يافهيد راح البرد مابه مطاريش

محروم.كوم · #1 01-24-2012, 02:50 AM

بسم الله الرحمن الرحيم
صبحكم_مساكم الله بالخير
اليوم حبينا نشارككم بقصيده والجود من الموجود

[font="century gothic"]
يافهيد راح البرد مابه مطاريش
والحر راعيه بدا حسب ريشه
من غير لا وش بك ومن غيرها ليش
لاينشد الناشد بوش به وليشه
وإن عادها النشاد واكثر تنابيش
مابي عذر مابي بعد ماعليشه
بالصدر شوكه ماتجيها المناقيش
تزود مع زود الظغوط تحريشه
القيظ فدرنا مثل فدر الجيش
ياوقت فرق فالبناد م وجيشه
الصيف رحب والنسانس طراطيش
وفهيد يحسب للدوام ودقيشه

ماهوب عيب العيش اودورة
الادمي للعيش محتاج عيشه
العيب في رجلن حريصن على العيش
والعيب في رجلن شديدن بعيشه
صدري تولم فيه عسكر وبه جيش
وانا بحاول صد ظيقك وجيشه
انته وانا ومخلصين التباليش
رفاقتي الاحرار عوق الخريشه
نبي إلأاجات المزون المراهيش
نسري وإذاما وافقة بالغبيشه
الكل منهم في عروقه نغاميش
والبوم والشبوط عند الوليشه
نبغى خلا نبغى بعيد المغابيش
شمال ولا يم كتنه وبيشه
نبى الرياظ ام العشوب المداقيش
والخد لوتاطاه فيه تخفيشه
بالطير ولا بامهات النواتيش
في ديرتن وان جيت اوصف وحيشه
خلك من اللي لامشا كنه جحيش
وان دلعوه صغير ته الجحيشه
نبي من اللي كنهن اشقر الريش
يكيفي نقول ابوشقارن بريشه
ياخذ من القرناس في وصفه الطيش
والحر وشو دون بتعه وطيشه
مجيوب كاش وزود عن كاش بخشيش
جديد جاهز وش لنا بتخشيشه
مافيه لالزقات ولا نقاريش
ابدع بخطه من يحل الحشيشه
يمشي مشي معقول ماهوب بشويش
ذالنوع وش له يوم يمشي شويشه
وإذا على العسكر إذامر تفتيش
الشكل هذا مالهم بتفتيشه
الجيب ياهل الجيب من دون تنبيش
وإلا سكن بالقلب ماغثا عريشه
واعمهن من شان نبش النوابيش
عشان مايلقون عندي نبيشه
يامهتوين المدن بالله على ويش
في روسكم شي اباعرف ويشه
الله يجيب البرد ليني به آعيش
مالي عذر جوي وبعرف اعيشه
مع طاعة الله خذ ليالك فرافيش
الصبح تدفن وصط قبرك بخيشه
مابيش ياعالم من العمر مابيش
غير الهدى والصيد شين مابيشه

[/font] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من السدر البري والطلح البري والحبة السوداء والزهور البرية المعالجة يتميز عسلنا النادر	محروم.كوم	منتدى أخبار المواقع والمنتديات العربية والأجنبية	0	08-12-2011 09:20 AM
البرد مـآهو برد اليدين ورجفة عظــآآم ,,البرد برد الرووح اذا غ ـــآب غــآليك	همس العشق	اثاث و ديكور المنازل والمطابخ والصالات	13	02-08-2011 12:41 PM
مابه اثر والفكر يمه يوديه	محروم.كوم	منتدى أخبار المواقع والمنتديات العربية والأجنبية	0	08-17-2010 10:10 PM
فيضة الطيارات ::: خضرة وشهابة مع مطاريس	محروم.كوم	منتدى أخبار المواقع والمنتديات العربية والأجنبية	0	02-22-2010 03:40 PM
اسم وسميه عرفهم مابه اكلوف....؟؟؟؟؟؟	محروم.كوم	منتدى أخبار المواقع والمنتديات العربية والأجنبية	0	04-29-2009 05:10 AM