خـلاص اسكتي
هند : هههه اوكيه
شمة ( تغير الموضوع ) : وين حمد ؟
حمد وحمدان نازلين من فوق : هلا نحن هنيه
هند : افاا واللـهـ يدوه وينهـآ ؟
ام صقر : راحت غرفتهـآ ترتـآح
هند : خخخ بسير لهـآ بعدين بطلع لهـآ قرون
حمدان : فديت عموتي انا .. خلي حمد يبات عدنا
حمد : اماايه عادي اسير ابات عدهم ؟
ام صقر : فديتك انا ما عندي مانع
هند : عيل نحن بناخذ ريمووو
ريم : شمووه فديت قلبج انا خليني اباات
شمة : لا لا
ريم : فديتج انا والله ما بسوي ازعاج موليه
شمة : بنشووف
هند : يس يس
شمة : بس منو بيوديكم المدرسه باجر
هند : باجر بنغيب .. ما بنسير المدرسه
صقر : شووووو
ريم : تقصد بنسير
شمة : ههه
صقر : حمدان قول حق اخوك يجهز الدراجات حق باجر
حمدان : خلاص تم
هند : ليش ليش .. وين بتسيرون باجر ؟
صقر : بنروح البر ( الـورقـهـ ) بنشل الدراجات كلهن
هند : صقووور بتسير مع منو ؟
صقر : اطمني فديتج ما بروح مع ربعي ..
هند : يااااي كشخه .. بلعب درااجه
ام صقر : شمة فديتج قولي حق امج لا تتاخر علينا باجر
شمة : ان شاء الله .. بس الساعه كم بتطلعون ؟
صقر : امممـ السااعه 4 العصـر
ام صقر : هيه لـآن الجو حلو وبراد وما في شمس
حمد : صقور .. الساعه 3 العصر انا وحمدان وسهيل بنكون هنيه .. عسب نحمل الدراجات .. والحريم بيلحقونا بعدين
صقر : خلاص تم
حمدان : يلا شمو انا وحمد نترياج في السياره
شمة : اوكيه

ركب حمدان وحمد السياره .. وريم تمت عندهم .. وفي الــطريج شمة كانت تسوق السيااره .. وهي هاديه وايد .. وحاطه اغنيه ميحــد ((كف يا طيرن على غصنك تغرد )) حمد وحمدان .. مستغربين شمة شو فيهـآ ..!؟

::

يخجــــــل الانـــــوار بالخد المـــورد
نور برقن لهب سحب الجو غــــاره
سيـــده يحلــي اللآلي والــــــزمرد
مجتمع ليلـــــه على مشرق نهاره
لو نظــــــر في قاسين قلبه تمــرد
لان لوقلبــــــه مثل صم الحجـــاره
من كثر شوقي غدى فكري مشرد
وكل ليله في منامي لـــــــه زياره

::

شمة تقول في بالهـآ .. انا اتزوج مانع .. لا لا مب معقووله .. انا من زمان ما شفته .. كيف بحبه وبتزوجه .. ويلست تفكر وتفكر وتفكر

--

انتهـــى الـــ ج ـــزء =)

اتمنـى انهـ عيبكمـ .. ّ __DEFINE_LIKE_SHARE__

ll~»9ξ9όŌόЋ · 01-27-2008, 07:16 PM

وييينكمـ ..!!

خـلـآص مـآ بكمـل القصـه

والسموحـه =) __DEFINE_LIKE_SHARE__

بنت الشوامس · 01-27-2008, 08:30 PM

لاء لاء

دخيييييلج

كمليها ..

اسمحيلي امس قريتها

ولا قدرت ارد عليج >< ..

كمليها لو سمحتي اهئ .. __DEFINE_LIKE_SHARE__

ll~»9ξ9όŌόЋ · 01-28-2008, 06:28 PM

ههه // دآمـ جييه

خـلـآص بـآجر بنـزل البـآرت الثـآلث

وتسلميـن ع هالمــرور الكشـوخي

واللهـ يعطيج العافيـه =) __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Ҳ Ҳ إهداء من الشيخ ناصر آل خليفه لزوجته الشيخه شيخه آل مكتوم Ҳ Ҳ	محروم.كوم	منتدى أخبار المواقع والمنتديات العربية والأجنبية	0	10-03-2009 07:50 AM
شرح ●ҳҲҳ● اسرار وكؤوس لعبة Midnight Club Los Angeles ●ҳҲҳ●	محروم.كوم	منتدى أخبار المواقع والمنتديات العربية والأجنبية	0	08-30-2009 11:10 AM
•●Ҳ إذآ نـآـآۈي تـرۈۈح «« عبداللـﮧ سـآـآلم Ҳ●•	Dxbya Prestige	كلمات الاغاني	16	07-30-2009 03:00 PM
•●Ҳ ج ـرحت قـلب آلغرآم Ҳ●•	Dxbya Prestige	المواضيع المكرره	1	07-24-2008 05:01 PM
●ҳ̸Ҳ̸ҳ● نكـــات ملونـهـ جاهــــزه ●ҳ̸Ҳ̸ҳ●	ملاك الروح	المسنجر وملحقاته , توبيكات , ماسنجر بلس , msn	13	03-02-2008 11:57 PM